المسح على راس الدرة والعض
 

السلام عليكم

اخواني عندي سؤال بخصوص المسح على راس الببغاء

طبعا ببغائي درة شريته مو مروض ولا شي وخواف من الدرجة الاولى

مع الايام الحمدلله صار اليف وياكل من ايدي ويوقف على ايدي وكل شي

الا مساله المسح على الراس

كل ما ابي امسح على راسك يحاول يعضني

يعني يا اني انعض يا ما امسح على راسه

فياريت تعطوني حل

انا كنت بجرب معاه طريقة المنشفة بس سمعت ان طريقة المنشفه ماتنفع مع الدرة وممكن يحقد

وازيد الطين بلة ~~

ياريت من الخبراء يفيدونيي

دمتم

رد: المسح على راس الدرة والعض
 

كانت عندي دره نفس كذا دايما عض ،

جربت احط ع اصابعي عسل واحيانا مربى ، فصارت تحب طعم يدي وماصارت تعض :)

لقيت هالطريقه باليوتيوب وكذا موقع وفعلا نجحت معي ،

اتمنى افدتك :)

رد: المسح على راس الدرة والعض
 

شكرا للرد اخوي بس اخاف ع الطريقة هذي كل ما ابي امسح ع راسه يمد منقاره بعد ع باله عسل ولا اي شي ثاني ..

هل نجحت طريقتك بحيث تقدر تمسح على راسه ولا بس ماصار يعظ؟

لان من ناحية عظ مايعظني هو ابدا الا اذا شاف صبعي امده ع راسه يحاول يعظ ..

بمعنى يوم اخليه ع ايدي يوم اكله مايعض ابدا

رد: المسح على راس الدرة والعض
 

حسب خبرتي في حك راس طيور الدره بجاوب
لاني ولله الحمد مع كل طيور الدره العنيد والعصبي والهادي والشرس حكيت لهم راسهم بنفس الطريقه
بس مو بيوم وليله ولا بشهر
يعني حسب الطير في الي من اول اسبوع وفي الي بشهر وفي الي بشهرين
لكن بالاخير كلهم صرت امسح لهم روسهم
وفي بعضهم حاولت امسكه بقفاز ثقيل واحك راسه بالغصب مدة نص ساعه الين يهجد . يعني بالقوه وبالتمهيد شويه شويه الين يهجد

لكن الله يعيني واوصلك فكرتي لان شرحها صعب شويه

الطريقه هي : التشتيت

كيف بعلمك

حاول تخلي الطير بجانب مرايه واقف على رجليه
ويكون بغرفه غير غرفته الي يجلس فيها
وما يكون فيها اماكن للهروب
مثلي انا ادربه بالحمام وانت بكرامه
مافي الا المغسله بس
ولا في أي مكان الطير يقدر يشرد فيه
المهم
اخليه يوقف عند المرايه فوق المكان الي نحط فيه الصابون واعواد الاسنان
وابدا بيدي الثنتين
يد من قدامه احركها فوق تحت واليد الثانيه من ورا الطير احركها بنفس الحركه من تحت لفوق
الطير هنا يبدأ يتشتت تركيزه
وكل شوي اقرب واذا شفته يحاول يبي يعض يدي اليمين اشتت تركيزه بيدي الي على اليسار
الين تتعب عضلات رقبته والمرايه تحسسه بالامان شويه وابد اقرب واقرب الين اوصل لشعر راسه
واهتم باني اخليه ما يعضني ابدا
لانه لو عضك انت اكيد بتوخر يدك بسرعه وهو بيفهم ان العض منه فايده له
فحاول لا تخليه يعضك ابدا
وكرر الطريقه الي قلتلك عليه كل يوم ربع ساعه فقط عشان ما تتعبه
ومو ضروري اول يوم تحك راسه
زي ما قلتلك حسب الطير
اهم شي لا يعضك
وتحاول تشتت تركيزه
وبمكان جديد عليه او ما يقدر يهرب لمكان ثاني

رد: المسح على راس الدرة والعض
 

تسسلم اخوي وشكرا ع الفكرة ^_^

وان شاء الله راح اطبقهاا

رد: المسح على راس الدرة والعض
 

^^ جربت طريقة ثانيه صراحة وهذا اول يوم له بس الببغاء لان متعود علي فيمكن النتائج طلعت بسرعة

الطريقة هي اني امس ايدي من فوق راسه على شكل قوسس واقوله راسك راسك طبعا سويتها يمكن 15 مرة بدون لا المس راسه المرة ال 16 لمست وشوي شوي قام يخليني المس راسه بدون لايرفع منقاره عشان يعظ ^^

ماتوقعت النتائج راح تطلع بهالسرعة وان شاء الله راح استمر عليها لين مايتعود الاخ

مشكورين للكل

رد: المسح على راس الدرة والعض
 

^^ جربت طريقة ثانيه صراحة وهذا اول يوم له بس الببغاء لان متعود علي فيمكن النتائج طلعت بسرعة

الطريقة هي اني امس ايدي من فوق راسه على شكل قوسس واقوله راسك راسك طبعا سويتها يمكن 15 مرة بدون لا المس راسه المرة ال 16 لمست وشوي شوي قام يخليني المس راسه بدون لايرفع منقاره عشان يعظ ^^

ماتوقعت النتائج راح تطلع بهالسرعة وان شاء الله راح استمر عليها لين مايتعود الاخ

مشكورين للكل