[ام ماجد]

المشاركة الأصلية كتبت بواسطة المألوف

الترويش يا خالتي ام ماجد في الشتاء يكون كل اسبوعين كل 9 ايام ، وبعدها تحطينه في غرفه مكتووومه ما يدخلها هواء خير شر يعني حطيه في غرفة وسكري النافذة و الباب وخليه 4 ساعات و خلاص ،
اما التشميس في الشتاء القوايل يعني الساعه 11 ، لين 3 العصر يكون حلوو التشميس فيها بس اذا حطيته في الشمس على تحطينه جنب جدار حطيه في وسط الحوش ولا تطولين عليه نص ساعة ،

اما عن البراز هذا طبيعي جدا ً الاسهال يكون ما راح تقولين طيري فيه سهال لين تقطعين عنه الفواكه يومين و تشوفين البراز اسهال عنده لان الطيور احيانا ً يجوع وياكل كثير و يصير عنده تلبك ويصير يسهل نص يوم وبعدين يرجع طبيعي و الناس يعطونه علاج على انه مريض وهو مو مريض ..،

بنصحك نصيحة حلوة علشان القشرة ، قبل لا تروشين طيرك خطي عليه زيت زيتون و زيت صبار و خليه نص ساعه وبعدين اغسليه تروح القشرة و تصير تطووووول علشان تطلع مرة ثانية

اما عن الطلوع على اليد ( طريقتي مجربها وحلوة كثير وسهله حطي على يدك منشفه و نزلي الطير على الارض و خليه في غرفه و احشريه في زاوية و دخلي المنشفه او الفوطه من بين رجوله بيصير في البداية خايف منها و الركوب بالقوة بس عقب 4 ايام بالكثير بيصير يركب و يحب المنشفه كثير و يحب يركب عليها ...، عقب ما يتعود على المنشفه تصيرين قطعتي شوط كبير تسوين نفس الطريقة بيدك تحشرينه و تدخليها تحت رجوله يومين و يصير يركب على يدك ويحب يدك ...،

اما الكلام اتوقع بدري ، ما كمل الطير عندك شهر الطير يحتاج فترة لين تشبع اذنه من سمااااع الكلمات ، بس رددي عليه كلمة الو أو بابا لين ينطق فيها ، بس قوليها الصبح و المغرب
وكل مرة قوليها 14 دقيقه ...، و ان شاء الله ينطق

وسلامتك تعبت من الكتابة

اول شي شكرا على كل هالكلام وجزاك الله خير وسلامة ايدك من التعب ^^
ثانيا الايام تركض يااخوي الطير بيكمل شهرين

الزيت حلو بس اخاف ماينظف من جسمه لان المويه لوحدها ماتكفي لتنظيف الزيت ><

شكرا مره ثانيه الله يوفقك اخوي ^^