|
أبوووو فــهـد أريــد مساعدتك
ألســـلامـ عليكم
أبو فهد عندي كلبين روتوايلر واحد نثيه و فحل العمر 3 الى 4 اشهر انا حاليا مدربهم على سيت (الجلوس) بس مو كادر ادربهم على اشي ثاني مثلن eye conct و الاسم و تدريبات الطاعه , بس اريد منك تعلمني و رجاء شنو التريت الي تعطيهم ( الاكل عشان التدريب ) و ادربهم مع بعض ولا كل واحد ل حال ؟؟ و شو الكليكر ؟؟ ارجو منك موضوع كامل , مشكووور ابو فهد :freind: |
رد: أبوووو فــهـد أريــد مساعدتك
اخوي ابو فهد مو مقصر وراح يفيدك باذن الله
|
رد: أبوووو فــهـد أريــد مساعدتك
السلام عليكم ورحمة الله وبركاته
شوف يالغالي راح نرشدك الى الطريق الصحيح لكن ابي منك تركز معاي وتطبق الي اقوله لك وتتحلى بالصبر لان كل كلب له مقدرته على استيعاب التدريب فلا تضغط عليهم وكل الأمور طيبة ان شالله أول شي لأي تدريب تبي تطبقه لازم تعرف نقطه مهمة في الكلب وهي >> ماهو الشيء الي يجذب الكلب أكثر التريب / الأكل / اللعبة كل ماكان الكلب ينجذب الى اللعبة كان أفضل لكن لامانع من تدريبه عن طريق التريب / الأكل والمكافئات مثل .[ قطعة نقانق - المكافئات المخصصة للكلاب في المحلات - قطع دجاج قطع جبن ]. ثاني شي أي تدريب جديد تبي تعلمه للكلب لازم تنتبه لهذه النقاط :- 1 - المكان المناسب >> مثل غرفة مصكره تكون فيها مع الكلب وتنتظره الى ان يهدأ 2 - الوقت المناسب >> مثل مو أول ماتطلعه من القفص تدربه على طول !! تنتظر عليه الى أن يهدأ ويطلع الي داخله ماتدربه أول مايصحى من النوم / قبل النوم / مطر شديد / حر شديد / غبار ...الخ 3 - الخبرة الكافية >> تكون عندك خلفية وخبرة كافيه عن التدريب الي تبي تعلمه للكلب ثالث شي المكافئات الأساسية للتدريب 1 - اذا كان كلبك يفضل الأكل >> يفضل يكون التدريب واهو جوعان 2 - اذا كان كلبك يفضل اللعبة >> يفضل انك ماتخليها عنده طول الوقت وتزيد حبه لها من خلال انك تلعبه فيها لمدة خمس دقايق الى عشر دقايق وتخبيها عنه ولازم يشوفك وانك تخبيها عنه عشان تزيد عنصر >> التشويق رابع شي مفاتيح التدريب الصحيح لازم تعرف ان تدريب الكلب تكون على عدة مراحل وهي 1 - مرحلة التعليم وهي انك تبدي بتعليم الكلب على التدريب المطلوب مع اتباع الطرق الصحيحة / المكان المناسب / الوقت المناسب بهذه المرحلة تستخدم الأكل / اللعبة لمكافئة الكلب عند تطبيقه 2 - مرحلة إعادة تطبيق التدريب مع وجود ديستكرشن الديستركشن أنواع .: ديستكرشن منعدم >> وهذا اول مستوى ويكون بمكان مغلق مع عدم وجود آي احد ديستكرشن منخفض >> ثاني مستوى ويكون معاك صديق / أخوك ويكون داخل الغرفة ديستكرشن متوسط >> ثالث مستوى ويكون معاكم كلب آخر ويكون بمكان داخل المنزل مثلآ ديستكرشن عالي >> آخر مستوى ويكون بأماكن عامة مثل الحديقة / الشاطىء وفي هذه المرحلة أيضآ بجميع مستوياتها تستخدم الأكل / اللعبة لمكافئة الكلب عند تطبيقه التدريب 3 - مرحلة التصحيح وهي آخر مر مرحلة أن تم تدريب الكلب وإعادة التدريبات بجميع أنواع الديستركشن وهي انك تصحح للكلب اذا أخطئ لكن هذه المرحلة تكون من غير مكافئة !! << انتبه لهذه النقطة خامس شيء الحين تستخدم السر في نقل المعلومة للكلب انه تم تطبيق التدريب بشكل صحيح وهي انك تستخدم أما 1 - كليكر >> أداة تطلع صوت عند الضغط عليها http://www.2zoo.org/get-10-2011-2zoo_org_bjpbmcp4.jpeg أو تقدر ولاعة ( قداحة ) وتفرغها من الغاز ولها مثل صوت الكليكر http://www.germes-online.com/direct/...ic_Lighter.jpg 2 - كلمة بينك وبينه تعوده عليها مثل >> yess / good / right سادس شي بعد ان عرفت الأساسيات والمفاتيح للتدريب تنتقل الى كيفية تطبيق التدريبات فتدريب الكلاب يجب أن يكون بطريقة تسلسية أي انك تمشي على التدريبات مثل صعود السلم راجع هذا المـوضوع فيه فيديوات وشرح بالكلام يفصلك كل التدريبات الي انت ذكرتها http://www.2zoo.org/get-10-2011-2zoo_org_fn2riomn.gif http://www.2zoo.com/vb/showthread.php?t=232832 نقطة أخيرة مهمة جدآ الآن فقط علم الكلب على :- 1 - لاتدرب الكلبين في وقت واحد بل حدد لكل كلب وقت للتدريب 2 - كلمة نهي مثل No >> حتى تتحكم فيه لو عمل تصرف خاطئ 3 - أسمه من خلال تدريب الـ eye contact 4 - مكان تبرزه >> لو كان موجود في المنزل .