|
آستفساري عن تجارتي الجديدة ديك وثلاث دجاجات
السلام عليكم ورحمة الله وبركاته
حبيت اشاوركم في تجارتي الجديدة وآقتراحاتكم يهمني حبيت آشتري قفص تقريباً بهالمستوا http://upload.traidnt.net/upfiles/7kU90787.jpg وآشتري ديك وثلاث دجاجات واحطي في القفص ثلاث صناديق للدجاجات وواحد من الاخوان نصحني بفقاسة بس انا فكرت فقاسة حق المستقبل الحين بشتري ديك وثلاث دجاجات وعندما تبيض الدجاجة ويظهرون الصيصان باخذهم وببيعهم بس ابغي اعرف كم يبيعون الصيصان انا سألت في محل قالي 5 دراهم هل يشترون ب 3 دراهم تقريباً للحبه واذا اخذت الصيصان من الدجاجة عادي مب مشكلة انه الام بتبيض مرة ثانية وبتقعد على البيض بس قالي احد الاخوان انه الديك ياكل الصيصان صح هالكلام ولالا انا اول مايفقس البيض باخذ على طول الصوص ولا مابا الحق اخذ الصوص الديك بياكل الصيصان وشو رايكم في التجارة بيع الصيصان الحبه ب 3 دراهم وبالنسبة للأكل كل يوم يزيد من الاكل ينقط في الزبالة والله حرام انا قلت من يزيد الاكل بعطيهم من العيش والسمك والدياي والطماط والخ نعطيهم احسن شو رايكم والله متحمس وايد وايد للمشروع ومتحمس للديك والدجاجات اي ملاحظة او استفسار او مناقشة في كلمة قلتها آنا حاظر في استقبالكم |
رد: آستفساري عن تجارتي الجديدة ديك وثلاث دجاجات
للرفع
|
رد: آستفساري عن تجارتي الجديدة ديك وثلاث دجاجات
الله يعطيك الف عافية
ومبارك الهواية الجديدة بس بالأول اب اأسالك كم عمرك يا غالي لأني راح انصحك نصيحة تعتمد على عمرك فاذا عمرك صغير ما ينفع المهم القفص يجنن ما شاء الله عليه اذا تحب تبيع انتاحهم فعلا الأحسن تشتري فقاسة لأنه اذا الدجاجة رجنت ما راح تبيض لفترة طويلة وعادي تقدر توخذ الصيصان من تحتها وتحضنهم بكرتون لين يصير عمرهم اسبوعين والديك احيانا ما يؤذيهم واحينا تلاقي ديوك شرسة ومؤذية و3 دراهم رخيص على الصوص يعني اقل شي تبيع ب 5 دراهم وربي يوفقك |
رد: آستفساري عن تجارتي الجديدة ديك وثلاث دجاجات
اقتباس:
ومنور الموضوع عمري 20 وآنا بعدني ما بديت في المشروع بس حبيت آشاوركم عشان آخذ فكرة وآسير افصل قفص والله بالنسبة للفقاسات حلوة الفكرة انه اشتري فقاسة اذا انا اشتريت ديك وثلاث دجاجات كم حجم تقريباً بيضة الفقاسة اشتري وكم سعر الفقاسة تقريباً في الامارات يديده ووين احصله وهل احصله عند محل الكترونيات وتقريباً كبر هالقفص الي حطيت صورته كم سعرها تقريباً |
رد: آستفساري عن تجارتي الجديدة ديك وثلاث دجاجات
اقتباس:
شوف اخوي القفص هذا مناسب جدا للعدد المطلوب ولكن لا تحط ثقتك برجن الدجاجه ابدا وعلى حسب النوع اللي بتاخذه يعني ممكن تاخذ بولش او سلكي ويكون غالي مره واذا كبرو تكون الدجاجه اوحده ب 400 او 500 درهم هذا اذا رجنو! ولكن الفقاسه رح تستفيد منها اكثر اذا انت تبي تجاره لان تقدر تفقس العدد اللي تبيه يعني تقدر تشتريلك 50 بيضه من البراهما وبعد شهر تبيع الحبه ب 30 او 20 درهم وتكسب 600 درهم ويكون سعر ال50 بيضه حوالي 100 درهم فهذي تجاره ولكن انت حاول انك تبدأ حبه حبه وتتعلم عليهم وتقرا وتستفيد معلومات قد ماتقدر عشان اي شيء يحصلك تكون عارف عنه وبخصوص الاكل ماياكلون سمك اخوي وشكرا |
رد: آستفساري عن تجارتي الجديدة ديك وثلاث دجاجات
اقتباس:
