|
الببغاء عنده السالمونيلا .. تجاربكم ونصائحكم بخصوص هذا المرض
السلام عليكم ورحمة الله
الطير اللي عندي فرخ هولندي ... وفجأه قبل يومين صار خامل وهاديء .. واليوم بدأ ما يأكل ... وديته لبيطري أمس الظهر وقال سليم مافيه شي.. ووديته لبيطري ثاني وعند الدكتور أخرج الطائر تكرمون خراج أبيض سائل شفاف وقال الدكتور مباشرة هذا عنده السالمونيلا .. وأعطاني الدكتور مضاد حيوي أحطه للطير في المويه... وصرت أأكل الببغاء كل أربع ساعات سيريلاك أسويه من المويه اللي فيها المضاد.. وسويت له خلطه من الخضروات سلقتها وطحنتها واعطيته اياها بالابره ... مثل بطاطس وكوسه وصفار بيض وجزر وغيره والببغاء أنا وياه شيل وحط لين ياكل:( وأول مره عطيته سيريلاك غبت عنه ساعه ويوم رجعت لقيته مملي الصالة استفراغ.... والحين بعد 4 ساعات عطيته من الخلطة وبشوف يستفرغ ولا لا ..... أبي نصايحكم ياشباب وتجاربكم مع هالمرض سلم الله طيوركم منه |
رد: الببغاء عنده السالمونيلا .. تجاربكم ونصائحكم بخصوص هذا المرض
وعليكم السلام ورحمة الله وبركاتة
بصراحة ما ادري وين ابتدي لكن المرض هذا يصيب فروخ الكاسكو بسبب فيروس انتقل له من بعض الطيور المصابة والعلاج لهذا الفيروس شبه مستحيل لكن عليك تعمل بالاسباب وان شاء الله يتعافا المهم في الموضوع انك تستمر على العلاج اللي صرف لك الطبيب وتحاول تغر الطير وتضعة في مكان او كرتون وتشغل عليه لمبه صفراء وتراقبة جيدا لان الحاله هذه راح تكون بين خطين اما الحياة او الموت وما لنا الا الدعاء لطيرك ان الله يشفية . بالتوفيق |
رد: الببغاء عنده السالمونيلا .. تجاربكم ونصائحكم بخصوص هذا المرض
والله شوف يااخوي
بصراحة خبرتي بالطيور ضعيفة ولكن بالنسبة للسالمونيلا هي بكتيريا ومادام بكتيريا ماينفع معها الا مضاد حيوي فعال لكن لو كان فيروس مشكلة ماينفع معه الا مسكنات والنظافة |
رد: الببغاء عنده السالمونيلا .. تجاربكم ونصائحكم بخصوص هذا المرض
شكرا لك أخوي أبو محمد على صراحتك ووضوحك... لكن عندي سؤال .. هل إذا رجع براز الطائر إلى الطبيعي بدلا من كونه شفاف أبيض .. هل رجوعه دليل على الشفاء .. وإذا ماحدث ذلك فمتى يحدث بعد العلاج بيومين ثلاثة أم ماذا .؟
وشكرا لك |
رد: الببغاء عنده السالمونيلا .. تجاربكم ونصائحكم بخصوص هذا المرض
أخوي أبو محمد تقول ان الطير أصيب بسبب عدوى .. طيب الببغاء داخل البيت ولا عمره طلع من البيت وشلون تجيه الاصابه؟
أخوي تريند .. نعم أنا استخدم له الان مضاد حيوي أحطه له مع المويه ... شكرا لردك |
رد: الببغاء عنده السالمونيلا .. تجاربكم ونصائحكم بخصوص هذا المرض
اقتباس:
اكيد دليل على شفاء الطير مؤقت ويجب الاستمرار على الدواء واخذ الكورس كامل بالتوفيق . |
رد: الببغاء عنده السالمونيلا .. تجاربكم ونصائحكم بخصوص هذا المرض
لا بو محمد
العلاج مو شبه مستحيل بس يبي اهتمام قوي في الطير وهذا ترجمة من موقع اجنبي العلاج :عند ظهور الأعراض يعزل الطائر المريض مع استخدام المضادات الحيوية في العلاج ويجب أن يستمر العلاج لفترة طويلة كما يستخدم الفيورالتادون لمدة 3-4 أسابيع بغرض حماية الصغار التي تكون حاملة للميكروب بعد الفقس مع تطهير الحظائر بالمطهرات ويتم التحصين كإجراء وقائي ضروري مع إعادة التطعيم كل 4-6 شهور، كما تستخدم المضادات الحيوية مثل حقن التيراميسين 100 ملليجرام / طائر أو الستربتومايسين 100 - 200 ملليجرام/طائر واذا اهتميم بكثرره به بيتعالج انشاء الله تحياتي *فواز* |
رد: الببغاء عنده السالمونيلا .. تجاربكم ونصائحكم بخصوص هذا المرض
اخوي Hmoodi55 ولايهونون الشباب
انا نفسي العالم تنتبه للفروخ الهولنديه اغلبها ياناس يموت , هي تسحر الواحد بجمالها بس انتبهوو 90% منها يموووووووت , لانها عايشه في محل انتاج خاص .ماتنفع تتربى عندنا , وللامانه اتمنى انهم يمنعو استيرادها من برى لانه حرام والله يجيبوها عشان يضحكون على الناس بسعرها الغالي .مقارنه بلافريقي الرخيص , وهي ماتتحمل تطلع من جوها الخاص. |
رد: الببغاء عنده السالمونيلا .. تجاربكم ونصائحكم بخصوص هذا المرض
هاوي البادجي كلامه صحيح مرض السالمونيلا اذا تم تكثبف العلاج الصحيح له ان شاء الله المرض يزول والطير يخف واهم شيء النظافه اليوميه في القفص ونظافه وتنظيف المشربيه وتعقيمها ووضعها في الشمس القفص برضو يعقم ويوضع في الشمس وان شاء الله الامور طيبه بس اهم شيء ملاحظه الطير المصاب وعزله عن باقي الطيور
|
رد: الببغاء عنده السالمونيلا .. تجاربكم ونصائحكم بخصوص هذا المرض
كل شوي أويق وأطل على الببغاء لا يصير قابع بأرضية القفص ومودع
آخر التطورات بعد مرور تقريبا 20 ساعة على العلاج : 1- الطير مازال خامل وهاديء ولا له خلق شي ....( صدق المرض شين ياجماعة ) :( 2- الطير أحسن من ناحية الأكل ... أول كان يرفض الابره والحين يرفضها لكن أحسن من الأول ... 3- خراج الطائر تكرمون ... مره يصير طبيعي وعادي ومرات يصير سائل شفاف << واللي يعرف وش معنى هذا يقول لي وشمعناه لو تكرم الأخ الكريم أبو محمد شكرا على المعلومة ماقصرت ==== الأخ الكريم فواز ماقصرت وجزاك الله خيرا ... وياليت لو تتكرم وتقولي طريقة الاهتمام بالطير .. === الأخ الكريم أبو ريم ... شكرا لردك .. وفعلا كلامك صحيح توبة ماعاد أقرب الهولندي ... قبل 4 أشهر كان عندي هولندي ومات لكن قلت يمكن سبب موته عدم اهتمامي فيه ... والحين هذا مهتم فيه اهتمام مو طبيعي ومع ذلك مرض والله يشفيه === الأخ الكريم فوزي .. شكرا لردك وماقصرت ... وياليت تقول لي إذا العلاج اللي انا استخدمه للطير مناسب وكافي وهو مضاد حيوي يوضع في الماء ؟ |
| جميع الأوقات بتوقيت GMT +3. الساعة الآن 07:12 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو