|
انتكاسة في الترويض مالحل ؟!
السلام عليكم
لدي كاسكو افريقي صيد عمره سنه ونص . تقريباً الان له شهر وانا اروض فيه ، نتائج الترويض وقف عض صرت امسح راسه بسهوله ، والمسه بسهوله المهم اليوم تغيير ميه وثمانين درجه علماً اني لم اهمله مستمر معاه يوميا . فجأه وانا امسح راسه عض يدي عضه قويه ، الى ان جرح يدي خليته الين فك يدي ، ورجع عليها مره ثانيه وعضها مره اخرى خليته يهداء شوي ورجعت له وكذلك محاولات عض ولا يبغاني المسه المهم ارتفع ضغطي وقعدت اضرب فيه ضرب خفيف وحذفته بالقفس يا اخوان ماهي اسباب الانتكاسه ذي ؟! وهل في الحاله ذي ألجىء للتجويع ؟ وجبه وحده في اليوم ومن يدي ؟ افيدونا لاعدمناكم |
رد: انتكاسة في الترويض مالحل ؟!
ليه تضربه اخي والله ياخد منك موقف وما ينساه ابدا
ورجع للعض اكيد تم اخافته ابحث عن السبب بدل ما تضربه |
رد: انتكاسة في الترويض مالحل ؟!
اقتباس:
ضاع . حتى ماكان يقدمه الاكل والماء الا انا واستمرار بالتمسيح واخرها ، من دون سبب قام يعضعض فماتحملت قلت يمكن التاديب بالضرب ينفع هل مثل حالتي يكون التجويع ليوم كامل حل ؟ |
رد: انتكاسة في الترويض مالحل ؟!
اخوي الطير كبير وشكلة عنيد وراسه يابس المهم بعطيك نصيحة من الاخر
شوف اذا الطيريصفرويغرد في القفص ويتحرك واجد واذا شافك يسوي حركات كأنه يقولك طلعني اذا هل صفات فيه اصبر على الطير ولاعاد تعودها وتضربه صدقني راح يضبط ويتروض وبيتكلم بس اذا الطير دايم ساكت وحركتة قليله في القفص وأذا شافك يتوتر ويقعد يفترعلى نفسة من الخوف ولا يرتاح الا اذا رحت عنه معناتها الطيرنفسية وخوااااف وعنيد وممكن يكون غبي لانه مايميز من اللي يحبه ويهتم فيه ويقدم له الاكل وشرب وينضف له قفصة ويطلعه يلعب ولا يفرق مابين الشخص اللي بيأذيه الطير الذكي يعرف عدوه من صاحبه وعلى الاقل تكون ردت فعله اذا شافك الفرح حبيبي اذا العقدهذي فيه بيعه نصيح من مجرب مادامك توك مالك الا شهر لاتقعد سبع شهو سنه وفي النهاية يروح تعبك على الفاضي وممكن يكرهك في الطيور ويرفع ضغطك وتتوثم فيه ويموت من كف ولا لكمه هههههه ترا من جد اتكلم ما اللومك يوم تضربه ياخي تنقهر اذا تعامله كويس وتداريه على فتره طويله من الزمن وفي النهايه يعضك وانت راقبه هل يومين واحكم بنفسك نصيحتي قدمتها لك من تربيت اكثر من ست طيور كاسكو ومرت علي نفسيات وطباع تختلف من طير لطير أخر اتمنا لك التوفيق ---- --- -- - |
رد: انتكاسة في الترويض مالحل ؟!
وش رايك يالطيب عندي درة ماخدها من شخص وعمرها كبير فوق 5 سنوات
وراعيها كارها ما يبيها ومتوحشة جداً ومعروف الدرة من اصعب الانواع في التدريب هي والكاسكو الغيني ومع هذا قدرت ادربها وحالياً تمسح عليها وماتعض بس ما تطلع على اليد لكن بحاول فيها زبدة كلامي انت غلطان يوم تضربه مو مشكلة خله يعض لكن تضربه راح يزيد من العناد وممكن هالمرة ما راح يتدرب معك وياخد موقف منك |
رد: انتكاسة في الترويض مالحل ؟!
الا الضرب. حرااااااااااااام
وكذا انت خربت كل اللي سويت لو بعد م تركته ورجعت له ثانيه وشفته بيعض خليته لليوم الثاني اكيد بيهدى والترويض يبي صبر واناخوك وطيرك يمكن ضايقه شي وقلب والا يمكن انت شفته ضبط معك وتمسح على راسه واخذت راحتك بقوه معه صرت تحرك يدك بسرعه او بشكل مفاجئ لان اغلبية الطيور كذا تخليك تمسح عليها بس اي حركه مفاجئه او سريعه يخاف منها اصبر عليه اما من ناحية التجويع مو معناتها انك تعطيه وجبه وحده باليوم لا قلل من الوجبه والوجبه الثانيه خله ياكل من يدك بالتوفيق |
رد: انتكاسة في الترويض مالحل ؟!
اخي الكريم..
ببغائك تعرض لموقف معين ازعجه وهذا ما جعله يعض.. المفروض ما تضربه كان من المفترض التقرب اليه اكثر والتودد اليه ومحاولة اطعامه من اليد.. والتعب اللي تعبته بشهر هذا ما يروح سدى لا تخاف.. بمجرد التودد وارجاع العلاقه سوف يرجع كل شي تمام. |
رد: انتكاسة في الترويض مالحل ؟!
اقتباس:
لكن ابشرك صار راكد من عقب التصفيق ههههههههه وان شاء الله يتعدل ولانبيعه |
رد: انتكاسة في الترويض مالحل ؟!
اقتباس:
ضربه من غير معلم لكن اخوي ترا عضة الكاسكو قشرا بالذات اذا فرك منقاره بجلدك يشيل الجلد ، يعني ممكن ماتمسك نفسك وترجه بكف ههههههه صحيح ان الدره صعبه لكن اذاها يمكن تحمله |
رد: انتكاسة في الترويض مالحل ؟!
اقتباس:
وانا مجوعه 24 ساعه الان والله يعين عليه مشكور |
| جميع الأوقات بتوقيت GMT +3. الساعة الآن 09:31 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو