هلا باخوي الحبيب ابو عبد العزيز
يالله انك تحييه
اطلعت على رسالتك وسعدت كثيرا بذلك
وسبق وان اطلعت على موضوعك من اول ما ترحته
ولكن للاسف الرجن لا احد يستطيع ان يخبرك عنه بمعلومه مؤكده وطريقه صحيحة تجعل الدجاجة ترجن
فلا الديك له دخل بذلك والدليل انظر الى الاخت ليندا رجنت دجاجتها وليس عندها ديك
وانا اعاني من كثرة الدجاج الراجن لانه يسبب لي خلل في المشروع يعني تخيل يرجن عندك 100 دجاجه يعني فقدت 100 بيضه يوميا زيادة على انهم يبون اكل
والي يقول لا تشيل البيض او انها تبي مكن مخصص عشان ترجن كلها معلومات غير مؤكده يعني انا باليوم اجني البيض مره واحيانا مرتين ولا خصصت مكان لهن عشان يرجنن حاط سطول وابلك للجميع ابيهن يبيضن فيه ومع ذلك اجد الكثير من الدجاج متحضن له حصات او حجارة وراجن عليها واذا جيت اجني البيض الله لا يورك انواع المعاناة الي تفتن عليك والي تنقرك والي تلحقك الله المستعان بس
لذلك والله مدري ويش اقولك غير اني حاضر بالي تبيه اذا تبي اجيبلك من الدجاج الراجن ومعها بيضها وتفكني منها انا تحت امرك والا يهمك عزيز وغالي
وانا الحين افكر بطريقه استفيد ولو من هالدجاج الراجن
واشتريت محاكر وباحط في كل رف دجاجه واحط تحتها بيض ونشوف يمكن نفتك من الفقاسه ولو لفتره
تمنياتيي لك بالتوفيق