|
شوية اسئلة عشاني مبتدى
السلام عليكم
انا مبتدى في عالم تربية البادجي وحبيت انتج منهم المهم اشتريت قفص وبياضة وكل شي تمام ولك عندي الذكر عمره سنة وشي والانثى اشتريتها من كم يوم مو متاكد من عمرها لكن على حسب راعي المحل قاللي عمرها 11 شهر وانها جاهزة وانا شفت الالوان الكير الذكر بنفسجي غامق والانثى بني فاتح المهم حطيتهم مع بعض لهم يومين الذكر ولا مرة حاول يتعرف او يقرب من الانثى او البياضة المهم شلت الذكر وحطيتها انا جوة البياضة طلع منها حطيت الانثى جلست شوي وطلعت وبالليل نامت فيها ولكن الذكر ولا مرة دخلها ولا قرب من الانثى ؟ هل هذا طبيعي ؟ وهل لازم مكان هادى ؟ انا عندي في السطح غرفتين غرفة للعاملات فيها مكيف وعندي غرفة جنبها ما فيها مكيف بس ما تتعرض للشمس مباشرة ولكن حر هل اضعهم هناك ولالا ويش الحل ؟ انا واحد قاللي حط جنبهم سطل موية باردة وغيره كل يوم هل هذا صحيح؟ |
رد: شوية اسئلة عشاني مبتدى
وعليكم السلام ورحمة وبركاته
اخوي اكبر غلط انك تمسكهم وتدخلهم البياضه غصب الذكر من حاله اول شي يدخل البياضه ويستكشفها وبعدين يخلي الانثى تدخل وبعدها يبدون بتزاوج ووضع البيض وطيور لسا ثلاث ايام لسا ماتوالفت على المكان لازم تصبر اخووي عليهم شهر شهرين 6 شهور على حسب الطيور والجو وبنسبه انك تحطها في غرفه في السطح بدون مكيف اذا تبي الطيور تموت حطها فيها انت عارف الاجواء كيف في الرياض عندي انثى روز ماتت وهي حاضنه على بيضها من شدة الحر نسيت ماشغل المكيف يومين وماتت الغرفه كانت داخل شقه مابالك في السطح وحتى لو الطيور عاشت لاكن مستحيل تنتج في الحر هذا انصحك تركب مكيف صحراوي ربع كويس يبرد الجو عليهم وهوا طبيعي وصحي افضل من الفريون وارخص وسعره جديد تقريبا 300 او 400 واذا تقدر تحطها في غرفة العاملات ماعندك مشكله بس لايكون المكيف موجه عليهم وارفع القفص على الارض عشان يحسون بلامان وبتوفيق ان شاء الله وتفرح بإنتاجهم قريب |
رد: شوية اسئلة عشاني مبتدى
^^^^^^^^^^^^
اخي xKira ما قصر معك اخي مسأله الانتاج تحتاج وقت وصبر من المربي وهذا تحدي كبير للمربي وليس بالسهل تحقيقه لازم تكون صبور مع الطيورك , وتوفر الاجواء المناسبة للأنتاج يا ليت لو ترسل صور للطور عشان نتطمن وياليت تعطينا صوره للجوز والبياضه |
رد: شوية اسئلة عشاني مبتدى
الاخوان ماقصرو الله يعطيهم العاافيه
بخصوص الطيور اتركهم على راحتهم وسوفى يتوالفون مع مرور الوقت والبياضه لاتضع فيها نشارة الخشب وياريت صور للطيور انامع كلام الاخوان ركب مكييف في الغرفه الفاضيه وافضل يكونون لوحده بعيدن عن الازعاج من العاملات وبخصوص السطل الماء بارد خطاء فظيع جداً قد يسبب باالتهاب رئوي للطيور يكون الماء معتدل والاناء ليس عميق حتى لاتغرق الطيور فيه ولاتتركه عند الطيور فتره طويله عشان ما تشرب منه ساعه وشيله ..اما لوفيه تكييف لاتحمم الطيور والمكييف شغال عشان ماتصاب باالبرد وعطها فيتامين سي ضعه في المشربيه يخفف من حرارت الجسم وضع الطيور موئقتن في غرفه مكيفه حتى تركب مكيف موفـــــــــــــــق |
| جميع الأوقات بتوقيت GMT +3. الساعة الآن 08:09 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو