منتديات تو زوو - مشكلة بسيطة

منتديات تو زوو (http://www.2zoo.com/vb/index.php)

- سؤال و جواب لقسم هواة الطيور الداجنة (http://www.2zoo.com/vb/forumdisplay.php?f=100)

- - مشكلة بسيطة (http://www.2zoo.com/vb/showthread.php?t=329049)

مشكلة بسيطة

السلام عليكم.. يعطيكم العافية انا عندي دجاج عمرو 5شهور او اربعة شهور لاحظت عليهم جديد انهم لما يتنفسوا بيطلع صوت للنفس بيشبه صوت الشخير وصارو يعطسو عطس خفيف هل هم مصابين بالرشح ام مرض اخر وشو اعمللهم هل الثوم بيشفيهم من العطس مع العلم الجو عنا بغزة بارد جدا اكيد هادا من البرد

رد: مشكلة بسيطة

وعليكم السلام اخوي رامي

فعلا هم مصابين بمرض تنفسي والدليل العطس وصوت النفس

العلاج ان شاء الله بسيط يا قلبي

اشتري من الصيدلية البيطرية واحد من العلاجات التالية

اموكسي او تايلوفيت (تايلوسين) او اوكسي والأحسن تشتري سايبروتريل او انرو

بالنسبة لأول ثلاث مضادات حيوية ييجوا على شكل بودرة

حط ملعقطة طعام على كل لتر ما شرب وحط معهم ملعقتين خل تفاح وفص ثوم لمدة ثلاث ايام واليوم الرابع بس المضاد الحيوي لوحده لمدة يومين الى اربع ايام حسب تحسن الحالة فيكون مجموع ايام العلاج 5 - 7 ايام

وبالنسبة للمضادين الأخيرين ييجوا على شكل سائل حط 2 مل لكل لتر ماء شرب بالاضافة للخل والثوم بنفس الطريقة السابقة

وبالشفاء

رد: مشكلة بسيطة

تسلم اخ رائد الله يعطيك العافية انا ملاحظ مش الكل الي مصاب اعزل المصابين او اخليهم مع بعض واشربهم الدوا ما بضرهم

رد: مشكلة بسيطة

الله يسلمك اخوي

عالج جميع الدجاج لأنه ممكن يكون الدجاج غير المصاب قد اصيب ولكن الأعراض لم تظهر عليه

رد: مشكلة بسيطة

تسلم الله يعطيك العافية ويخليك تاج علي روسنا انشالله كمان ساعة بروح اشتريلهم الدوا وبحطلهم اياه

رد: مشكلة بسيطة

لا يا ابن بالحلال بالله عليك ما تحكي هيك

هاد كله ان شاء الله ربي يجازيني فيه ويكتبلي عنه الأجر والثواب

الله يسعدك غالي والله يا رامي