السلام عليكم,, تحيه طيبه,, عضو جديد
 

بسم الله الرحمن الرحيم
السلام عليكم مشرفين واعضاء المنتدى,,
تحيه طيبه, وبعد,,

بداية ارحب فيكم واشيد الصراحة بالمنتدى الزين واللي يبرد جبد واللي ياخذ الوقت :D وما ينمل
منه ابد, وثاني شي ان شاء الله استفيد من اعضاء المنتدى الفطاحل وافيدكم ولو بشي بسيط لان اخوكم الصغير مبتدأ :) .


اخواني الكرام,,مرفق ادناه صور لحيه صدتها صغيره جدا طولها تقريبا 10سم وصراحة اجهل نوعها واسمها
واكون شاكر جزيل الشكر اذا افدتوني عن اسمها ونوعها واهم شي اذا سامه او غير سامه.

http://www8.0zz0.com/2008/11/21/23/346077623.jpg
http://www8.0zz0.com/2008/11/21/23/362302434.jpg
http://www8.0zz0.com/2008/11/21/23/768636820.jpg

مع التحيه,,
سليمان :)

رد: السلام عليكم,, تحيه طيبه,, عضو جديد
 

يا هلا ومرحبا بين اخوانك وان شاءالله نفيد ونستفيد منك

هذا يسمونه البسباس او ورقية الانف (leaf nosed snake)

واهي طبعا غير سامه وتتغذى على السحالي الصغار والفيران حديثة الولاده

واذا ما تقدر توفر لها هالشغلات انصحك تردها لطبيعتها

واي استفسار ثاني حاضرين :)

رد: السلام عليكم,, تحيه طيبه,, عضو جديد
 

أهلين وسهلين فيك sulaiman..
وان شاء الله بنفيدك وبتفيدنا, ومنستنى بمشاركاتك :)

رد: السلام عليكم,, تحيه طيبه,, عضو جديد
 

هذي ترا الاكل صعب حقة تقبل مروري

رد: السلام عليكم,, تحيه طيبه,, عضو جديد
 

السلام عليكم

* LimiTeD, شكرا جزيلا على الافاده وماقصرت كفيت ووفيت. وشكرا مره ثانيه على حرصك على الحياة الطبيعيه ونصيحتك لي, وفعلا انا دورت على فيران صغار وما حصلت, وبالنسبه حق السحالي بشوف اليوم بالبر اذا حصلت, واذا ما حصلت سحالي عاد ان شاء الله على قولتك بردها طبيعاتها ولا تموت بذمتي :D .
بس اذا تقدر تفيدني وين احصل فيران صغار بالكويت فجزاك الله خير.

* عروس الجليل, شاكر مروركم وان شاء الله نكون قدها :). وحلوه صورة السلاحف صافين دور.

* احب جيمع الحيوانات, شكرا لمرورك والافاده.

رد: السلام عليكم,, تحيه طيبه,, عضو جديد
 

تتربى بعزك =)

الفيران الصغار مشكله في كل مكان مو بس بالكويت, من وين لي وين تلقى احد يبيع صغار
الحل انك تدور سحالي و تسد يوعها بعدين تييبلك يوز فيران و تولدهم عندك .. بس بعدها راح تواجه مشكله ثانيه الي اهي الفيران يكبرون بسرعه و يتكاثرون بسرعه, فـ اذا مالك خلق لويتهم ردها خلها تدبر روحها

رد: السلام عليكم,, تحيه طيبه,, عضو جديد
 

رد: السلام عليكم,, تحيه طيبه,, عضو جديد
 

السلام عليكم مره ثانيه :)

*Guccino, صبحك الله بالخير, رايك ونعم الراي بس تطبيقها بالنسبه لي جدا صعب ويبيلهم معابل :). بس شورك اني اقزرها على السحالي خوش شور, لانهم متوفرين بس ها عاد مو السحالي, عزك الله البراعصه ملوت البر, جربتهم وماشاءالله وحده بوحده :).
وشاكرلك مرورك وشورك.


*LiMiTed الفطحل, صبحك الله بالخير خذيتلي فره على مواضيعك وردودك بهالمنتدى الزين, مشالله تبارك الرحمن موسوعه متنقله :). الله يزيدك من علمه ويبارك لك فيه بالخير ان شاء الله. نصيحتك يالطيب على العين والراس لكن انا الحين لقيتلي حل وبجرب شهر اذا الوضع زين ومريح كملت بتربيتها, واذا تعبتني وضايقتني بردها بيتها ان شاء الله.
ومدام احنا بطاري الحيه البارحه وانا احوس بالبر لقيت حيه تشبه البسباس بجسمها لكنها اكبر واعرض وراسها على شكل مثلث وتخوفت اني اصيدها وتطلع سامه, وراح انزل صورتها ان شاء الله في وقت ثاني عشان انتعرف عليها ونوعها ونستفيد.

سامحونا يا جماعه على الطواله وشاكر لكم مروركم وردودكم :)

رد: السلام عليكم,, تحيه طيبه,, عضو جديد
 

رد: السلام عليكم,, تحيه طيبه,, عضو جديد( إضافة صوره)
 

السلام عليكم,,

هذي صورة الحيه اللي لقيتها والرجاء الافاده عن نوع هالحيه وسامه ولا غير سامه :)
http://www6.0zz0.com/2008/11/25/15/207971969.jpg

*LiMiTeD,, لقيتها بر شمال فوق المطلاع, حوالين اختها اللي صدتها قبلها