منتديات تو زوو - قطي أسيد يعاني أحتاج مساعدة ضروري

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - قطي أسيد يعاني أحتاج مساعدة ضروري (http://www.2zoo.com/vb/showthread.php?t=348118)

قطي أسيد يعاني أحتاج مساعدة ضروري

السلام عليكم ورحمة الله وبركاته

عندي قط ذكر عمره سنتين ما أدري أيش صاير معه ... ما أعرف أختصر للأسف فبتكلم بالتفصيل تحملوني..
قمت الصباح لقيت أسيد متخبي تحت الطاولة ويطلع أصوات كأنه معصب أو خايف قربت منه ومسحت عليه ينفخ علي وما يبي أحد يلمسه خاص رجله اليسار بعدين قام وحاول يمشي ...يمشي بصعوبة ورجله اليسار رافعها وما يمشي عيها وطول الوقت يموء كأنه يتألم طالعت رجله اليسار فيه أثر جرح لكن ما تبيت هل عميق أو سطحي لأن جدا يتألم لما أحد يقرب على رجله ورجله فيها أنتفاخ واضح .. وصار لا يأكل ولا يشرب وأغلب الوقت نائم ... جلس هذه الحال حوالي ثلاث أيام ..

هذه صورة رجل أسيد
http://animalslovers.com/upload/uplo...8662621511.jpg

طبعا ما فيه عندنا غير صيدلية بيطرية حاولنا نأخذ أسيد لها لكن خاف وشرد من السيارة واتخبى .. فرحنا الصيدلية وقلنا لهم أعراض أسيد فأعطونا سبراي وقطرة مضاد قالوا لنا اغسلوا الجرح بماء وملح ثم نرش السبراي وقطرة المضاد مرتين في اليوم ..

http://animalslovers.com/upload/uplo...8662621542.jpg

أستخدمنا العلاج يومين تحسن شوي بعد فترة لاحظنا أسيد يلعق بلسانه مكان ثاني بنفس رجله ويحاول يعضه بأسنانه طلع شيء مثل الجرح شكله دائري كأن فوقه طبقة مثل الدم المخثر .. صار الجرج الدائري يطلع سوائل ودم . . رشينا عى الجرح من السبراي و مازال يطلع منه دم خفيف ..

http://animalslovers.com/upload/uplo...8662621563.jpg

و الانتفاخ اللي برجله راح وصار يحاول يمشي على رجله بعد ما كان رافعها ولا يمشي عليها .. يمشي ورجله فيها عرج جلس ثلاث أيام على هذه الحالة صار يمشي لكن الجرح الدائري ما التأم.. وغاب يومين عن البيت ورجع حالته متردية جدا ..
الجرح نشف بعدين رجع مع جرحين بجنبه مثله دائرة والفراء متساقط من حولها وكذلك أنتقل لرجله الثانية نفس الشيء وبنفس المكان ... وصار ما يقدر يمشي أبد .. ولا يأكل فقط يشرب ماء وطول الوقت نائم ولما أحد يقرب منه يعصب ويتألم .. كنا نرش من السبراي على الجروح كل يوم .. اليوم لاحظت مثل الكتلة في ظهره لمستها فطلع دم بسيط منها ...أسيد يحاول يهرشها لكن مو قادر لأن جداتعبان.. حممناه اليوم ودهنا كامل جسمه بمرهم لاميزيل تبع الفطريات ورشينا الجروح بالسبراي ..

أنا ما أعرف أيش اللي معه بالضبط هل هي فطريات أو غيره ولو كانت فطريات ليش يعرج وما يمشي .. وفقد نصف وزنه.. وما يأكل إلا بالغصب ..

ممكن تساعدوني أبي أعرف أيش اللي صاب أسيد وهل فيه أمل يتعالج أنا أخاف يموت لأن جدا ضعيف ..