[ أكرم الله المشاهدين ]. 5 - عدم العض >> حتى لا يتعود عليها وتصبح مشكله عند الكبر 6 - عدم حمل الأحذية >> حتى يفهم ان هناك قوانين يجب الخضوع لها وعند بلوغهم عمر الـ 6 شهور ابتدي معاهم تدريبات الطاعة والى ذلك الحين لنا حديث آخر باذن الله نقاط اساسية يجب مراعاتها للكلب :- التغذية الصحية >> عامل جدآ جدآ مهم في نفسية / صحة الكلب نظافة المكان >> فهو عامل نفسي يؤثر على تطبيقه للتدريبات صحة الكلب >> عامل رئيسي جدآ وأيضآ يؤثر على تطبيق التدريبات المساحة >> يجب أن لا يتم حكر الكلب كثيرآ اللعب / التمشية >> مهمة جدآ لتنشيط الكلب واسعاده وتقوية العلاقة بينكم والسموحة لو قصرت عليك بالرد تعبت ايدي :D تحياتي واحتراماتي لك أخـوك .: أبـو فـهــد |
رد: أبوووو فــهـد أريــد مساعدتك
معلومات مفيده من ابو فهد
فشكرا عليها |
رد: أبوووو فــهـد أريــد مساعدتك
هذي الولاعه اللي يقصدها ابو فهد . :)
http://www.germes-online.com/direct/...ic_Lighter.jpg اللي تطلع صوت مو ام محاله :D |
رد: أبوووو فــهـد أريــد مساعدتك
اقتباس:
:D |
رد: أبوووو فــهـد أريــد مساعدتك
أبـــو فهد مــشكوووور ما قصرت ,, الله يكويك ,, بس حاب أستفسر الكلاب الي عندي بحبو يلحسو ب رجلين ما اعرف شنو الحل و بس يتهاوشو مع بعض؟؟ في مشكله اذا يتهاوشوا مع بعض , مشكور مره ثانيه ابو فهد , و مشكووورين الجميع على ردود الطيبه يا طيبن :freind:
|
رد: أبوووو فــهـد أريــد مساعدتك
العفو يالغالي ماسوينا شي
بخصوص اللحس شي ممتاز يدل على التودد وبخصوص السؤال الثاني هل الجروين اخوان ؟ هل في احد فيهم جديد على المكان ؟ اذا كانت اجابتك للسؤال الاول بنعم والثاني بـ لا فهذا شي طبيعي يلعبون مع بعض والغالب ان الذكر يحاول يفرض شخصيته اتركهم ومع الوقت راح ينقلب السحر على الساحر:D اما اذا غير ذلك فعليك التوصل لحل معاهم في انك تمشيهم مع بعض ووقت الاكل تعطيهم بنفس الوقت وتكون واقف بينهم المساله راح تاخذ وقت شوي الى ان يفهمون انهم متساويين |
رد: أبوووو فــهـد أريــد مساعدتك
مشكوووووور أبووو فهد ,, تعبتك , و راغح اتعبك بعد اذا ممكن :P
انا اريدهم كلاب حراسه , شون اربيهم على هذا الشي؟ أحبسهم ب مكان و ما يشوفو غيري ؟ اكص ذيلهم؟ نوع التربيه ؟ نوع التعامل؟ مشكووور ابو فهد :D |
رد: أبوووو فــهـد أريــد مساعدتك
تقص ذيلهم !!
اي اي قص ذيلهم ويصيرون أشرس كلاب بالعالم !! يالغالي ارجوك افهمني اعتقد في موضوع شطوله موجود بالقسم العام بخصوص هذا الموضوع http://www.2zoo.com/vb/showthread.php?t=241070 يجب أن تعرف ان تدريبات الشراسة والحراسة لها اساليب وطرق الي عندك صغار بالعمر لاتستعجل عليهم بشي الحين اهتم بالي قلته لك وشجعهم على العض بالعضاضات فقط ولعبة شد الحبل بس حاسب عليهم وعلى أسنانهم ولاتحملهم فوق طاقتهم فبعدهم صغار بالعمر واذا اكتملوا ست شهور لكل حادث حديث وابتعد عن الاقوال والافكار التافهة بخصوص القص والحبس والدم كلها تخاريف قديمة ولو كنت تعتقد انهم كانو يقصون اذنه ويقدمونها له ويصبح شرس فهذا أكبر غلط لان الكلب سيخاف من اي شخص يقترب منه ويصبح شرس خوفآ من ان يقطع جزء من اعضائه !! ولعلمك الخاص الحبس بالظلمة يضعف نظر الكلب ويزيد من خوفه مما يجعله شرس من الخوف فقط !! لكن احنا نبي كلب شجاع واثق من نفسه وحبوب ومطيع لاتجعل كلابك فئران تجارب لتجارب فاشله تم تصحيحها وتعديلها وتطويرها تحياتي لك يالغالي |
| جميع الأوقات بتوقيت GMT +3. الساعة الآن 04:08 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو