رد: ممكن طلب .. شلون اعرف السلحفاة بريه . مائيه . بر مائيه
شكرًا للأخت بس للأسف كلامها تقريبًا خطأ
لأن السؤال أصلاً خطأ
السلاحف تنقسم إلى برية و مائية بس
و المائية تنقسم إلى بحرية و سلاحف مياه عذبة
و السلاحف البرية و سلاحف المياه العذبة هي الي منتشرة تربيتها
مافي شي اسمه سلحفاة برمائية
و بالنسبة لطريقة التفريق طبعًا أول شي مكان العيش لأن السلاحف المائية ما تفارق الموية
و ثاني شي الصدفة ، لأن السلحفاة البرية صدفتها شبه مكورة أو مقببة أما المائية مسطحة شوي
و ثالث شي رجولها ، البرية تكون من عمودية شوي و تكون بأظافر و بدون أصابع
أما المائية فرجولها كلها أفقية و لها أصابع بسيطة بينها جلد عشان تقدر تسبح
رابع شي الراس لأن البرية راسها شبه مكعب و خشمها في النص من قدام أما المائية راسها مضغوط شوي و خشمها فوق مرفوع
خامس شي الذيل لأن البرية ذيلها عريض و المائية ذيلها نحيف
=-=
أما السلاحف المائية البحرية فتتميز بان رجولها مالها أظافر ولا أصابع ، تشبه الزعنفة
و بانها ما تقدر تدخل صدفتها
|