[medozoom]

بسم الله الرحمن الرحيم

اسعد الله اوقاتكم بكل خير جميعا بكل خير ..

اليوم يا اخوان جهزت لكم مقاطع الفيديو لتدريب ريكو على الطلوع على اليد والتوليف والمسح على الراس وهذا اجتهاد مني سواء أخطأت أو اصبت

اولاً :

المتطلبات الاساسيه

1-منشار

2-عصاه مكنسه

3-فصفص او حب مقشر للتدريب

4-فنيله كم طويل تكون ثقيله شوي <<مقاس كح كح الله اعلم كل واحد وحسب ضروف الكرش خخخخخخ

الطريقه

نقوم بقص العصاه لقطعتين متساويتين حوالي 20سم لكل قطعه وفي البدايه نضع العصاتين داخل القفص لفتره لا تزيد عن يوم عشان يتعرف عليها الببغاء

وهذي الصوره وانا حاط العصاتين داخل القفص

في المقطع هذا راح نلاحظ ان الببغاء يكره الطلوع على اليد والمسح على الراس وراح وينام على الارض عشان لا يطلع

لكن لما تحكر الببغاء بزاويه وتحط ايدك وتجبره على الطلوع هذي فكره ولكن انته بتجبره على حاجه هو ما يبغاها وهذا الفيديو يبين ما اقول

المقطع الاول

http://www.youtube.com/watch?v=yyiZeJSgavs

نجي الان للتدريب وخطوات التدريب

أولا:

نضع الببغاء على الاستاند ونجيب العصاتين الي حنستخدمها في التدريب ونقرب من الببغاء بهدوء

ونستخدم كلمه " أطلع"

حنلاحط انه راح يجلس يعض العصايه في البدايه وما راح يستجيب للأمر بسهوله

واول ما يحط رجله عليها راح يطير والمقطع الثاني يبين ذلك حتى مع استخدام اليد وكل مانزل راسه استفدت من الحركه وحكيت الراس

المقطع الثاني

http://www.youtube.com/watch?v=B5gEGw3V-JE

وهنا كمان راح نلاحظ انه بدا يتقبل الامر بأسلوب التشجيع فقط وهو بالكلام عن تطبيق الحركه المراده نقول " شاطر " وراح يربط انه بيسوي الشي الصح سواء كان طلوع او مسح على الراس بأسلوب هادي وما فيه اجبار وهذا المقطع يبين ذلك

المقطع الثالث

http://www.youtube.com/watch?v=UJawgAHSj1k

في هذا المقطع راح نستخدم اسلوب التشجيع بالأكل والكلام يعني لما الببغاء يسوي الي نبغاه راح نعطيه الاكل الي يحبه ونقول "شاطر " وراح يربط بها الطريقه اكثر من السابقه لوجود اكل وهذا المقطع يدل على ذلك

المقطع الرابع

http://www.youtube.com/watch?v=rgpYMbd6xMU

الان راح نستخدم اسلوب التكرار لحفظ الحركه المطلوبه عشان ترسخ في ذهن الببغاء وهذا المقطع يبين ذلك

المقطع الخامس

http://www.youtube.com/watch?v=At3IHR-QLPI

بعد كذا راح استخدم العصا واليد ليتطمن على اليد ويعرف انها مو ضاره وبكذا نكون اجتزنا اكثر مراحل التدريب وهذا المقطع

المقطع السادس

http://www.youtube.com/watch?v=eleMMYc6KV8

الان الببغاء تطمن من اليد وصار يرفع رجله عند سماع اطلع وبكذا يكون دربنا الببغاء على طلوع اليد وتم فهم الحركه بالمحفزات وجتزنا مراحل التدريب بالكامل واصبح لدينا ببغاء اليف ويطلع على اليد ونستطيع المسح على راسه

وهذا المقطع السابع والاخير ومعليش ماشاء الله صوت الكناري كان ملخبط الوضع خخخخخخ

http://www.youtube.com/watch?v=iq-AoFGh0LM

اتمنى ان اجتهادي ما ضاع هدر وقدمت شي ارضاني انا اولاً ثم انتم واتمنى لكم مشاهده ممتعه مع التدريبات

ولمشاهده المقاطع بالكامل تم دمجها مع بعض لتصبح مقطع واحد للي يبغى يخزنها بجهازه

http://www.youtube.com/watch?v=4CU36E41tNI

حصرياً على 2Zoo

مده التدريب 3 ايام

لكم ودي وصدق مودتي

محبكم الدائم

محمد