[النادره]

المشاركة الأصلية كتبت بواسطة nasser1430

أختي ( النادرة ) ... مبروك إن شاء الله الطير ... والباين والله أعلم إن عمره ( 10 إلى 11 شهر ) أما ذكر أو أنثى فأكبر خبير في الطيور لو يقول لك ذكر أو أنثى يكون غلطان .. فالطير ما يعرف إنه ذكر أو أنثى إلا عن طريق تحليل الدم أو الناظور المخبري .. (( يعني عن طريق مختبر متخصص فقط لا غير )) .

لكن بالنسبة لقص الاظافر .. حاولي إنك تحطيه على مكان ما يكون على الأرض مباشرة ولا يكون مرتفع يكون في مستوى الجلسة يعني على كرسي أو كنب .. وأنتي تلاعبين الطير .. خلي معك مقصر أظافر وأسحب أصبعه وبدون ما يحس في المقص ولا يشوفه .. وقصي فقط (( 2 أو 3 ملي )) يعني الرأس الحاد من الظفر .. ولا تزيدين في القص أكثر من كذا لأن باقي الظفر أعصاب ودم .

وبالنسبة للكلام تقريباً ما عاد إلا الخير لأنه إذا تعدى السنة راح يكون نطقه للكلام صعب شوي .. بس فيه طريقة إنك تعطي الطير حب شمس أو فول سوداني .. وكل ما تعطين الطير حبة ورا حبة .. حاولي تسمعيه كلمة وتكون كلمة بسيطة النطق مثل ( بابا ، صوت القط ) .. يعني كلمة ما تتعدى ثلاث حروف ويكون حرف الياء والألف هو الغالب فيها ... وتدريجاً راح يتعلم بس يبغاله صبر غير طبيعي .

وزي ما قالوا الاخوان شكلي له في الاكل مهوب بس حب .. لكن أعطيه قطع فواكه وخضار إلا ( البقدونس ) لا تعطيه منه أبد أبد أبد لأنـــه يذبح ويقضي على حياته .

إن شاء الله إني أفدتك .. والله يخلي لك الطير ... مع السلامة .

يبارك بعمرك أخوي .. و ألف شكر على هالإجابات ماقصرت ..

بحاول أطبق و يارب ينفع معه .. لأنه ينتبه لأي حركة تصير و حاولت أخبي المقص بس على طول يشوفه و يسحبه من يدي ويصارخ ويعضني وبالأخير ينحاش .. المشكلة مزاجي مرات أحسه مايخاف مني يوقف علي وهو مسترخي ومرات يخاف ..
والاكــــــل ياخذها من يدي عادي و يرميها مع الجهة الثانية طبعا غير الشمسي و الفول السوداني ..
حتى لاحظت أن منقاره السفلي مقشر و يطيح منه قطع على خفيف هل هذا طبيعي ؟؟

يعطيك العافية .. و أشكرك مرة ثانية .. أسعدني مرورك