منتديات تو زوو - اهم اخطاء شائعه بين مربين الكلاب

منتديات تو زوو (http://www.2zoo.com/vb/index.php)

- قسم هواة الكلاب (http://www.2zoo.com/vb/forumdisplay.php?f=26)

- - اهم اخطاء شائعه بين مربين الكلاب (http://www.2zoo.com/vb/showthread.php?t=284194)

اهم اخطاء شائعه بين مربين الكلاب

السلام عليكم ورحمة الله وبركاته
كيفكم ؟انشاء الله تمام
موضوع اليوم مهم جدا لدرجت ان الجميع لازم يلبسون نظرات:D:D
ويقرأون بتمعن

بسم الله الرحمان الرحيم

ما هي اهم اخطاء المربي بيعملهم اثناء تربيته للكلب

طبعا توصلت ان اهم سته اخطاء للأسف منتشره جدا ولازم نعرفهم ونقضي عليهم

نبدأ

1- اهمال الكشف والفحص الدوري كل 3 شهور عند الطبيب المعالج

النقطه دي مهمه جدا بيها نقدر اكتشاف اي مشكله من اولها ونلحق طبعا نديها العلاج المناسب في وقته السليم قبل ما تكبر المشكله وميكونش لها علاج.

2- عدم ملاحظه الكلاب ملاحظه دقيقه بشكل يومي

للاسف الكلاب بارعين في نقطة اخفاء الالم او المرض في اوله ويصعب اكتشافه,وغالبا محدش بيعرف ان كلبه مريض الا لما المشكله بتكبر قوي وتنهك الكلب
عشان كده لازم نتابع الكلب يوميا لملاحظة اول علامات المرض هنتابع اكله بياكل كويس ولا اكتر ولا اقل من الطبيعي,اخراجه شكل ولون ومكونات البول والبراز, واخيرا حالته العامه وسلوكه .

3- عدم الاهتمام بتغذية الكلب

طبعا كتير جدا بيحصل ان محدش يهتم كويس بنوعيه الاكل ويحاول يوفر للكلب القيم الغذائيه فعلا اللي بيحتاجها ويوفرهاله
ده ان ما اهملش الوجبات نفسها طبعا وناس كتير ممكن متأكلش الكلب باليومين والتلاته
فالكلاب بتحتاج لوجبات موزونه جدا مساويه لاحتياجاته في كل مرحله في عمره

4-اهمال وجود اشياء ممكن يؤدي اكلها لتسمم الكلب او ايذائه

طبعا ما اكثرهاالحاجات اللي ممكن نلاقي صاحب الكلب سايبها قريب من الكلب زي اسلاك الكهرباء الموصله او زجاجات قابله للكسر او ادويه او مواد تنظيف او حتى صناديق القمامه وهي حقا مضره للكلاب

5- ترك الزمام للكلاب ان تجري حره في الشوارع والطرقات

مشكله لأسباب كتير منها انها ممكن توصل للقمامه تلعب فيها وممكن تتأذي لو فيها مواد جارحه زي زجاج او ماشابه او ممكن تأكل مواد متعفنه او سامه موجوده فيها

او تتأذي بسبب الشجار مع حيوانات ضاله او تصدم بسياره

وكل ده احنا في غنى عنه باستخدام الشدادات وعدم ترك الكلاب في اماكن مفتوحه بحريه
وهناك محلات مخصصه للكلاب لكي تاخذ جميع الحريه المطلوبه

6-عدم وضع بيانات الكلب على حزام الرقبه

طبعا طرق تعريف الكلاب كتير منها الاختام ومنها الميكروشيب ومنها الترخيص
في حالة ان الكلب بيتوه او يفقد المفروض دي وسائل مساعده لارجاعه لمالكه
واحنا هنا ممكن نفكر ونقول يعني اللي هيلاقيه حتى لو فيه ايه عمره ماهيرجعه

بس برضو لو افترضنا وجود عديمي الضمير,اعتقد انه من العدل افتراض وجود اهل الذمه والضمير

وانشاء الله الموضوع ايكون الموضوع اعجبكم وايكون مفيد للجميع
والسلام عليكم ورحمة الله وبركاته
اخوكم خليل
منقول