محتاجه نصايحكم وخبرتكم !؟
 

السلام عليكم ورحمة الله وبركاته


من فتره كانت قطتي مريضه وتوقعتها راح تموت ع كلام الدكتور قالي فايروس وخطر عليهم ونزلت موضوع وطمني احد الأعضاء ولله الحمد قطتي تجاوزت هالمرحله الخطره والحمدلله تلعب وصارت احسن من قبل


وعندي ذكرين مطعمتهم وهم كبار تاريخ 28/12 وكانت حركتهم طبيعيه ولعب وكل شي ،، فجأه اثنينهم اليوم انتكست حالتهم اسهال وحركتهم خفيفه كل شوي يغيرون مكانهم لكن جسمهم منهمك من التعب وتقريبا أعمارهم 9 اشهر

واحد منهم كل شويه راح ترابه اييه إسهال ولاحظت عقبها دم نزل مع الإسهال


اتصلت للدكتور اللي دايم اخذه ليعلاجه كان في اجازه

وعطيتهم جلوكوز

للعلم حتى نزل سائل من آذنهم نفس ماصار في الأنثى يوم مرضت ..

ف افيدوني هل حالتهم صعبه وايد انا اكيد راح اوديهم المستشفى بكره

يعني هم من أسبوع تطعموا عادي يعطيهم إبرة مضاد !!


وهل راح تتعادى الأنثى !؟ للعلم عطاها الدكتور 3 انواع مضاده ومدري اذا مطعمينها قبل لان يابوها لي كبيره وشكلها مهمل ..



امس قريت ان اطعمة ويكساس خطره انا كنت معودتهم ع الدراي فود بس من اكثر من شركه و يوم و ترك او بين كم يوم اعطيهم معلب في هالفتره بس من اسبوعين اتبعت هنظام وحد منهم كان يرجع الاكل اعتقد الأنثى ف وقفت عنهم حتى العلب اللي شريتها رجعتها

ولاحظت ابتعادهم عن الدراي فود صاروا يبون اادجاج المسلوق .. اعطيتهم رز و روب ماكلوه بس الأنثى شوي


ف افيدوني ب أطعمه أسويها لهم وتناسب صحتهم


وابي اعرف سبب الإسهال والدم وانتو بكرامه

رد: محتاجه نصايحكم وخبرتكم !؟
 

سبب الاسهال و الدم يرجع الى الدري فود و المفروض تسوين لهم مهلبية دون إضافة النشاء او السكر وفي العادة يجي الاسهال من منتوجات الألبان

واتمنا منك وقف الالبان لهم لان هي سبب الاسهال

للعلم كلها هذه المعلومات التي ذكرتك من واقع تجربتي في التعامل مع مثل هذه الحالات التي قريتها و حبيت ارحب بكي مرة أخرى في المنتدى و أي سوال انا موجود ب افيدك أن شاء الله ترى اقدم اعضاء المنتدى حتى الحين

رد: محتاجه نصايحكم وخبرتكم !؟
 

يا هلا وَيَا مرحبا فيك وشكرا ع الترحيب ..

عن المهلبيه اول مره اسمع لكن باجر بسوي لهم

والدراي فود من عمرهم شهرين او ثلاث كنت اعطيهم .. قلت يمكن من المعلبات .. لكنهم كرهوا الاثنين مساكين ..

في واحد اي سائل يدخل بطنه يرجعه ما يقدر وهل تنصحوني ان اوديهم لأبرّه المضاد ؟ مع ان تطعيمهم كان من أسبوع ؟؟؟

شكلهم يكسر الخاطر بصراحه �� والإسهال لعوزهم ..

رد: محتاجه نصايحكم وخبرتكم !؟
 

بالنسبة ل المعلبات الصراحة هي تجي غالبا المشاكل

و ترى انا اعطي الصراحة قططي من اكل البيت و غالبا ما اخلط الاكل المعلب ب اكل البيت

إرجاع القط ل الاكل قد تكون الأطعمة ما يعجبه مثلا وتأكدي على حرارة قططك

رد: محتاجه نصايحكم وخبرتكم !؟
 

هل الإسهال يعادي !! القطط السليمه !؟

رد: محتاجه نصايحكم وخبرتكم !؟
 

ادري زودتها انتظر الساعه 5ييفتححوون عيادة البيطريه انا اعطيتهم نشا واحد منهم بالغصب يأكل يتحرى بذبحه .. لكن لين اعطيهم ماي يستفرغوونه وكأن لايعه جبدهم اامس. بس واحد و اليوم اثنينهم !!!


اقصد المهلبيه .. رحت اقرى طريقة اعداده للقطط أأنت كاتب بدون نشا وأماكن ثانيه كاتبين مع نشا !!!

رد: محتاجه نصايحكم وخبرتكم !؟
 

لان النشا و السكر يعتبر ضار للقطط و لكبدهم نسيت أوضح ان هولاء الكاتبين مع النشا طلعو على الغلط لان المعروف ان النشا و السكر يعتبر ضار للقطط

رد: محتاجه نصايحكم وخبرتكم !؟
 

رد: محتاجه نصايحكم وخبرتكم !؟
 

الحين من اعطيه ماي يرجع ما يتقبل الماي


خذت له سيرلاك بالارز
وبيتي لايت
وكبتين


بس لين احين ما عطيتهم


لان ابحث عن الكميه

وغلطت بالنشا مو ما كله يمعه في فمه ما ادري اذا دخلت كميه قليله في بطنه

وسكر ما حطيت لهم أبدا

واشوفه تعب


وديته للبيطري طلع مسكر وهو دااايخ بدون حركه بس يون اذا مسكته ..

اخاف يموت

اما الثاني يتحرك يمشي شوي ويروح يغير مكانه

رد: محتاجه نصايحكم وخبرتكم !؟
 

القط عنده فايروس ويحتاج علاج مش نشا ودراي فود
الاسهال المدمم دليل على ميكروب...لازم تاخذ مضاد حيوي ومحلول الجفاف
ولو استمر رفض الاكل ضروري مغذي بالوريد