السلام عليكم ورحمة الله
اليوم يااخوان مريت بحاله صعبه لدرجة اني توترت وماكنت ادري كيف اتصرف وقتها..لحادثه صارت
لاحد ببغاواتي وهو الغيني..طبعا تعرفون الاقفاص اللي يجي بابها الامامي بسسته تتقفل بسرعه
وشكلها مربع حديد ، جيت اليوم اطلع الببغاء من القفص ومن فرحته بالخروج كان مطلع راسه اول
مافتحت الباب وانفلتت السسته مني بسرعه وطبقت على راسه وبدى الجعير وكان بحاله
جنون ، حاولت اني افك السسته ماقدرت وجبت زراديه عشان اقصها برضه مانفع ..الحمدلله انه
كان في منشار حديد قريب من القفص ماشفته من كثر التوتر ناديت الشغاله تساعدني وعطيت
الببغاء عصا صغيره يعضها لانه ماخلانا نقص السسته اللعينه!! وقصيناها اخيرا ..والحمدلله انها
جت على كذا طبعا اليوم بتخلص من القفص الشؤم وبشتري قفص جديد ، وهذي كانت غلطة لازم
نستفيد منها واللي عنده قفص بنفس الطريقه يحاول يتخلص منه ..
الحمدلله الذي لايحمد على مكروة سواه..