أستفسار
 

السلام عليكم ورحمة الله وبركاته ،،

يا أخوان عندي ببغاء مدري عاد هو يستهبل ولا حالة نفسية احيانا اقول اليف واحيانا ودك تصفقه :12: ..

واذا هو في القفص ادخل اصبعي يعض عضه خفيف جدا ..

ولكن احيانا اطلعه برى القفص وهو على يدي تجيه حاله يقوم ويدور شئ يقرطه واقرب شئ عنده أصبعي ويعض الأصبع بخفيف وبعدين يزود الجرعة الين يخليك :confused: .. مع العلم ان الطير يشوفني يجي عندي بس مدري هل عضته لعب ولا في راسه شئ ؟؟

حطيت له عسل في الأصبع يجلس يلحس العسل وشوي يرجع ويعض الأصبع تدريجيا كأنه يتذوق الأصبع يعض خفيف وبعدين شوي تقوى العضه ؟؟ ايش الحل معاه ونصائحكم ؟؟

الموضوع الثاني
مايحب احد يلمس راسه بتاتا ، واذا حطيت ايدي والمس راسه يحاول يبتعد او يعض عضه خفيفه ماهو الحل طبعا الببغاء بلورفنتد عمره ( 8 شهور ) .

مع ان الطير احيانا احطه على القفص بعيد واروح اجلس يطير ويجي الين عندي ويطلع على ايدي ويبدا يقرط في الأصبع :D ؟

نصائحكم وتوجيهاتكم ..

رد: أستفسار
 

الطير للان لم يعتاد عليك
وموضوع لمس الرأس والجسم ليس بكل الطيور تتقبلها
لكن مع الوقت راح يتأقلم اكثر ويتقبل

العض هذا ليس عض والبلوفرونتد سبحان الله يموت على اللعب والعضضه هاها عادي جدا واذا احس انك تألمت راح يزيد دير بالك هو يلعب كده
كما ازيدك بالشعر بيت الطير الوحيد اللي يمد قدمه كي يمسك بما امامه ويعض هو البلوفرونتد تلاقها وهو داخل القفص يطلع رجله بره كي يمسك بإصبعك وعندما يمسك به يسحبه ويعضك وتلاحظ هذه النقطه خاصه في البلوفرونتد الغير مروض
بالتوفيق

رد: أستفسار
 

رد: أستفسار
 

والله يا اخي انا عندي كاسكو هولندي ونفس حالتك بالظبط ما يخليني المس رأسه واذا مديت يدي جهت راسه يرفع راسة الين يصير منقاره باتجاه السقف احيانا يرتفع ضغطي لدرجة ودي اضربه بس اتذكر ان الضرب حرام وبيأثر عليه وانا المتضرر الاول

المهم انا اعتقد انه مع الصبر والوقت اذا تعود عليك رح يتركها لكن اصبر وعامله معاملة حسنه

واذا حسيت انه بيعض افضل حل انك تعطيه خشبه طويله او مساكة الملابس الخشبيه يعضعضها الين يتعب

وحاول اذا عضك تقول له ﻻ او عيب وتوخر يدك مع الوقت بيفهم ان هالتصرف غير مرغوب فيه

اتمنى اكون افدتك ،، تحياتي

رد: أستفسار
 

تسلم يالغالي على الافادة ويعطيك ربي العافية .. والله انه جاتني نفسية منه ونويت ابيعه وربي ..

بس بنصبر عليه وش نسوي اذا ماطاعك الزمن ولا طيعه ..

اشكر لك تعليقك ومرورك يالغالي

رد: أستفسار
 

ياجماعه الخير

الحل سهل جدا ولكن يأخذ وقت وهو توصيل رسائل بهدوء للطير وان تكون حركتك هاديه حوله
لا تتوقع خلال يوم النجاح انت تتعامل مع كائن حي له تفكيره واسلوبه وما يحس به انك تريد اذيته الا ان يثبت العكس
طبعا الاكل والتأكيل اليدوي اليومي له عامل كبير في الموضوع لذلك وجب عليكم وضع الاكل بكميات قليله كي نضمن ان الطير اكل وليس بالكثير
وممكن تتأخر عليه يعني تجوعه وفي النهايه تقدم له الاكل ليتأكد انه لا مفر من التعامل المباشر معك انا طيري كده
ويخاف لدرجه جنونيه وشريته لسبب انه ذكي الا انه في الخوف فظيع لدرجه لو شاف خياله خاف وبالتدريج الان هو بس يبي يطلع يجيني او ياكل او الاعبه ارجو ان اكون وضحت الصوره الهدوء في التعامل وعدم الاستعجال
بالتوفيق

رد: أستفسار
 

شكرا لك يالغالي على ردك ، ويعطيك ربي العافية وبارك الله فيك .