مشكلتي مع البلوفرنتد
 

السلام عليكم ..
اخواني عندي مشكلة اسأل الله أن يفرج هم اللي يحلهاا لي ..
بكتب لكم القصة وان شا الله م أطول عليكم ..
انا شخص بدأ تربية الببغاوات بتربية الدرة الباكستانية ..
كنت كل فترة ابيع وأشتري درر فقط ومن دون أي مشاكل بيني وبين عائلتي ..
قررت قبل سنتين اشتري كاسكو .. وفعلاا شريت كاسكو هولندي .. بدات مشكلتي
معااه من ثاني يوم وهوو معانا في البيت .. المشكلة كانت ان الكاسكو سبب لي ولأخوي
الصغير حساسية .. طبعاا الحساسية تتهيج لاسباب معينة .. انا استغربت .. لان الدرة ما قد سببت لناا أي شي .. الوالد الله يحفظه عصب وطلع الكاسكو من داخل البيت وحطاه في غرفة صغيرة برع البيت ناادر يدخلهاا أحد .. حاولت اجلس مع الطير قدر استطاعتي .. لكن الطير بعد فترة مات .. الوالد قال لي المرة الجاية لا تفكر تشتري طير غير الدرة .. انا وافقت في البداية .. لكن بعدين فكرت بالأمازون .. سألت قبل سنة تقريبا أحد المشرفين الموثوقين في هذا المنتدى عن الأمازون وهل يسبب حساسية .. قال لي .. اخذ الأمازون وعلى ضمانتي ما يسبب حساسية لأن طبيعة ريشه مثل الدرة .. هالمهم .. خبرت الوالد لكنه رفض وقال مستحييل .. لا تفكر بغير الدرة .. كلمت الوالد مرات ومرات .. سنة كااملة وأناا مصر على شراء البلوفرنتد .. كنت واااثق من كلاام المشرف هناا .. هالمهم وفي النهاية الوالد وافق وشريت لي بلوفرنتد بحدود السنة من اسبوع تقريباا .. الطير أليف نوعاا ماا وحار جدا .. صراحة انا حبيته .. حطيته داخل البيت .. لكنه بدا يحك كثير ويطلع منه مثل القشور البيضة .. ورجعت حساسيتي وحساسية أخوي .. طبعاا ما يحتااج اوصف لكم كيف الوالد منفعل ومعصب الحين .. طلعت البلوفرنتد في الغرفة الصغيرة برع البيت امس .. لكني حسيته تعقد .. الطير كان وااقف وما يتحرك وما ياكل .. اليوم دخلته داخل البيت ورجعت شهيته وحركيته مثل قبل والحمدلله .. سؤالي لكم بعد هذي القصة .. وش الحل ؟؟ بيتناا صغير وما عندي مكان ثاني احطه فيه .. لبس الكمامة على الفم يمكن ينفع معي لكن ما ينفع مع أخوي الصغير .. هل القشور البيضة هي سبب الحساسية ؟؟ وكيف اقلل من هذي القشور ؟؟ وشو هي نصائحكم لمثل حالتي ؟؟ جزاكم الله خير ..

رد: مشكلتي مع البلوفرنتد
 

هل كنت تروشه ؟

اذا لا جرب روشه كل يومين او ثلاث


Sent from my iPhone using 2zoo.com mobile app

رد: مشكلتي مع البلوفرنتد
 

غريبه !!
انا اربي طيور من فتره طويله جداً
وحالياً عندي 3 كاسكو واثنين امازوني من ضمنها البلوفرنتد
وقبل أيام كان في دره وبعتها
ما اعاني من المشاكل اللي ذكرتها
خصوصاً اني مهتم اهتمام كبير بنظافة الطير و القفص يومياً اغير وانظف ارضيته و مرتين بالاسبوع اغسل القفص كامل
وكل أسبوعين او حسب المزاج اروش الطيور بالماء فقط واشمسها شوي
وحتى المكان اللي فيه الطيور نظيف معقم
حاط لي بخاخ احط ديتول ملئ غطاه والباقي ماء وارش البلاط وامسحه بالممسحه

الحمد لله ما لاحظت أي مشاكل ابداً بس ازعاج شوي بالذات الطيور الامازونيه صراخ وازعاج:)

الكاسكو أحيان اذا طولت ما اروشه يكون على ريشه مثل البودره ولكن راس مالها ترويشه وتشميس قليل وهذا نادر جداً يعني لو الواحد كسل او اهمل مره بالشهر تروشه
اما نظافة القفص لابد منها خصوصاً ان عندي الاهل قلق شوي تعرف طبع الحريم لازم نظافه ولا طرده انا والطيور :)

رد: مشكلتي مع البلوفرنتد
 

ابوو عزوز .. لا والله ما قد روشته .. المشكلة خاايف عليه يمرض ..
ما تقصر على الرد ..

رد: مشكلتي مع البلوفرنتد
 

tozo .. يالغالي الحساسية تقدر تعتبره مرض وراثي ومزمن .. مثل الربو ..
يعني مثلاا بس أنا وأخوي الصغير نعاني منه وباقي أخواني ما يتأثرون ..
أتوقع أنك ما تعاني من الحساسية من قبل .. عشان كذا ما مرت عليك مشااكل مع الطيور ..
الله يبعد عنك الشر بإذنه وتسلم على الرد ..

رد: مشكلتي مع البلوفرنتد
 

بارك الله فيك
والحمد لله على كل حال انا عندي حساسيه عاليه بالجسم والصدر انا و أحد اخواني بالبيت
واستخدم حبوب مثل الارتيز ومراهم للحساسيه واستخدم بخاخ للصدر واستخدم نوعين الأحمر القوي وغالي سعره بحدود 300 ريال واستخدم النوع الازرق الخفيف نادراً
لان ما يجيب نتيجه معي الا الأحمر والحمد لله على كل حال

الحساسيه اللي عندنا 100% ما هي من الطيور ابداً
انا لا جاء مطر او عج (غبار) اضايق وانكتم واتحكحك
وبعض أنواع الاكل يسبب لي حساسيه مثل الكاكاو والموز والمنجا وأنواع أخرى
وبعض الحيوانات مثل البس ما تناسبنا ابداً سبق جربت

اكثر من 35 سنه نربي طيور بالبيت فقط ببغاء وليس حمام او دجاج ..الخ

ما أقول لك لا ممكن عندك تحسس من الطيور راجع الطبيب الجلديه
لكن انا كما ذكرت لك الحساسيه اللي عندي سببها ذكرته لك ليس لها علاقه ابداً بالطيور
والله اعلم

اذا اهتميت كما ذكرت لك بردي السابق بالنظافه العامه للطير والمكان اللي يوجد فيه اعتقد ما تتأثر ابداً منهم وجرب وطبق ما قلته لك بردي السابق جرب أسبوع ورد لي

رد: مشكلتي مع البلوفرنتد
 

الله يعين وييسر .. ايوه .. يعني انتت مسببات الحساسية عندك غير اللي عندي .. وسبحاان الله .. أفضل هواية لي هي سبب في تهيج حساسيتي .. الحمدلله على كل حال .. انا اعراض الحساسية عندي بس على الجهاز التنفسي .. يعني ما وصلت على الجلد .. هالمهمم .. بما أنك عندك خبرة بالطيور .. ما عليك أمر ممكن تعطيني أفضل طريقة لترويش الببغاء .. وهل يفضل تشميسه بعد ترويشه ؟ المشكلة اناا عندناا في الاماراات حتى ولو كان الجو مشمس .. تكون فيه ريااح وكذاا .. ف وش اسوي عشاان ابعده عن التيارات الهوائية ..
الله يشفناا ويشفي جميع مرضى المسلمين ..

رد: مشكلتي مع البلوفرنتد
 

اللهم امين ، جزاك الله خير

الترويش سهل امره
اهم شي بعد واثناء الترويش يكون في مكان دافي او مقفل أي لا يتعرض للهواء المباشر

جب لك بخاخ او يسمونه طرمبة ماء يدويه
(بأرفق لك صور لها اسفل)

عبها ماء يفضل دافي او حار قليل لانه مع بخ الماء يخرج رذاذ بارد او ماء عادي
وحاول توزن مخرج الماء لا يكون قوي عشاء لا يأثر على ريش الطير


وخرج الطير الحوش وروشه وهو خارج القفص
او بدورة المياه اكرمك الله

والأفضل وانا دائماً اخليه ينشف بالشمس
اشمسه من 10- 20 دقيقه اذا الشمس قويه فترة الظهريه

تشميس الطير كم مره بالاسبوع فتره قصيره يفيد و يقضي على البكتيريا و ان كان به حشرات يقضي عليها
ويفيد الطير واي كائن حي ، سبحان الله ،، فيتامين D
وأيضاً تشميس القفص فتره ساعه مثلاً يقضي على الروائح الكريهه و يقضي على البكتيريا ويعقم القفص

http://www.2zoo.org/uploads/14549165282.jpg

http://www.2zoo.org/uploads/14549165281.jpg

رد: مشكلتي مع البلوفرنتد
 

تنصحني احط قفصه تحت اشعة الشمس مباشرة .. صح ؟؟ ولاا أخليه في الظل ؟
اسمحلي كثرت عليك بالأسئلة لكن يمكن يكون سبب حساسيتي منه هو عدم الترويش والتشميس ..

رد: مشكلتي مع البلوفرنتد
 

القفص ؟

نعم عادي حتى لو طول بالشمس ساعه ، ساعتين عادي حتى لو حرارتها قويه

الطير/
تشميسه حسب حرارة الشمس اذا قويه 10-15 -20 دقيقه


لا طولت ولا شيء تامر امر اخوي ، أي اسفسار انا والاخوان حاضرين
هذا المنتدى ما وضع الا للاستفسارات ونحاول نساعد بعضنا البعض باللي نعرفه ونقدر عليه

الله يجمعني بكم ووالدينا ووالديكم ومن نحب بالدرجات العلى من الجنه