|
رد: ( الـذكـــريـــات ) + عندما تخيفك قطة
والله القطو احيانا يرفع الضغط
هو والحشرات هم الذين اتمنى ان لا اراهم طول عمري
وفي موقفين اتذكرهم يمكن يكونون عاديين بس صج وقتها خفت
من الموقف الأول وارتفع ضغطي من الثاني
الموقف الأول كنت رايح بيت واحد من الشباب وكنت مستانس " فرحان "
وقفت اسولف ويا الصاحب وكنا فاصلين " خارج نطاق التغطيه "
شفنا هالقطو اللي شكله كان مسكين واثنيناتنا طالعنا بعض بدون لا نتكلم وفهمنا المطلوب
قلت حق صاحبي شوف اللي بيصير الحين هذا اهداء حقك لووول
رحت حق القطو جني رامبو وكان واقف عند تكرمون سلة القمامه
قربت صوبه وكان واقف يطالعني وشكله مو خايف وصج اني استغربت بس قلت الحين بيخاف
صار بيني وبينه تقريبا متر ونص جان انزل عالأرض واطالعه واهو يطالعني
قلتله بااااااااه يعني بخليه يخاف جان يكشر عن انيابه ويطلع ضروسه ويقولي بخخخخخخ
ويالله يا سلوم اطلق رجليك للريح
صراحه اول مره اشوف قطو مثل هذا مع انه قزم نوعا ما ولونه ابيض بأسود
الموقف الثاني كنت صافط السياره ببراحه صوب مكان وطبعا كنت كاشخ
والسياره توها مغسوله ونظيفه ولما رجعت حق السياره شنو تتوقعون شفت ؟؟
قطو نايم فوق سيارتي وفي طبعات وبصمات رجليه على الكبوت
والله انقهرت قهر مو طبيعي افففف
|