|
حصري:صور طوق منع نتف الريش...سويه بالبيت!
السلام عليكم ورحمة الله وبركاته هذي صور الطوق بعد ماركبته على الدرة المروضة اللي عمرها 6سنوات ونصف وصار لها 3سنين من بدأت التنتيف في الريش الطوق عبارة عن ورقة أشعة(من المستشفى)تحتاج لورقة وحده وتقص دائرة باستخدام الفرجار لتحديد القطر حسب مقاص الطير والمقص للقص طبعاً وبعد ماتقص تفتح فتحة وسط الطوق أكبر بشوي من مقاس رقبة الطير... وبعدها تقص الدائرة بخط يمر من الحد الى الفتحة حق الرقبة بعد كذا تجيب لاصق كهربا(تيب أسود) وتحطه على حدود مكان اللي يتلامس مع رقبة الطير وهي فتحة الرقبة عشان لايكون حاد ويجرح بعدين أحد يساعدك يمسك الطير بكفة اليد وانت تفتح الطوق واتدخل راسه للفتحه وتسكر الخط بلاصق أسود حق كهربا بعد وتحط كمية تحت وفوق أفقي وعمودي عشان مايقدر يفتحه وبعدين شوف سلوك الطير يقدر ياكل بنفسه والا يحتاج مساعده...اذا يحتاج يا انك تساعده أو تقصّر طول القطر حق الدائرة شوي وهاذي الصور بعد التركيب: وللمعلومية الطوق هذا قطره زايد 1-2سم لكن الطير متمكن الحمدلله بشرب الماء والاعتماد على نفسه أول ماركبته قام يتدمر ويصارخ ومقهور مرة لمدة ساعتين تقريباً وبعدها تعود ولاحظت اني أمس يوم طلعته من القفص وطار شوية بس على ارتفاع 30سم انجرح الجناحين ولهذا يجب عدم اخراج الطير أو ترغيبه بخفق الجناحين شكراً للقراءة وآسف عالمطولة :) |
رد: حصري:صور طوق منع نتف الريش...سويه بالبيت!
جزاك الله خير موضوع رائع....
مياو:) |
رد: حصري:صور طوق منع نتف الريش...سويه بالبيت!
مشكووور
بس هذا طيرك ينتف جيشه؟؟ |
رد: حصري:صور طوق منع نتف الريش...سويه بالبيت!
لله يخليه لك
طرحك رائع |
رد: حصري:صور طوق منع نتف الريش...سويه بالبيت!
يسلمو يالغالي
ابدعت في شرح |
رد: حصري:صور طوق منع نتف الريش...سويه بالبيت!
ما شاء الله
فكرة رائعه ومبدعه,,, أشكرك على مشاركتنا هذي الفكرة الرائعة. وفعلاً استفدت منها, في حال واجهتني هذي المشكلة. أخوي K-O-H ما قصرت وبيض الله وجهك وان شاء الله تفك أزمة للكثير من الأعضاء. تحياتي لك |
رد: حصري:صور طوق منع نتف الريش...سويه بالبيت!
اقتباس:
اقتباس:
اقتباس:
اقتباس:
|
رد: حصري:صور طوق منع نتف الريش...سويه بالبيت!
والله الصراحه الفكره مش بطاله
بس ماعجبتني لان نفس الفتحه اللي انت مدخل فيها رقبه الطير خطره واحس انها قد تسبب له مشاكل مستقبليا مثلا كجرحه او حتى خنقه واحس انها ثقيله على رقبته فانا افضل الطوق اللي يجيك على كامل رقبه الطير افضل واامن ولك مني كل التوفيق |
رد: حصري:صور طوق منع نتف الريش...سويه بالبيت!
السلام عليكم
ماشاء الله شرح وافي ..ومتقن الله لايهينك اخوي الغالي على هذا الشرح ..وان شاء الله يرجع طيرك مثل قبل وافضل ولكن عندي ملاحظه :: ياغالي انت قلت طيرك عمره ست سنوات ..حلو ... يعني معناها من قبل اربع سنوات وهو بالغ وهو في سن زواج ... قد يكون نتف الريش حاله نفسيه للحاجه الى رفيق اخر (( اقول قد )) فجرب جب له انثى ...وخاصه ان اسعار الدره مش غاليه مثل الطيور الكبيره وسعرها في متناول اليد بالتوفيق لك تحيه طيبه |
رد: حصري:صور طوق منع نتف الريش...سويه بالبيت!
اقتباس:
أولا .. تسلم اخوي K-O-H البارحه اشتقت لقصة طيرك وفتحت الرابط مال نتف الريش :D موضوع جميل,, شامبيه عنده شوية مشاكل الحين :o مجنون عويشق ^^ اصلن هاي قصة المواسم لطول السنه.. تحتاااااج ترجع للمواضيع و قصة هالطير و رفيقة دربه :D |
| جميع الأوقات بتوقيت GMT +3. الساعة الآن 04:16 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو