[Miss lexus girl]

.. مرحبـــا

شلوونكم، شخبااركم، شحاالكم

عساكــم بخير وصحة وسلامة

اليوم بعد ماطلعت من الجامعة قلت بروح محلات الحيوانات اللي رحتهم من قبل بشوف إذا وثلت الهمسترات لأن لما رحت لهم الشهر اللي طاف قالولي عقب شهر

المهمرحت المحل الأول.. وكان في 4 .. روسي وأعتقد 2 ونتر وايت و 2 كامبلس

وجمهم صغار وكيووووووت.. بس بالغصب مسكت واحد منهم.. سرييعين لول

والعامل اللي هناك شكله مايعرف شي بالهمسترات.. لأنهم كانوا نايمين بالبيت البلاستيك.. مك البيت من طرف وقام يهزه جهة أرض الحوض لين طاحوا الهمسترات خرعهم وهم راقدين مساكين

وأنا بغيت أختبره قلتله هذول روسي؟؟ مافهم ونادى العامل الثاني.. وذاك يقول لي يس يس

قلت له ونتر وايت Or كامبلس؟

وتوهق.. جاوبني بجواب ماله علاقة بالسؤال


وقال لي الواحد بـ 5 دنانير بحرينية.. قلتله أوكي..

وكنت أبي أصورهم بس للأسف ماقدرت.. بس أحلى مافي المحل الأقفاص البلاستيك.. ولا فناد خمس نجوم


المهم بعدين طلعت المحل الثاني بمدينة عيسى

وهناك شفت حوض سمك وفيه هالعسولين..

الصراحة تخبلـــت عليهم

طبعا أنا رايحة حزة الظهر.. وأغلبهم متكورين ونايمين جنهم كور فرو



مافي إلا هالساحر كان واعي لول.. والثاني بعد بس كان هادئ لول

وأحلى شي لما مديت له يدي.. يطالع أصابعي وحرك خشمه بحركة ضحكتني لول

ولما قربت أصابعي مه مسكهم "بأطرافه الأمامية" وقام يشمهم لووول حدده عســوول



وبعدين وعى منهم هذا الأبيض.. يا سلاااام كيوووت

هذا شوي طفشني لما مسكته بس بعد مايعض



وأحلى مافي الهمسترات اللي بهالمحل.. إن مسكهم سهل

شكله صاحب المحل معودنهم.. مسكتهم ومايتحركون باليد للشردة

بس إستغربت من حجمهم وايد صغيــــــــرووووون

تقريبا 7 سم.. بس هم كاملين وياكلون لأن واحد كان ياكل خس


المهم، هذيل سعر الواحد بـ 2.500 دينار

وصاحب المحل قال بيعطيني الزوج بـ 4

بس ماشريت لأن ماكنت ماخذة فلوس تكفي لهم والقفص + الوالدة ماقنعتها للحين.. رغم إني متأكدة إذا شافتهم بتحبهم مثلي


المهم، إن شاء الله أقدر أقنعها واشتريهم.. حبيتهم وحجمهم كيوت.. وأحلى شي كل الألوان متوفرة..

وأعتقد هالقروب.. كانوا ونتر وكامبلس..

عاد للأسف.. التصوير بالموبايل.. لأني كنت ماخذة الكام وناسية البطارية في البيت "هع"

شرايكم فيهم.. مو عسولين؟؟ .. أبي ..