[ام توتي فروتي]

السلام عليكم جميعا نفر نفر
وكل عام وانتو بخير بقولكم سبب غيابي وبقولكم قصتي وابغا مساعدتكم لبعص الامور اذا ممكن بالذات الخبراء
وبعض المتابعين عارفين قصتي مع القطوة ورفض امي لها ولعيالها لانها حملت وجابت ثلاثه قطط وصارت الدعوه حوسه ووصخ وازعاج من الطرفين من امي والقطوة قمت عرضت اثنين للتبني وراحو ربي يحفظهم وين ماكانو وربي حتى بالصلاه ادعيلهم ولكن المصيبه يوم تركت الام وولدها عندي حملت مره ثانيه وانشل تفكيري عرضتهم للتبني المؤقت محد تجاوب معي غير اللي يتجارون بالقطط وانا اعرف دكتورة بريطانيه فاتحه جمعيه للقطط تعالجهم وتتبناهم ولكن مشكلتها تعمل لهم عمليه عقم فكانت اخر الحلول واضطريت ارسل القطوة بعد ماكبر بطنها وحسيت راح تجيب اكثر من اول وفعلا جابت اربع قطط طبعا كنت علي تواصل مع الدكتورة انسانه راقيه جدا بتعاملها خذت القطه قبل الولاده بخمس ايام وولدتها ومازالت عندها المهم ترجيت الوالده اني ارجعها وبطلوع الروح وافقت بالذات يوم عرفت انها خلاص ماراح تحمل والدكتورة قالت ماراح اعطيك القطوة الا مع ابنها الكبير لانهم متعلقين ببعض اما الصغار تقول خذوهم ناس بالتنبي وحاليا انتظر قطوتي بفارغ الصبر ولكن نجي للمشاكل اللي انا خايفه منها ؟؟
1- الدكتورة راح ترسل القطوة مع ولدها وانا ماقلت لامي قلت لها بس ترسل لي القطوة بدون عيالها طبعا حطت لي شروط وضوابط ووافقت تبغا يكون لها مكان مخصص وماتدخل البيت كثير ولاتنام بغرف النوم وقالت جيبي نجار يسوي لها قفص كبير وانامستعده اساعدك قلت اوك
2- موعارفه كيف اعود قطوتي علي نظام معين اعترف اني غلطانه وخليت الدعوه سايبه اكل بكل مكان وخربت الحديقه هي وعيالها يسوونها بكل مكان بالحديقه رغم اني حاطه ليتر بوكس موعارفه كيف اجبرها علي مكان معين بالذات لاخليتها بالحوش
3- كيف افاتح امي بخبر ان القطوة معها الولد الكبير الحين صار عمره 7 شهور ومخصي ماراح يطلب تزاوج انا راح اعرضه للتبني بعدين اذا شفت الموضوع كبر احترت مع هالاهل
4- اخيرا المصيبه راحت الشغاله وراح السواق يعني متابعتي لهم بتكون مضاعفه مافي احد يساعدني موعارفه كيف انظم وقتي معهم ووين احطهم مؤقتا لان للحين ماجبت النجار عندي قفص كبير حق بغباء بخليهم جوا وقت النوم واليتر بوكس بحطه جوه بس موعارفه جوا الغرفه او بالحديقه ؟؟؟
وسلامتكم عارفه طولت عليكم بس احبكم ومحد يفهمني زيكم وشكرا