|
علاج الفطريات ساعدوني
السلام عليكم
اخواني اخواتي حبيت اسال انا عندي هملايا مستوى عالي وماابي اخسره عمره 4 شهور جاني هديه وطلع عاد فيه انواع الفطريات ملياااان الزبده حطيت له البخاخ حق الفطريات وحطيته في الشمس بس المشكله ابي اسال هل اقدر احط له كريم بشري حق حساسيه وفطريات . اسف على الاطاله . |
رد: علاج الفطريات ساعدوني
اقتباس:
مرحبا اخي الكريم شوف اخي بالنسبه للقطه اذا كان الشعر كثيف راح يتعبك كثير فـ كل شخص عنده حل بالنسبه لي انصحك بحلين الأول : تحلق شعر القطة ويتم معالجتها بشكل سريع . الثاني : تذهب لاقرب بيطري لديه علبه صغيره عباره عن بودره قيمتها تقريباً 110 ريال تخلطه مع قليل من الماء ويعطى على شكل جرعات عن طريق الفم مرتان باليوم وفي خلال فتره تتراوح من 15 يوم الى 25 يوم بأذن الله تكون تخلصت من الفطريات والك حر الأختيار وبأمكان الأعضاء افادتك بأشياء اخرى كل وعلى حسب خبرته اتمنى اني اكون افدتك و تقبل مرورري اخـ ابومحمد ـوك |
رد: علاج الفطريات ساعدوني
انا مع اخوي الكلاسيكي
اهم شي انك تحلق لك شعررره كامل وبعدين تبدا بعلاجه .. واهم شي ماتعالجه بكريمات وبس .. لا .. لازم تعطيه حبوب او اي دواء داخلي .. عاد ايش هو الدوا ماعرف .. استنى الخبرااء .. لان القط مره صغير 4 شهوور .. يعني الشغلات الضروريه هي 3 اشيااء تحلق له وتعالجه علاج داخلي .. حبوب او شراب.. وكريمات موضعيه .. فتره ويخف ان شااءلله ... وتراه يعادي الانساان بس مو شغله كبيره .. تاخذ كريم اسبوع ويخف .. واذا عندك قط ثاني افصله عنه لان ممكن يعاديه .. وغير المكان الي يجلس القط فيه ممكن يكون السبب منه .. لان حتى لو عاجلته وهو بنفس المكان راح يرجع له مره ثانيه .. ف اهتم بنظافه المكان من تعقيم وغيره .. اسفه ع الاطاله بس حبيت افيدك بالي عندي ^_^ |
رد: علاج الفطريات ساعدوني
والله نفس مشكلتي بس لما رحت البيطري
ماكتب لي غير شامبو بس استخدمه كل اسبوع واخذت منه معقم لاذانيها فانتبه لاذانيها يمكن تكون هي المشكله وماعطاني كريمات قالي لسا صغيره اربع شهور حرام وممكن يضرها فأنا بداوم معها على ذا الشامبو واطلعها الشمس عشر دقايق باليوم وانشالله يارب تخف وتروح مع الصيف الله يشفيها لك يارب |
رد: علاج الفطريات ساعدوني
وعليكم السلام ورحمه الله وبركاته
اول شي حلق شعره عشان اسهل لك بعلاجه ثاني شي روح للصيدليه البشريه وخذلك شامبو فافو او نيزورال ومطهر بيتادين ومرهم كانسيتن حمم القطو بالاسبوع كم مره بس جففه زين لان الجو بارد افرك مكان الفطريات بمطهر بيتادين وبعد ماينشف تقريبا بخمس دقايق ادهن الكريم مرتين باليوم ودايما شمس القطو ونظف المكان اللي هو فيه وعقمه يوميا |
رد: علاج الفطريات ساعدوني
نصيحة مجربه عانيت كثييييييييير من الفطريات ب بستي
انا ما حلقتها ولا شي بس رحت لبيطري اعطاها ابره وصرت احممها ب طشت فيه مويه دافيه وغطايين خل تفاح خل تفاح من السوبر ماركت لون الخل بني وبعده احممها بشامبو فافو ورغوه تاخذها من البيطري خاصه بالفطريات وانشفه كويس وباقي اليوم امسح الاماكن المصابه وهي كانت اذنه و رقبته ب مويه فيها شوي خل تفاح وبعدها البيداتين وبعدها مرهم للفطريات للامانه استخدمت كيناكومب و مرهم اسمه بيتادين بس استخدمت كل هالاشياء مدة شهر يمكن بس اول ما صرت احط خل التفاح حسيت بالفرق وطابت بسرعه وللحين ما اسغنى عنه بكل مره احمم البسس يارب تطيب بستك |
| جميع الأوقات بتوقيت GMT +3. الساعة الآن 10:18 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو