|
ذهاب القطه معي
السلام عليكم ورحمة الله وبركاته
كيفكم اعضاء ومشرفي هالقسم الرائع لدي عدة استفسارات عن القطه اللي عندي اول شي هل لما اطلع القط معي في نزهه بدون طوق او اي شي او مثلا اطلعه البر واخليه حر طليق هل من الممكن انه يهرب والا عادي بتمشى ورح يرجع لي لاني خايف اروح به معي للبر ويهرب ثانيا انا لما اطلعها معي في السيارة سلوكها احسها تصير قلقه وخايفه وتروح قدام وترجع ورى واللي لاحظته انها فمها يصير مفتوح كأنها تلهث مع اني اجيب لها الماء وماتشرب مدري ليه مع انها عندي في البيت ماتسوي هالاشياء ثالث شي وش معنى لما اناديها بأسمها تجي عندي ولما احد ثاني يناديها گانها تصير ماتسمع خصوصا لما تكون متخبيه تحت السرير وايضا في واحد من العيال لما تكون عندي وتاكل من يدي اول ما تشوفه تتركني وتبتعد عني وتحاول تتخبى مدري ليه مع العلم ان عمرها 8 اشهر ولها عندي تقريبا شهرين ،،، اتمنى تجاوبوني وتعذروني على الاطاله ،،، |
رد: ذهاب القطه معي
في انتظار اجابتكم على استفساراتي
|
رد: ذهاب القطه معي
وعليكم السلام ورحمة الله وبركاته
نفس حالة قطي ف السيارة وهو يسوي كذا لأنه خايف .. عموما قطي اي مكان غير البيت يخاف منه لانه مو متعود وب النسبة لصاحبك لانها مو متعودة عليه او تشوفه كل يوم ف تكون خايفة منه .. واما لم تنادي بستك تجيك ولم غيرها يناديها كأنها م تسمع لانها متعودة عليك وانت اللي تهتم فيها اكثر شي وهي تعلقت فيك اكثر .. ان شاء الله اصحاب الخبرة يفيدوك اكثر ^^ |
رد: ذهاب القطه معي
- ايوة في احتمال ضعيف انها تضيع لكن لو المكان هادي بالبر ومافي غيركم بتكون مشوشة شوي بس بعدين بتتعود على الوضع وتهدا
والافضل تعطيها اكل اول ماتوصلون حتى تعرف انك انت نفسك اللي معها بالبيت - ايوة عادي جدا انها تخاف بالسيارة لازم تحطه بهدوء وتكلمها بالطريقة اللي متعودها وهي تلهث اكيد من الحر والسيارة تصير كتمة اكثر من البيت لأنها ضيقه ومو مناسبة - هي تعرفك انت وتعرف طريقتك وصوتك واسلوبك لأنك اللي مربيها طبيعي بتميز بينك وبين الباقيين وبتستغربهم والقطط معروفه تخاف من الاطفال اكثر لأن الطفل مفهي ومايتحكم بتصرفاته ويخوفها ويأذيها احيانا بدون قصد وهذا يدل على انك تفرق معها وتفهمك اكثر من اي احد - القطة متعلقة فيك وهذا شي جميل وهي لها عندك من شهرين بس :) |
رد: ذهاب القطه معي
شكرا اختي لا فندر وفاتو على الافادة والحمد لله انكم طمنتوني عليها اهم شي انها طلعت تحبني ومتعلقه فيني لكن عليها عناد بعض الاحيان ترفع ضغطي وما تمشي وراي لما اناديها لكن عموما انا بحاول معها لين تتعلق فيني كويس
|
| جميع الأوقات بتوقيت GMT +3. الساعة الآن 12:30 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو