|
طـــلــب // مـحـلات بـيـع الـهـامـسـتـر فــي الــريــاض
السلام عليكم ..،
ياليت من الاخوان يفيدوني حول افضل المحلات الي تبيع الهامستر في الرياض بكافة انواعه اليوم رحت لمحل ( واحة الحيوان ) في الملز لكن للأسف عدد الهامسترات عندهم جداً قليل وما عندهم الا صيني واسعارهم عالية ياليت القى عندكم افضل المحلات حول هذا القارض وياليت يكون فيه وصف لها .. كذالك ياليت الي يعرف وين مكان محل الفيفا للحيوانات ... الي اعرفه انه في الملز في شارع صلاح الدين .. لكن الشارع طويل جداً .. يعني وين مكان بالتحديد .. وجزاكم الله خير .. |
رد: طـــلــب // مـحـلات بـيـع الـهـامـسـتـر فــي الــريــاض
عنواين كتبها احد الأعضاء وهي :
الحياة والطبيعة تـ :4531946 2053957 2053360 فـ :4531344 طريق الملك عبد العزيز حي الورود ----------------------------------------- قرية الحيوان تـ :4162958 فـ :4162968 طريق الملك عبد العزيز ----------------------------------------- الحديقة الجميلة تـ :4826541 تقاطع شارع التخصصي بـ شارع موسى بن نصير ---------------------------------------- ركن الحيوان تـ :2255417 فـ :4544577 جـ :0507240730 شارع الإمام سعود بن عبدالعزيز ------------------------------------------ الحيوان المدلل تـ :4546796 جـ :0506496525 شارع الإمام سعود بن عبدالعزيز ------------------------------------------ عالم الطيور والاسماك تـ :4707981 جـ :0508356842 طريق الملك فهد بجوار فن تايم بتزا ------------------------------------------ فيفا تـ :4774761 شارع الستين حي الملز ------------------------------------------ واحة الحيوان تـ :4780081 شارع الاحساء مقابل ماكدونالدز حي الملز ----------------------------------------- |
رد: طـــلــب // مـحـلات بـيـع الـهـامـسـتـر فــي الــريــاض
مشكور اخوي ، لكن يا اخوان انا ما ابي شغل نسخ ولصق ، ابي واحد رايح للمحل وعنده خبره ، حول الاسعار والانواع ابي افضل محل كذالك ياليت يكون هناك تفصيل في الوصف ما ينفع تقول شارع الستين .. وشارع الستين في الرياض ما تشوف اخره ومحلات مليانه |
رد: طـــلــب // مـحـلات بـيـع الـهـامـسـتـر فــي الــريــاض
اسير انا رحت امس للحديقة الجميلة اللي داخل اليورومارشيه ولقيت
هامسترات اعجبتني شكلها بالمرة بس خسارة عندي زوج والا كان شريتهم انصحك تروح عندهم وتلحق عليها وتأكد انها ذكر وانثى واخذها بـ45 لا يلعب عليك ويقول 60 طبعاً اليورو مارشيه تقطع طريق العروبة مع التخصصي تدخل البوابه تروح يمين |
رد: طـــلــب // مـحـلات بـيـع الـهـامـسـتـر فــي الــريــاض
^
^ الله يعطيك العافيه اخوي ، بس ليه قلتلي سعره بـ 45 .. لان سعره يختلف من محل الى محل رحت اليوم العصر لمحل واحة الحيوان ولقيت عندهم هامسترت خايسه ومريضه شكلها وقالي بـ 75 الواحد !! ،، عموماً إن شاء الله بعد اشوي بروح لليورمارشية وياويلك لو ما لقيت شيءء حلو .. بعيد المحل :D // على فكرة .. ما قلتلولي يا اخوان وين موقع محل فيفا للحيوانات بالتحديد ؟ من يعرف يوصفه لي زييييييييين |
رد: طـــلــب // مـحـلات بـيـع الـهـامـسـتـر فــي الــريــاض
اقتباس:
اليورمارشية الي تقول عنه يدخلون شباب ولا بس عوائل |
رد: طـــلــب // مـحـلات بـيـع الـهـامـسـتـر فــي الــريــاض
اسير الشوق1
انت رحت لشارع الستين عشان تروح فيفا صح اذا كنت تبي هامستر لا تروح لها انا رحت لها من يومين كلها فيران بيضاء كنها جرذي تقرف ومولده عندهم بعد يمكن خمس احواض فيها هالفيران وما فيها هامستر ^_^. |
رد: طـــلــب // مـحـلات بـيـع الـهـامـسـتـر فــي الــريــاض
اقتباس:
معليش بتلقف ايه عادي يدخلون بس ما يدخلو للسوبر ماركت وصح كلام مصقال انا رايحه لليور مارشيه وشايفه في محل الحدائق الجميله زوج هامستر سوري واحد بيج والثاني على ما اعتقد بني يمكن مصقال كان يقصد هذول ^_^. |
رد: طـــلــب // مـحـلات بـيـع الـهـامـسـتـر فــي الــريــاض
يعطيك العافيه
لكن ما عندهم الا زوج سوري بس ؟ انا ابي محل كبير يكون عنده انواع واشكال للهامسترات ابي احتااااااااااااااااااااااار وانا اختار .. :D |
رد: طـــلــب // مـحـلات بـيـع الـهـامـسـتـر فــي الــريــاض
اخوي في فترة الشتا ما تلقى هامسترات بسهوله وحتى يغلونها
وحتى انا رايحه لمحل حيوانات الهامستر الواحد بثمانين والزوج بمئه واربعين اما في الصيف تلقها تقريباً في كل المحلات وانا في العطلعه الي راحت كان صيف وحر وتلقى في المحل الواحد تقريباً عشرين او ثلاثين بدون مبالغه وتحتاااااااار وش تاخذ اتذكر انا والله مادري وش اخذ كثييييييييير وفي الاخير ما خذت الا واحد وانصحك انك ما تشتري الا اذا جا الصيف عشان تختااااار على كيفك وبارخص الاسعار ^_^. |
| جميع الأوقات بتوقيت GMT +3. الساعة الآن 02:08 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو