منتديات تو زوو - وضعيات التصوير

السلام عليكم ورحمة الله وبركاته
صباحكم / مسائكم رضا من الباري
اليوم ان شاءالله حابه استعرض لكم عن وضعيات التصوير الإحترافي او الشبه احترافي

http://www.2zoo.org/uploads/thumbs/13396436701.jpg

اغلب المصورين وخاصه المبتدئين عندهم هالوضعيات بس مايستخدمونها لأنهم مايعرفون معناها
وان شاءالله اليوم راح اشرحها بالتفصيل

http://www.2zoo.org/uploads/thumbs/13396436702.png

وضعيه تصوير الأشخاص (Portrait Mode):

في هذي الوضعيه الكاميرا راح تختار اوسع فتحه ممكنه تلقائيا
عشان الصورة يكون فيها عزل وهالوضعيه ممتازة اذا بتصور شخص بشكل منفرد
وبعض الكاميرات المتقدمه تستخدم خاصيه كشف الجوه وتضبط الفوكس عليه
وتشغل خاصيه العين الحمرا في حال وجود فلاش

http://www.2zoo.org/uploads/thumbs/13396436703.png

وضعيه التقريب (macro mode):

نستخدم هالوضعيه اذا حبينا نصور الأشياء الصغيرة مثل الحشرات
ويفضل اننا نستخدم حامل ثلاثي (الترايبود)
لأن أي حركه ممكن انها تضيع الفوكس
وتطلع الصورة مهزوزة

http://www.2zoo.org/uploads/thumbs/13396441101.png

وضعيه تصوير الطبيعه ( landscape mode):
في هالوضعيه الصورة راح تختار اصغر فتحه عدسه ممكنه (رقم كبير)
عشان تطلع تفاصيل اكثر بالصورة بدون عزل وبالتالي تزيد حده الصورة

http://www.2zoo.org/uploads/thumbs/13396441102.png

وضعيه التصوير الرياضي (sport mode ):
هالوضعيه تستخدم في تصوير الأشياء المتحركه مثل الرياضيين او حتى الحيوانات
وفي هالوضعيه الكاميرا راح تستخدم شتر سريع لتجميد الحركه
فلازم يكون عندنا اضاءة قويه

http://www.2zoo.org/uploads/thumbs/13396441103.png

التصوير الليلي (night mode):
تستخدم هالوضعيه في الضوء الخافت
وفي هالوضعيه الكاميرا بتختار اوسع فتحه ممكنه
وتقلل من سرعه الشتر الى نص ثانيه او عده ثواني
عشان يدخل ضوء اكثر للصورة
ويفضل استخدام ترايبود لمنع اهتزاز الصورة

http://www.2zoo.org/uploads/thumbs/13396445571.png

افضليه سرعه الغالق (shutter priority)
في كاميرات النيكون يرمز لها ب (s)
في هذي الوضعيه المصور يتحكم بسرعه الشتر والكاميرا تضبط فتحه عدسه مناسبه
عشان تتوازن الإضاءة
وهالوضعيه مناسبه للتصوير بسرعه شتر سريعه
وايضا التصوير بسرعه شتر بطيئه

http://www.2zoo.org/uploads/thumbs/13396445572.png

افضليه فتحه العدسه (Aperture Priority ):
في كاميرات النيكون يرمزلها ب (A)
وهذي الوضعيه عكس الوضعيه السابقه
المصور يختار فتحه العدسه المناسبه والكاميرا تضبط سرعه الشتر حسب فتحه العدسه
عشان تتوازن الإضاءة
وهالوضعيه مناسبه للمصور للتحكم بعمق الميدان
يعني اذا اختار فتحه عدسه ضيقه (رقم كبير ) راح تزيد التفاصيل بالصورة
وبالتالي تزيد الحده ويقل العزل
والعكس اذا اختار فتحه عدسه واسعه (رقم صغير)

http://www.2zoo.org/uploads/thumbs/13396445573.png
الوضعيه اليدويه ( manual mode):
اغلب المصورين يستخدون هالوضعيه وينصحون فيها
لأن المصور في هالوضعيه راح يتحكم بكل شي
(فتحه العدسه –سرعه الشتر- الايزو –الفلاش – الخ
بشكل يدوي

في الختام اتمنى انه الموضوع نال على اعجابكم واستفدتو منه
والسلام عليكم ورحمة الله:):)