منتديات تو زوو - تدريب الكاسكو على الدوران والاجابه على السؤال ( فديو )

منتديات تو زوو (http://www.2zoo.com/vb/index.php)

- قسم هواة الببغاوات (http://www.2zoo.com/vb/forumdisplay.php?f=31)

تدريب الكاسكو على الدوران والاجابه على السؤال ( فديو )

السلام عليكم ورحمة الله وبركاتة

اخواني الاعزاء

حبيت أشاركم تدريبي الخاص مع الكاسكو الهولندي عمره 9 أشهر

طبعا قبل لا نبدا بالتدريب لازم يكون الطير اليف جدا ومتعلق براعيه

انا استخدمت العصا ولا الكليكر

http://www10.0zz0.com/2011/09/25/15/260001326.jpg

طريقة التدريب

1- بالاول نبحث عن مايفضله الكاسكو من أكل لاجل المكافأه ولله الحمد كان أفضل الاكل عند الكاسكو الي عندي هوا ( الرمان + ا لجزر + العنب + الفول السوداني + الذره + الفاصوليا + التفاح )

فكنت مااقدم له هذي الانواع الا بيدي وقبل لا اعطيه لازم اضغط على الكليكر وبعدين أعطيه

استمريت لمدة 8 أيام على هذي الطريقة

2- استخدمت عصا خشبي صغير ( طبعا بالبداية لازم نعطيه للطير يلعب فيه الين يحس ان هذا العصا امان ومافيه مضره ) نخليه يعض العصا وبعدها نصدر صوت الكليكر لكي ياخذ المكافأه وسهل جدا أن يتعلمها بخلال يومين صار حافظها وأن كان على الأستاند احطها بالطرف ويجي يعضها علشان المكافأه وبعدها الطرف الاخر علشان يجي ويعضها ويحصل على المكافأه .

http://www.youtube.com/watch?v=G8BTdJmQt4s

3- الان احاول امرر العصا بشكل دائري على الاستاند لكي يطبق حركة الدوران مع نطق كلمة ( دور )
ولا أسمح له بعض العصا بل أصدر صوت الكليكر وأعطيه المكافأه لكي يعرف ان المكافأه على الدوران وليس على عض العصا ( استمر التدريب 4 أيام ) في البدايه كان يرفض ولكن بالصبر تعود وحفظها ولا تنسى أن تجعله يشاهد المكافأه بيدك لكي يتحمس لأداء الدرس

http://www.youtube.com/watch?v=Ic_2pBTOPE4

4- الان هوا على علم عند سماع ( كلمة دور ) معناها يلف حول نفسه لكي يخصل على المكافأه

تعليمه الرد على السؤال

والاصعب هوا تدربه أن يرد على السؤال ولكن هذا يبي له صبر كبير ومحاوله نص ساعه الصباح ونص ساعه العصر واذا لاحظت عليه الملل مثل بدأ بحك من منقاره بكثره على الاستاند او تنضيف ريشه وقف الدرس وابدا اليوم الثاني

ولازم نختار الكلام الي يسهل نطقه وينطقه بكثره ، حدد لها سؤال وأجعلها هيا تكون الأجابه .

أنا اخترت السؤال على حسب الكلمات التي ينطقها

مثلا
الوو الووو س- صوت الجوال أو جوال ؟

أحضرت شخص مساعد للتدريب ( ولد أخوي الصغير ) وخليته يوقف قريب من الاستاند
وأقول " جوال " هوا يرد علي بـ " الوو الوو " وبعدها أعطيه المكافأه ( العنب )

أستمر الدرس لمدة ثلاث أيام

باليوم الرابع كان عند سماعه كلمة " جوال " يرد بـ " الوو الوو "

http://www.youtube.com/watch?v=2pyNBTAflgs

في النهـــاية أشكر أخوي الكاكي على أهدائه لي الكليكر مع تعليمي للتدريب وأشكر المنتدى ( تو زوو ) على مايقدمه لنا من فوائد كبيره لا نستغني عنها

و اسف على الاطاله في مقاطع الفديو وعلى التصوير غير واضح ومتحرك
وعلى فكره الطير يطبق الحركات افضل بدون وجود الكاميرا لانه شايف شي جديد وخايف

والقادم أن شاء الله بيكون عباره عن 4 أسأله مع الجواب وجمع القطع المعدنية ورفع جناحه وتحريك رأسه والانقلاب على ظهره عند الاوامر

أتمنى لكم الافاده