منتديات تو زوو - محتاج لمساعدتكم يالخبراء في التربية

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

- - محتاج لمساعدتكم يالخبراء في التربية (http://www.2zoo.com/vb/showthread.php?t=220428)

محتاج لمساعدتكم يالخبراء في التربية

بسم الله الرحمن الرحيم

كيف احوالكم ياشباب ............ انشاء الله بخير

اول حاجه احب اشكر القائمين على هذا المنتدى الاكثر من رائع والذي استفدنا منه كثييييير

حاب اخذ بعض من نصائحكم بخصوص الرمادي الافريقي

انا ياجماعه جلست شهر كامل على هذا المنتدى قبل ماأشتري طيري عشان اتعلم في البدايه واشوف الاساليب الصحيحة في التربية والتوليف
وبعد ان قرأت تقريبا 40 % من المواضيع ........ قررت شراء الطير

شريت لي طير رمادي افريقي من عند واحد صديق عزيز وقال لي انه عمره تقريبا سنة وشهر
وقال لي اذا تبيني اروضه لك انا مستعد ......... قلت له :لا انا ابي اروضه
لأني على ماقرأت في هذا الصرح العطيم ( تو زوو ) انه اذا الطير تدرب على يد راعيه الاساسي راح يتعلق فيه اكثر

المهم
اخذته من عنده وكان يجعر ... وجعرته كانت تجلس الجيران
وكان يعض .... لدرجة انه مابقت في صيدليات الاحساء اي ضمادات للجروح الا وتلاقونها عندي في الشقه
وكان من يشوفني من بعيد على طووووووووول يجعر

مضى على الطير معي الان اسبوعين

كنت اعامله معامله جميله ولا زلت كذلك

التطورات :
1- الجعير خف بنسبة 95% تقريبا.
2- العض : بطل يعض نهائيا .
3- يطلع على اليد وقت ماأنا اريد .
4- ياكل من يدي سواء من داخل القفص او من خارجه.
5- يعشق ابنتي الصغيرة ذات الخمس سنوات عشق كبيراً .

الان اريد ان اصف لكم تصرفات طائري بعد الاسبوعين واريد ان تفيدوني بخبراتكم:

# لما ادخل الغرفه ويشوفني احسه يبعد عني وهو داخل القفص . ( ليش ؟؟ وماهو الحل ؟ )

# اذا افتح له القفص مايطلع الا لما انا اطلع من الغرفه . ( ليش ؟؟ وماهو الحل )

# لما يكون في القفص اسمعه يطلع اصوات مثل الشخص اللي يحك اسنانه ببعضها .. ( ماذا تعني هذه الحركة )

# لما اردد عليه بعض الكلمات .. اشوفه يمد رقبته الى اعلى ويفتح فمه بالكامل وكأنه يريد التحدث .. ( ماذا يعني ذلك )

ابي تشرحون لي هالحين وش الخطوات اللي من المفترض اسويها عشان يتوالف معاي اكثر

انتظر نصائحكم على احر من الجمر ....