منتديات تو زوو - هل هذا الجوز جاهز ؟؟

السلام عليكم

ماشاءالله مبروك عليك الزوج
ونظافة القفص والإهتمام واضحة يعطيك العافية
الطيور جاهزة حطهم في مكان هادي مافيه حركة كتيرة
كمان الأفضل تغير المجثم البلاستيك لمجثم خشبي
عشان تقلل من نسبة البيض الغير ملقح وتزيد نسبة البيض الملقح وفرص التفريخ
قدم للزوج ورقيات خس وجرجير وبيض بالبقسماط مرتين في الإسبوع
وعظمة الحبار لو خلصت تحط وحده تانية لازم تتوفر دائماً
عشان صحة الأنثى وعشان تساعد في تكوين قشرة البيض وعشان الفروخ مايجيها كساح
آخر شيء لو ربي رزقك فروخ ماتنفع دي الملحقات أقصد المأكليات والمشربيات
الفروخ لعوبه وفضولية وتحشر نفسها في أي شيء
وأنا قد خسرت فرخ بسبب دا النوع من المشربيات حشر نفسو ومات مختنق فيها
والسبب التاني المشربيات الإسطوانية المعلقه تحفظ الموية نظيفة بس إختار نوع ممتاز زي الإيطالي
وبالتوفيق يارب