[الطاير]

الف مبروك على الببغاء ,,,, وعقبال ما تفرخه وتشوف الانتاج ,,,



اما بخصوص العمر ,,,, فالخبراء يفيدونك ان شاء الله.


واما بخصوص انك بتطلعه برى القفص, فانسب طريقة انك تفتح باب القفص وتبعد عنه .... ممكن تاخذ دقايق وممكن تاخذ ساعات .... بس مرده طالع طالع, ولو اني انصحك وبقوة انك ما تحاول تطلعه الاسبوع هذا او حتى هذا الشهر, توه جديد ,,, خله يتعود على المكان الجديد ويطمن على وضعه ... وتذكر الحكمة البدوية الي تقول (( كل مطرود ملحوق )).

من خلال ما ذكرت عنه ,,,, فانا اقول لك الف مبروك ... الطير الي عندك (اليف)
وانا متأكد 100% انه راح يصير يطلع على يدك اول ما تحطها قدامه ... وراح تجيه حالات (هيجان) اذا شافك ,,,, ما تروح منه الحالة الى ان تطلعه برى القفص.

بس المسأله كلها مسألة وقت.

لا تعامله بعنف او تجبره يطلع برى القفص او تفتح له الباب وتخوفه من ورى القفص عشان يطلع ولا تدخل يدك في القفص ابداً على الاقل في الفترة هذي ... وفي نفس الوقت تودد له بالاكل وقطع التفاح والخضار والحاجات هذي, خله يعرف انك مهتم فيه ومع الوقت بيعرفك وبيبداء يتجاوب معاك.

انا شريت طير نفس حركات الي عندك و ما طلع على يدي الا بعد عدة اشهر .... والحين جنني كل ما يشوفني يمشي وراي ويلاحقني من غرفه لغرفه فلا تستعجل وطول بالك.




واخيراً خل وجود الطير عندك (فرصة) انك تكسب الاجر في الاحسان اليه,,,,, مو العكس.




وفقك الله