|
بعض الاستفسارات في تربية الكاسكو الافريقي
السلام عليكم يعطيكم العافية على هالمنتدى الرائع عندي بعض الاستفسارت عن الكاسكو اللي عندي 1-انا توني شاريه من 8 ايام 2- عمره سبع شهور 3- اول مرة اشتري كاسكو واستفساراتي كالتالي : أ- افضل طريقة لتريبته وجعله يأتي الى اليد من اول ما افتح القفص له ؟؟ ب- تعليمه الكلام انا من اول ما شريته وانا اتكلم عنده واقول واسلم ولكن ولا كلمة الى الحين بس يصفر ما الحل؟؟ ج- كيف اعلمه على اللعب والرقص على الأصوااات؟؟ د- الحمدلله اللي عندي ما يعض ولا يجعر ابد ولكن... يعض عضة تألم قليلا ( مثل القرصة) كيف اخليه يقلع عنها ؟؟ ه- وهل الحرمان من الاكل نوع من التربية ؟؟ وكيف اعاقبه ؟؟ ارش عليه ماي مثلا؟؟ ارجو اعطائي بعض النصائح ويعطيكم العافية وما قصرتوا an6 |
رد: بعض الاستفسارات في تربية الكاسكو الافريقي
.
راجع المواضيع المثبته في القسم كل الاجوبه موجودة فيها ..، صراحة مقدر اقول لك طريقة مثالية لتربية الكاسكو لان كل طريق يحتاج طريقة او اسلوب معين ...، فانت تحتاج اكبر قدر من المواضيع علشان تعرف طيرك وش يحتاج وتثقف نفسك ..، |
رد: بعض الاستفسارات في تربية الكاسكو الافريقي
اخوي
أبقولك احسن طريقة للتربيه وهي ( الحـــب ) عآمل ببغآئك بحنان وتخيله كآنه طفل صغير ,, بس أصبر له يتعود على البيت شوي وبس انت اللي غيرله الاكل والمويه مع إحترآمي لكل أعضآء المنتدى آحسن طريقة للتربيه هي الحنآن والحب فقط آتمنى إني آفدتك |
رد: بعض الاستفسارات في تربية الكاسكو الافريقي
انا توني شاريه من 8 ايام ......!!!!
انا من اول ما شريته وانا اتكلم عنده واقول واسلم ولكن ولا كلمة الى الحين بس يصفر ما الحل .......!!! ماشاء الله مبروك اخوي 8 ايام ماتكفي .......!!! ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ أ- افضل طريقة لتريبته وجعله يأتي الى اليد من اول ما افتح القفص له ؟؟ اخراجه برا القفص والبدء معه بالتدريب على طلوع اليد وهي مسك رجله رفعه الى فوق بشويش عشان يطلع يحتاج مكان زي سراميك او بلاط يعني لاتكون الارضيه مفروشه عشان مايتعلق بأظافره في الفرش ويتشبث فيها المهم التأكذ ان الطير لايطير لكن ملاحظه مهمه راح يكون فيه مقاومه منه مثل عض هروب رفض الخ .... بس ان شاء الله راح تنتهي مع التدريب ب- تعليمه الكلام انا من اول ما شريته وانا اتكلم عنده واقول واسلم ولكن ولا كلمة الى الحين بس يصفر ما الحل؟؟ قلت لك في بدايه ردي لاتكفي 8 ايام ... المهم الطريقة ترديد كلمه واحده بدون تغييرها وترديدها له بشكل يومي لحد ماترسخ في رأسه ج- كيف اعلمه على اللعب والرقص على الأصوااات؟؟ اللعب الطريقه تعتمد على نوع اللعبه اما الرقص صفق له وحرك او هز رأسك فوق تحت راح يتعلم مثلأ اذا صفقته له راح يرقص عليها د- الحمدلله اللي عندي ما يعض ولا يجعر ابد ولكن... يعض عضة تألم قليلا ( مثل القرصة) كيف اخليه يقلع عنها ؟؟ شي طيب انه اليف والعض هذي مسأله وقت وتروح مع ان العض الخفيف القرصه عاده في الببغاوات حتى الاليفه ه- وهل الحرمان من الاكل نوع من التربية ؟؟ وكيف اعاقبه ؟؟ ارش عليه ماي مثلا؟؟ لاتحرمه من الأكل بشكل مطول اقل شي ساعتين او ثلاث ساعات بغرض التدريب ولا تعاقبه ولا ترش عليه ماء عوده على كلمه لا برفع صوتك قليلاً اذا عمل شي غير مرغوب |
رد: بعض الاستفسارات في تربية الكاسكو الافريقي
اقتباس:
|
رد: بعض الاستفسارات في تربية الكاسكو الافريقي
عاشق الكاسكو لدي مداخله بعد اذنك
الكاسكو يرقص لكن بطريقته لكل ببغاء طريقه معينه بالرقص اعرف ببغاء كاسكو عنده 3 رقصات مختلفه ماشاء الله حسب التدريب على الرقص يتعلم الكاسكو حتى لو تصلي عنده راح تتفاجأ انه يوم من الايام يصلي هذي حقيقه وحاصله مع كاسكوات كثيره ......... المعنى الكاسكو ذكي يطبق بعض الحركات |
رد: بعض الاستفسارات في تربية الكاسكو الافريقي
ماشاء الله
|
رد: بعض الاستفسارات في تربية الكاسكو الافريقي
الله يعطيكم العافية جميعا وما قصرتوا على هالافادات الرائعة حقيقة اني استفدت منكم الشيء الكثيييير
سؤال اخييير : كيف اخليه ياكل من يدي؟؟ انا احط له الاكل مرتين مرة المغرب ومرة بعد صلاة الفجر اليوم ما حطيت له اكل بعد الفجر وجيته الظهر ومديت له اكل في يدي ما اكل ولا شي غير السبال ولما خلص منها ومديت يدي عضني ارجو الافادة لا هنتم |
| جميع الأوقات بتوقيت GMT +3. الساعة الآن 06:24 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو