|
الى اصحاب الخبرة في الكلاب ؟؟ اسئله
السلام عليكم...
مرحبا أعضاء منتديات توزوو انا عضو جديد اتمنى تقبلوني اخ وصديق وفي االنهايه هاوي تربيه كلاب جديد اتمنى استفيد من العباقرة الموجودين في هالمنتدى الفذ.. جاب لي واحد من الزملاء كلبه وكانت حامل وهي من النوع " البوليسي" على ماأعتقد ووضعت ثمانيه وبعد اسبوعين اكلتهم جميعا الاواحد فأخذته عندي في البيت وفي البدايه بديت ارضعه حليب الى الان له عندي اسبوعين يعني عمره تقريبا شهر بدأ ياكل اكلته شويه من صدر الدجاج مطبوخ وكلاهم اتمنى منكم انكم تجاوبوني على اسئلتي كامله ؟ 1- ماهونوع هذا الكلب ؟؟هل هو من الانواع الجيده الاصيله؟؟ 2- وش اعطيه اكل وكم له وجبه في اليوم لاني بدأت الاحظ ضلوعه بدأت تظهر وهذا دليل عدم الاشباع؟؟ 3- فيه عيون فتحت والاخرى نص "تفتيحه" ماذا أفعل لعلاج هذه المشكله؟؟ 4- انا حاطه في صندوق شويه صغير ؟؟ هل هذا الوضع يناسبه ام ماذا؟؟ 5- الاحظ عليه اثناء الاكل الشراسه وهو غير مهذب في الاكل؟؟ ويعظ الصحن؟؟ 6- ماادري متى العبه وكيف اعوده على اللعب؟؟ 7- ماهو الجو اللي يناسبه ؟؟ لان الجو عندنا مره حاار؟؟ 8- بأي عمر ادربه؟؟ ايش اول تدريب يحتاجه الكلب؟؟ تكفون انصحوني وزودوني بكل اللي عندكم يخص هالنوع من الكلاب... شكرا لكم.. ولنا عوده بأذن الله هذي هي الصور.. ملاحظه : بأعتقادي انه من النوع"وولف" http://www.9wrh.com/get.php?filename=1153511610.jpg http://www.9wrh.com/get.php?filename=1153511737.jpg http://www.9wrh.com/get.php?filename=1153511893.jpg |
رد: الى اصحاب الخبرة في الكلاب ؟؟ اسئله
اخوي انا مو خبره بأنواع الكلاب بس هذي على حسب ظني روت ولر
|
رد: الى اصحاب الخبرة في الكلاب ؟؟ اسئله
نسيت.. انا كنت شاك بأنه روت ويلر لكن لازم نتأكد من العباقره ...وشكرا
|
رد: الى اصحاب الخبرة في الكلاب ؟؟ اسئله
اخوي هذي روت ويلر
|
رد: الى اصحاب الخبرة في الكلاب ؟؟ اسئله
ممكن أحد يجيب على هالاسئله والله محيرتني ........
|
رد: الى اصحاب الخبرة في الكلاب ؟؟ اسئله
اخوي هذا روت ويلر وتشرفنا بمعرفتك الطيبه معانا انصحك انا للصيف الدراي فود واذا لا يحبه اخلطه مع لحم مفروم او مع اشويه حليب اخوي عن العين انصحك ان تذهب للبيطري يمكن فطريات او وصخ بس فلاتخلي السالفه تزيد معاه ولا انصحك بصندق صغير الا اذا كنت تضعه في البيت ولمده معقوله يعني وقت النوم فقط او وقت الذهاب للعمل او لمشوار معين فيجب على الجرو التحرك والتأقلم مع الجو والناس الذين حوله وهذي الشغله تقوي شخصية الكلب وعلى الأكل في جلاب وايد جذي انت الي عليك يوعه وعطه الأكل من ايدك وطبب عليه ومدحه بصوت لطيف اخوي افضل وقت الحين بالصيف هو الفجر او المغرب وعلى التدريب تعلمه على اشياء بسيطه مثل عدم الخوف واللعب معاك ويجب عليك تكون علاقه مع كلبك علاقه حب وموده وعطف هههههههه فاهم عاد انت وتبدأ تدريبه على الأصوات المرتفعه بالتدريج وعدم الخوف من المرتفعات وهالسوالف كلها .
انشاءلله قدرت اوصلك الاجابات. وشكراا |
رد: الى اصحاب الخبرة في الكلاب ؟؟ اسئله
حبيبي هذا دوبر مان اوكي من ريوله يبين انه دوبر اوكي لانه الروت ويلر ريله مو جذيه وشكرا
|
رد: الى اصحاب الخبرة في الكلاب ؟؟ اسئله
الاخوان كفوا وفا لكن انا اعتقد انه هذا دوبرمان وهو اصيل وانصحك بالاهتمام فيه
اول خطوه تسويها الحين واهم خطوه انك تاخذه البيطري عشان يسويله فحص عام وارجوك لا تتكاسل وتهمله بالنسبه للأكل يريت الخبراء يقولونله جم عمره انا ماني عارفه جم عمره شكله صغر ماتعدا الشهرين؟؟؟ بالنسبه للصندوق انا اتفق تماما مع بوعزوز لازم تمشيه وتطلعه وتحاول تلعبه وتعوده عليكم ...اهو الحين صغير وايد اذا عاملته بلطف وحسسته بالحب والاهتمام راح تكسبه لآخر يوم في عمره فحاول دايما ان تططب طب عليه وتمدحه بخصوص عضه للصحن او شراسته مثل ماتقول هذا شي طبيعي بالجراء + انه اهو ممكن يكون خايف ومومتعود عليكم بخصوص اول تدريب يحتاجه الكلب اكرر كلام بوعزوز واكرر كلامي لازم تعوده عليك وعالبيت وتخليه يتحرك الحر مومناسب للجلب كلش ولا الجو البارد حاول تحطه بمكان دافي واهم شي الارضيه ماتكون صخور ولا سيراميك او ماشابه يفضل الاعشاب والتراب بخصوص العين اكرر لازم توديه الطبيب يسويله فحص عام لكن حاليا انت حاول تنظيفها بين فتره والثانيه بالشاي لانه مطهر ومنظف وزين حق التهابات العين بخصوص امه انت تقول انها بوليسي والله مادري بالنسبه لي ماعتقد امه بوليسي شكله دوبرمان لازم تنطر شوي ولمه يكبر راح يبين شكله عدل بس اذا انت متاكد انه امه بوليسيه هذا معناه انه كلب مهجن وليس اصيل |
رد: الى اصحاب الخبرة في الكلاب ؟؟ اسئله
الملامح تقول روت المخابط تقول دوبر مان اسمحلي اخوي الصوره مو واضحه :)
1- ماهونوع هذا الكلب ؟؟هل هو من الانواع الجيده الاصيله؟؟ ما ادري والله محتار بين الروت والدوبر مان 2- وش اعطيه اكل وكم له وجبه في اليوم لاني بدأت الاحظ ضلوعه بدأت تظهر وهذا دليل عدم الاشباع؟؟ توه صغير انصحك بالحليب والخبز بس مو وايد وتقدر تبلش فيه دراي فود3- فيه عيون فتحت والاخرى نص "تفتيحه" ماذا أفعل لعلاج هذه المشكله؟؟ انصحك تروح البيطري وتتأكد 4- انا حاطه في صندوق شويه صغير ؟؟ هل هذا الوضع يناسبه ام ماذا؟؟ مو مشكله بس لازم بين كل فتره تخليه يتحرك ويلعب ويفضل تغير له الصندوق وتخليه اكبر 5- الاحظ عليه اثناء الاكل الشراسه وهو غير مهذب في الاكل؟؟ ويعظ الصحن؟؟ هذا بالنسبه لي تصرف حلو وجميل ويدل على الشراسه والقوه 6- ماادري متى العبه وكيف اعوده على اللعب؟؟ الساعه 6 او 7 المغرب او الساعه 4 الفير احلى وقت بالنسبه لي 7- ماهو الجو اللي يناسبه ؟؟ لان الجو عندنا مره حاار؟؟ يحتاج لجو مناسب وانت عارف الحر بالخليج ما اعتقد يتحمل واهو بهالعمر8- بأي عمر ادربه؟؟ ايش اول تدريب يحتاجه الكلب؟؟ اعتقد بعمر 3 شهور تبلش و يمكن السيت واوامر الطاعه عموما قسم التدريب مفتوح وراح تلقا الي يسرك انشالله |
رد: الى اصحاب الخبرة في الكلاب ؟؟ اسئله
تفضل اخوي يبت لك صورته :) بالحالتيين ههههههه
اخوي اذا كان دوبر مان راح يطلع لك بهالشكل http://www.q8boy.com/uploads/46732ec9f4.jpg واذا كان روت ويلر راح يطلع لك بهالشكل http://www.q8boy.com/uploads/3fa99461cd.jpg والاثنان روعه ويتربى بعزك :) تحياتي لك |
| جميع الأوقات بتوقيت GMT +3. الساعة الآن 06:42 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو