|
اشتريت بلوفورنتيد للمرة الأولى @.@
السلام عليكم ورحمة الله وبركاته :D بناءاً على نصائح الاعضاء كثّر الله خيرهم قمت بشراء الببغاء الامزوني (بعد ما بعت الكاسكو) قالوا ان مناعته قويه جدا وتدريبه سهل وذكي جدا :12: هاذي صورته وعمره حسب ما قالوا لي 8 شهور http://www12.0zz0.com/2012/08/30/20/386596642.jpg بس تدريبه مب كامل لأنه يخاف يركب عاليد وعضته اقوى من الكاسكو << نفّخ يدي :( عطيته أكل الكاسكو (يقولون ياكلون نفس الاكل) والحين نايم في القفص بس عندي سؤال واحد فقط: هل تدريبه بالضبط نفس تدريب الكاسكو؟ عاد تدرون سعره مب شوي فخايفه أخبص :wao: |
رد: اشتريت بلوفورنتيد للمرة الأولى @.@
مبروك المزيون و يتربى بعزك
الأكل ما يفرق عن الكاسكو بالاضافه للفواكه و بعض الخضار و بالمنتدى الحلو مواضيع كثير بالنسبة للأكل و التدريب و بالتوفيق |
رد: اشتريت بلوفورنتيد للمرة الأولى @.@
مشاء الله الطير جميل ومبروك عليك
بس اعتني فيه اكثررررر وطريقت التوليف نفس التوليف الكاسكو العسل والاصق او رشاش الماء راجع موضوعي اذا ماتعرف الطري وفيه طرق كثيره تدريبه الطلوع على اليد وغيره لك خالص تحياتي... |
رد: اشتريت بلوفورنتيد للمرة الأولى @.@
ماشاء الله
بس الامزون عنيد حبتين وعلى قول الشاعر مالك الا الصبر وش وداك له . وان شاء الله يمتعك بكلامه |
رد: اشتريت بلوفورنتيد للمرة الأولى @.@
الف مبروك عليكم الطير الذي يعد من اجمل واروع الطيور بخصوص التوريض لا تتعبي نفسك خلي الطير يجي لعندك بمعرفتك فقط توددي له بالأكل كالفول السوداني والفواكه لمده اسبوع وبعدها شوفي كيف الطير بيصير معك
|
رد: اشتريت بلوفورنتيد للمرة الأولى @.@
السلام عليكم
انا قبل سنه تقريبا من كثر ما قرأت من الاعضاء وتغزلهم بالبلوفرونتد صرت عاشق له وكان عندي هولندي حمامه ومليان كلام وذكي بعت الهولندي واخذت البلوفرونتد حقيقه اول شهر اصابني احباط وحسايف وكيف تسرعت وبعت الهولندي وكيف ابعوضه والله الان البلوفرونتد بعد مرور ثمانيه اشهر صار واحد من البيت ولا يمكن ابيعه بأي قيمه لانه فعلا ببغاء عجيب في بنأء العلاقه مع صاحبه وذكي جدا جدا ويلقط كلام من البيت وخفيف دم لدرجه يضحكك غصب لكن اهم شي توددي له واخدميه انتي فقط مو خادمه او احد ثاني انتي غيري الماء والاكل وحطي الاكل من خضار وفواكه كل يومين او ثلاثه مع الترويش بالاسبوع مره كذا خلاص انتي كل حياته وتكلمي معه كانه يفهم كل شي زي الاجانب اذا يتكلمون مع حيواناتهم كأنهم يكلمون انسان ما فيه مشكله والتلقين فيه مواضيع واجد تكفي بالمنتدئ الخلاصه لا تندمي على الببغاء الاول انتي معك ببغاء اذا احسنتي التعامل معه راح تتعلقي فيه بشكل جنوني لانه مثل الطفل ويختلف عن الكاسكو كثير بالعلاقه مع المربي |
رد: اشتريت بلوفورنتيد للمرة الأولى @.@
مشكورين ردودكم شجعتني ^^
في البدايه حسيت تهورت @@ بس مادري عن شخصيتهم...هل هم دايما جذي بادرين وهاديين ويحبون النوم؟ لأن هذا من امس لين اليوم الاحظه بارد وفيه كسل + دايما يغمض عينه اليمين (مع انه يجوف منها) الكاسكو لما كنت اخذهم من 5-7 شهور كانوا دايما نشيطين ويلعبون ويصفرون من اول يوم بس هذا غير @@ البراز اكرمكم الله طبيعي ومافي مخاط عالانف وياكل اوكي لو الوضع مشكوك فيه راح أرفق صور @@ هو عليه ضمان اسبوع فأقدر أسترجع فلوسي لو فيه شي...عشان جذي أبي أتأكد @@ |
رد: اشتريت بلوفورنتيد للمرة الأولى @.@
اصبري على الطير
الطير فرخ ومن المعلوم انه بياكل كثيررر على شان وقت نموه اذا الطير سليم من الامراض لاترجعيه خليه يوم يومين لين يتعود على منزله الجديد والبلو فرنتد اذا تعود على روتين صاحبه خلاص بيسعده مثل الي صار مع اخونا بيكاتشو لك خالص تحياتي.... |
رد: اشتريت بلوفورنتيد للمرة الأولى @.@
^^^^
مشكور اخوي ^^ انا ماعندي مشكله دام مثل ما قالوا الاخوان تدريبه مثل الكاسكو لأني متعوده عليهم ^_^ لكن حالته مب طبيعيه (عالأقل انا عمري ماجفت مثلها في فروخ الكاسكو) :( بحثت في مواضيع المنتدى وفي جوجل لكن ما لقيت جواب هاذي صور للعين اليمنى اللي اشك انها مصابه بشي مسكره http://www7.0zz0.com/2012/08/31/17/456669521.jpg هني خليتها يفتحها http://www7.0zz0.com/2012/08/31/17/653602294.jpg وهاذي صوره للعين اليسرى الطبيعيه (للمقارنه) http://www7.0zz0.com/2012/08/31/17/355926994.jpg صوره من الأمام لمشاهدة العينين (لاحظوا شكل منقاره كريه >_>) http://www7.0zz0.com/2012/08/31/17/320086513.jpg هنا وهو يلعب ولا زالت العين اليمنى مسكره http://www7.0zz0.com/2012/08/31/17/873022219.jpg اول مره يجيني واحد جذي بعينه وخمول وبليد..حتى الألعاب ياخذها بس ثانيتين يلعب ويقطها...فهل تنصحوني أرجعه دام في فرصه؟ |
رد: اشتريت بلوفورنتيد للمرة الأولى @.@
من المحتمل ان عين الطير فيها التهاب
لذالك خشيت ان تفتح لنفسك ابواب في غنا عنها رجع الطير وخذ افضل منه والله الموفق لك خالص تحياتي... |
| جميع الأوقات بتوقيت GMT +3. الساعة الآن 02:10 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو