|
رد: ابغا الحل كلبي خايف بليييز
وعليكمـ السلامـ ورحمهـ الله وبركاتهـ
اهلين وسهلين اخوي b.5.a
الف مبروك عليك الكلب ويتربى بعزك ان شالله
وكل الي وفرته للكلب >> 100%
-ـ-ـ-
بخصوص النوم على الاسفنج اخي الكريم
هذا يعتمد على شغلتين .:
1 - التدريب >> تقوم بتدريب بسيط تجعله ينام بالمكان الذي تريده
وساقوم بشرح الطريقة
2 - راحة الكلب >> الكلب بنفسه يحدد مكان راحته للنوم وراح
-ـ-ـ-
بخصوص تدريب الكلب على النوم بمكان معين .:
1 - تجهزلك مكافئه >> من الـ high value >> مثل قطعة دجاج أو مكافئات مخصصة للكلاب بنكهة الدجاج
2 - تحط فراش النوم أو الاسفنج أو شي تبي الكلب ينام عليه وتكون انت والكلب والفراش بغرفة
3 - تنتظر الكلب وأول مايلمس الكلب الفراش على طوول>> تقوله yess وتعطيه مكافئة
4 - في البداية ماراح يستوعب بس مع التكرار راح يفهم
5 - تكرر العملية وتطورها الى انك تخليه يلمس الفراش مدة أطول وكل مرة تطول المدة وتعطيه المكافئة
6 - وتكرر العملية الى ان تخلي الكلب يجلس بالكاام على الفراش وتعطيه المكافئة
7 - اذا قعد على الفراش تظل تمسح عليه وتعطيه المكافئة عشان يحس بالراحة
8 - التدريب راح ياخذ وقت وكل شي يحتاج صبر >> لازم نكون واقعيين بمدى تفكيرهم وذكائهم
-ـ-ـ-ـ-
بخصوص النزول من الدرج يحتاج تدريب بسيط
لكن << !!
يحتاج الكثييير من التشجيع من قبلك انت
وهذا يعتبر احد التمارين التي تحتاج تشجيع صوتي أكثر من المكافئات
والتدريب يحتاج صبر ثم صبر ثم صبر
ويحتاج راابط وعلاقة قوية بينك وبين الكلب >> يعني ماراح يسمع او يلحق ورا شخص مايعرفه
التدريب للنزول من الدرج .:
1 - في البداية تخلي الكلب ينزل من على الدرج >> لان النزول اسهل
2 - تنزل قبل الكلب ((بدرجتين فقط )) وتناديه بصووت مشجع
وتطق على فخوذك عشان تشجعه >> تخيله طفل وتشجعه
3 - أول ماتشوفه بدا يتحرك بالنزول شجعه اكثر وكل ماينزل درجه تعطيه شوية من المكافئه
لان الكلب لما ياكل يحس بالراحة
4 - تكرر التدريب الى ان توصله الى آخر درجة وتعيد التدريب يومين او ثلاث
وتكتفي انك تكرره باليوم الواحد مرتين << لاتكثر ولا تزيد حفاظا على عظام وعضلات الكلب
5 - بعد الانتهاء من تدريب النزول تنتقل الى تدريب الصعود وبنفس الطريقة لكن بالعكس
-ـ-ـ-ـ-
ان شالله افدتك يالغالي
وبانتظار صور الكلب بقسم صور الكلاب عشان نفخر فيكم
|