مشكلة تساقط في الريش
 

السلام عليكم و رحمة الله و بركاته ..

أسعد الله أوقاتكم جميعاً،
أنا عندي روز أنثى ، ربيتها من كان عمرها اسبوعين و الآن كملت السنتين و بصحة جيدة و لله الحمد
لكن قبل فترة لاحظت بمنطقة أسفل الظهر و أسفل الذيل بدأ يحت عندها الريش أو يتساقط
أحد المربين قال لي أنه فطريات و نصحني أعقم المنطقة بملح مخفف بالماء، جربت الطريقة و بالفعل نجحت
لكن بعد فترة رجع التساقط و أكثر من قبل ! بمعنى المنطقة الي طاح عنها الريش صارت أكبر
حاولت اوجد حل للموضوع لكن بلا فائدة ، و الحين مرت فترة طويييلة و الريش لساا على حاله
ألاحظ أحياناً بداية ريشة تطلع و بعدين تنكسر و أحياناً أشوف مكانها دم بعد
أيضاً لاحظت عندها سلوك بالقفص تنزل و تحك منطقة أسفل الذيل بأسلاك القفص !
هل هذا حساسية أو فطريات أو ايش !

و شي ثاني قبل فترة بسيطة بس صارت تستفرغ الأكل أعزكم الله و ترجع تاكله
أعرف انه شي عادي و ما يعني بالضرورة أن الطير مريض ، بس حبيت أتأكد هل اذا تكرر الشي ممكن يكون عندها مشكلة مثلاً؟
لأنها ما كانت كذا قبل و الحين صارت دائماً مع كل وجبة تستفرغ

أتمنى الي عنده خبرة يقدر يفيدني لأني مررة خايفة عليهاا
مع العلم غذائها صحي و متنوع

.. و أشكركم مقدماً

رد: مشكلة تساقط في الريش
 

أحد يساعدني لوو سمحتم :(

رد: مشكلة تساقط في الريش
 

اختي هذا قسم سوال وجواب (البادجي ).

يوجد قسم مخصص للأسئلة لطيور الروز.

رد: مشكلة تساقط في الريش
 

عفواً أخي أنت غلطان!
أنا أكتب بالقسم الصحيح !

ع العموم مشكور ..

رد: مشكلة تساقط في الريش
 

لاحول ولا قوة الى بالله
اخوي اكيد فيه حشرات الفاش في القفص ذبحها
اخوي لازم تغير القفص وتجيب قفص جديد
وتاخذ بخاخ ضد الفاش وترش الطير
وحاول تنضيف القفص بشكل يومي
واعتقد المشكله الثانيه سببها تطور الحاله الاولى
وبعدها تسوي كورس مضادات وفيتمينات وكالسيوم

رد: مشكلة تساقط في الريش
 

المشكلة مر عليها سنة كاملة و غيرت القفص تقريباً مرتين أو ثلاث بدون فايدة
بس بحاول أسوي الي قلته ان شاء الله

طيب عندي سؤال، الفاش معدي صح ؟
لأن عندي روز ثاني و أخاف تصيبها عدوى
و كيف أقدر أمنع انتقال العدوى هم مو بنفس القفص بس قريبين من بعض

يعطيك العافية أخوي ماا قصرت ، الله يجزاك خير

رد: مشكلة تساقط في الريش
 

بطبع الفاش ينتشر ويتكاثر بشكل جنوني ويجب القضاء عليه في بدايته
الان اختي يجب تغير الاقفاص او تعقيمها جيدا بمطهر ديتول
واذهبي عند صيدلية بيطرية اطلبي منه بخاخ فعال ضد الفاش
ونتبهي يعطيك بودرة اسمها (الديناصور) فهي غير فعالة ابدا عن تجربة
وحاولي باسرع وقت لان هاذي الحشرة الخبيثة مصاصة دماء حتى تاخذ اخر قطرة من دمه وتقضي عليه
ونشاء الله طيورك ماتشوف شر ابدا

رد: مشكلة تساقط في الريش
 

الله يعيييين ياارب ان شااء الله ما يصيبهم أي مكروه :(

سؤال آخر لو سمحت أخي ،
هل ينتقل الفاش لأثاث و فرش المنزل ؟
و اذا كانت الإجابة نعم ف كيف ممكن القضااء عليه ؟