[طائر الظلام]

المشاركة الأصلية كتبت بواسطة Nona999

السلام عليكم و رحمة الله وبركاته ..

اخوي فـ البدايه تصرفك غلط اتجاه الجيرمن الانثى كونك ضربتها ..

اولا : كسرت شخصيتها و تصرفك خاطى كان من الامكان استبدال الضرب بمعاقبتها بربطها او بتوبيخك لها ..

ثانيا : رؤية كلبك و انت تضرب الانثى يؤدي الى الخوف منك كونك ضربت كلب اكبر منه واقوى منه .. فما بالك به و هو اصغر منها ..

-------------------

بالنسبه لكلبك المفروض مايحتك بكلاب اكبر منه و اقوى منه بصغره " عشان لاينشى هذا الخوف فيه بكبره "

ممكن الاكتفاء عند صغره بـ انه يشوف الكلاب من بعيد ويتعلم منهم بس مايقرب لها عشان لا يحصل اشتباك بينهم اللذي يؤدي الى ~> خوفه من الكلاب ..

يفضل حاليا انك تنمي ثقته بنفسه وشجاعته وتكسرحاجز خوفه..

بحيث انك تجيب كلب اصغر منه بـ شهر شهرين او اكبر منه بشهر بشهرين و يفضل كلب زينه " عشان كلاب الزينه تتقبل كلاب اخرى عكس كلاب الحراسه ممكن تسبب ازعاج وناح وتزي الطينه بله " ..

و تحط كل واحد بليش تتركهم يطالعون بعض و تمسح على كلابك من عند " ذيله , صدره , ادينه " تعطيه ثقه و يروح الخوف منه ..

و تروح للكلب الاخر و تمسح عليه " عشان تبين له انه مايعمل شي و الوضع آمن " وبعدين ترجع لكلبك و شوي شوي تقربهم لبعض " اذا استجاب معك " بس لاتترك الكلب الاخر يعضه او تحصل بينهم اشتباكات ..

يفضل يكون الكلب صغير بالعمر ويكون متعود على الكلاب عشان ماينبح على كلبك ..

و يتوجب عليك تنمية شجاعته و لاتتركه يتضارب مع كلاب اخرى حتى و لو كانت اصغر منه و ابتعد عن الضرب ..

-----------

ان شاءالله افدتك ..

موفق

أختي الكريمة الكلبة لا أملكها كنت أتجول بكلبي فوقع اشتباك مع كلبة شخص آخر ضربتها لأنها أمسكت به من شعره وبدأت تحاول تمزيقه في الحقيقة ضربتها لاشعوريا من الخوف على كلبي وإجابتك أفادتني كثيرا و شكرا