والفقاسه حاول تشوف بسوق الطيور وتسأل اذا شريت الدجاج ولكن خذلك فقاسه 100 بيضه وسعرها 1000 درهم هي غاليه لكن الكسب راح يكون كويس من وراها والبيض سعر البيضتين درهم يعني 50 درهم تجيبلك 100 بيضه وبعد عمر 3 اسابيع تقدر تبيعهم ب 500 درهم ولكن عندكم بالامارات ماعرف اذا فيه زي السعوديه ناس كثير تربي الدجاج وتشتري بكميات كبيره او لا ! لأن بالسعوديه فيه كثير وتقدر تضمن البيع اما بخصوص سعر الصوص اول مايفقس يعني بعمر يوم مستحيل يجيب 3 دراهم ! سعره يمكن يكون درهم او الجوز بدرهم, الديك لا تجرب ابدا تحطه مع الصيصان لأانه احتمال يكون شرس واحتمال لا وانا جربت وكان كل ما طلع صوص قتله فمافي داعي ابدا انك تخليه مع الام وهي قادره انها تعتني فيها لحالها وكل ماكبر الصوص كل مازاد سعره ولكن اخوي اذا انت تبي تجاره تجاره فعلا وقويه ارسلي رساله عالخاص وبساعدك انا واعلمك الارباح وراس المال والمستلزمات واللي تامر فيه |
رد: آستفساري عن تجارتي الجديدة ديك وثلاث دجاجات
اقتباس:
منور الموضوع :) تحمست كثير وكثير بعد ردك للموضوع :12::88: وبيني وبينك تواصل على الخاص |
رد: آستفساري عن تجارتي الجديدة ديك وثلاث دجاجات
شكراً جزيلاً لرائد ملكاوي وبو عبدالعزيز
وأستفساري هل مرة هل حرام تربية الديك والدجاجات في قفص ؟ وهل حرام أخذ بيوض الدجاجات واحطهم في الفقاسة وأبيعهم لراعي الدكان وعادي أنه مايشوفون أمهم ؟ وهل اذا بعت لراعي الدكان واذا ما أهتم في الصيصان الذنب على منو علي ولا عليه ؟ |
رد: آستفساري عن تجارتي الجديدة ديك وثلاث دجاجات
اقتباس:
النقطه الثانيه هذا برضو عادي لان اساسا الدجاجه مارح ترجن عليه ومافيه شيء يمنعك من انك ماتاخذه ! لان الدجاج مو بحاجته وقصدك انهم مايشوفون امهم فمو حرام اساسا الام حتى لو حطيت الصيصان معها راح تقتلهم لانها مارجنت ولا شافت البيض يفقس ! هذا شيء راجع له هو انت ربيتهم وكبرتهم يعني على سبيل المثال! واحد عنده ارض باعها واللي شراها خلاها محل لبيع الخمور او شيء حرام هل بيقع الذنب على راعي الارض؟:rolleyes: طبعا لا :D عموما بختصر لك اي شيء في موضوع الدجاج تسويه وماله اي فايده وضار لهم اكيد حرام! مثلا دجاجه راجنه وباخر يوم للفقس تسحب البيض اكيد حرام لان مافيه فايده وسبب ! وإن شاء الله اكون شرحت لك بالتفصيل |
رد: آستفساري عن تجارتي الجديدة ديك وثلاث دجاجات
وحضانة الصيصان أي واحد تنصحوني
أنا شفت مثل هالحضانة http://www11.0zz0.com/2014/03/24/19/895270843.jpg وايد حبيت شكل الحضانة انا قلت اذا وافقتو على شكل هالحضانة ، بس كان شي محيرني عادي يعني اذا مايشوفون برع مابيصيبهم شي لانه مثل هالحضانه مصكر من كل النواحي ماعدا في الاعلى بسوي قياس الارتفاع 60 سم العرض 60 سم الطول 120 سم قلت مكان المحطوط سيم بسوي باب عشان احط الاكل والماء وامسكهم من الاعلى شو رايكم في الشكل والقياس ؟ ولا تنصحوني مثل هالاشكال http://www11.0zz0.com/2014/03/24/19/525063485.jpg http://www11.0zz0.com/2014/03/24/19/885226225.jpg وتحت شو تنصحوني افرش فيه للصيصان بدون شي ولا اجيبلهم رمل ولا نشارة الخشب وأنا مكان قفص الصيصان مافي فار ولا قطاوة بس فيه وايد صراصير مثل البرعصي والخ لا سمح الله اخاف احطيلهم رمل ولا نشارة الخشب ويتجمعون داخله ويأذون الصيصان واذا سويت قياس حضانة الصيصان قياس الارتفاع 60 سم العرض 60 سم الطول 120 سم هل هذا القياس مناسب وكم لمبة التدفئة أحطي في الحضانة مثل هذا القياس المذكور ~{ رايكم يهمني }~ |
| جميع الأوقات بتوقيت GMT +3. الساعة الآن 03:22 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو