|
رد: البيبي حق قطوتي مات .
السلام عليكم ورحمة الله وبركاته
حياك الله عزيزتي
الله يعوضك خير .. حاسة فيك وما ألومك في لهفتك لمعرفة سبب موت الكيتن وانتِ تنتظرينه من فترة على أحر من الجمر 
شوفي جعلك تسلمين :
حبيت أفزع معك من باب المشاركة الوجدانية  لأنه بالتأكيد مش هين على نفسك تحرصين على إنقاذ بس صغير توه مولود وفي الأخير تتفاجئين بموته .. الحمد لله على قضاءه وقدره وما نقدر نسوي شي وما قدامك غير الصبر وابشري بالخير 
بالنسبة لولادتها المبكرة ربما انك ما حسبتي لها زين من ساعة التزاوج  لكن على العموم ورداً على استفسارك خذي ذا الرابطين لأختنا الغالية ناديا الله يحفظها وفيه الرد وان شاء الله تستفيدين منهم وترتاحين نفسياً وتستعدين مستقبلا للكيتن الجديد الي بيجي بإذن الله :
لكن احرصي ما تزوجين بستك إلا بعد 4 شهور حتى ترتاح وتستعيد نشاطها واهتمي بتغذيتها مع إضافة الفيتامينات وخصصي لها كل يوم جزء من وقتك والعبي معها وحسسيها بحنانك حتى تتحسن نفسيتها وتنسى لأنه مش سهل على البسة تفقد صغيرها وما تتأثر نفسياً
وبالنسبة لعدد المواليد فهذا بمشيئة الله فمرة يجي واحد ومرة يجي أكثر من كذا 
بالتوفيق عزيزتي وان شاء الله يتعوض المفقود بستة يتربون بعزك 
__________________
الرجاء عدم الرد بأسلوبٍ قاسٍ فيه سخرية أو تحقير لأي عضو . قال صلى الله عليه وسلم " ما كان الرفق في شيء إلا زانه وما نزع من شيء إلا شانه "
|