|
قطتي مصابه بالاسهال ....... ارجوا الحل
السلام عليكم ورحمة الله وبركاته
اخواني اليوم صحيت الصبح لقيت قطتي الام قاعده تمسح في رجولي وشوي تروح اليتر بوكس قعدة عشر دقايق تقريبا وهي تتمسح فيي رجولي ورجعت لليتربوكس قلت اكيد تبي تقولي شي من اليوم بس ماني فاهم رحت شوفتها وهي تتبول لقيته اسهال وهي ترضع وعمر الصغار تقريبا من ثلاث اسابيع الى 4 ايش الحل يا اخواني واخواتي الاكل الي عطيته لها حليب و اكل القطط وتونة القطط انا الان في الدوام وخايف عليها واش اعطيها وايش امنعه عنها واذا فيه ادويه واش اعطيها وشكراااااااااااااااا لكم |
رد: قطتي مصابه بالاسهال ....... ارجوا الحل
وعليكم السلام ورحمه الله وبركاته
الحليب+تونه=اسهال حاليا وقف عنها منتجات الالبان الحليب والاجبان وكمان التونا لاتعطيها اكلها مهلبيه بدون سكر او سيريلاك بالرز او بالقمح طول اليوم ومن بكرا اعطيها دجاج مسلوق مع رز مصري او بطاطا او دجاج مسلوق واخلط مع المرق شوية نشا بيوقف الاسهال ان شاءالله |
رد: قطتي مصابه بالاسهال ....... ارجوا الحل
اقتباس:
1- نوقف التونه والمنتجات الالبان هذه مقدور عليها 2- مهلبيه خليني اعرف اسويها وبعدين نتفاهم 3- سريلاك مقدور عليها بس هل هذا يكفي 4- ما اعرف اسوي دجاج مسلوق ولا بطاطس يعني سوالف الطبخ من جنب ابوها 5- هل اوقف عنها اكل القطط >>>>>> الله يخلف ما يعرف اسمه 6- في حالة وقفت اكل اقطط اقدر اعتمد على السيريلاك فقط لا تنسين انها ترضع ورعانها 7- هل التريت <<<< يقصد حق المكافاءه >>>>> واش جابك لسوالف القطط <<<<<< يزيد الاسهال والا اقدر اعطيها منه عادي 8- اليوم ركبت لها طوق الي حول الرقبه >>> الله لا يبلنا مايعرف شي <<< ومن وقت ما ركبته وهي خايف مني هل انزله منها والا اخليها تتعود عليها بصراحه اشوفها احلى بالطوق اعرف اسئلتي كثرة لاكن تحمليني شوي |
رد: قطتي مصابه بالاسهال ....... ارجوا الحل
لا ولايهمك
طريقة المهلبيه سخن كوب حليب ويفضل قليل او منزوع دسم لحد الغليان (ممكن نص الكوب حليب ونصه الثاني ماء رز مصري) نخلط ثلاث ملاعق صغيره نشا مع ملعقتين ماء بارد لحد مايمتزجون بعدها نضيفه للحليب اللي بيغلي وتحريكه لمده 3 دقائق وبعدها نتركه لحد مايكون دافي 3- سريلاك مقدور عليها بس هل هذا يكفي طبعا لا بس لحد مايوقف الاسهال لاتعطيها الامهلبيه او سيريلاك 4- ما اعرف اسوي دجاج مسلوق ولا بطاطس يعني سوالف الطبخ من جنب ابوها ماتبي شي جيب صدور دجاج فيليه فريش من اي سوبر ماركت وحبه بطاطا وقشر البطاطا وقطعها صغيره او ابشرها وخليهم في قدر وصب عليهم مويه مغليه واتركهم يطبخون اقل من نص ساعه وابعدين قطع الدجاه صغار واعطي قطوتك والباقي خليه بعلب زجاج وبالثلاجه 5- هل اوقف عنها اكل القطط >>>>>> الله يخلف ما يعرف اسمه لو تقصد الدراي فوود لا عادي اعطيها بس الويت فوود المعلبات وقفها 6- في حالة وقفت اكل اقطط اقدر اعتمد على السيريلاك فقط لا تنسين انها ترضع ورعانها اعطيها دجاج ودراي فوود 7- هل التريت <<<< يقصد حق المكافاءه >>>>> واش جابك لسوالف القطط <<<<<< يزيد الاسهال والا اقدر اعطيها منه عادي لاعادي 8- اليوم ركبت لها طوق الي حول الرقبه >>> الله لا يبلنا مايعرف شي <<< ومن وقت ما ركبته وهي خايف مني هل انزله منها والا اخليها تتعود عليها بصراحه اشوفها احلى بالطوق شكلها ماتعودت عليه خليه عليها كم يوم وتتعود واي سؤال لاتتردد |
رد: قطتي مصابه بالاسهال ....... ارجوا الحل
لا ولايهمك
طريقة المهلبيه سخن كوب حليب ويفضل قليل او منزوع دسم لحد الغليان (ممكن نص الكوب حليب ونصه الثاني ماء رز مصري) نخلط ثلاث ملاعق صغيره نشا مع ملعقتين ماء بارد لحد مايمتزجون بعدها نضيفه للحليب اللي بيغلي وتحريكه لمده 3 دقائق وبعدها نتركه لحد مايكون دافي ليه ما تسوينه وتفعلين فينا خير :D:D:D طبعا لا بس لحد مايوقف الاسهال لاتعطيها الامهلبيه او سيريلاك اوكيه ماتبي شي جيب صدور دجاج فيليه فريش من اي سوبر ماركت وحبه بطاطا وقشر البطاطا وقطعها صغيره او ابشرها وخليهم في قدر وصب عليهم مويه مغليه واتركهم يطبخون اقل من نص ساعه وابعدين قطع الدجاه صغار واعطي قطوتك والباقي خليه بعلب زجاج وبالثلاجه حطي تحت الطبخ و الثلاجه مية خط لا عندي لا ذي ولا ذي >>> عزوبي ما يفكر الا في المطاعم لو تقصد الدراي فوود لا عادي اعطيها بس الويت فوود المعلبات وقفها سهله اعطيها دجاج ودراي فوود حلوين والدجاج الله يخلي المطاعم نص حبه تكفي يوميا اشيل الجلد واعطيها اياه والا انا غلطان شكلها ماتعودت عليه خليه عليها كم يوم وتتعود تتعود عليه بالقوه والا بالغصب واي سؤال لاتتردد بخليكي تقولين اعطوه هذا العضو باند بسسب كثرة الاسئله <<<<<< يمزح :D:D:D |
| جميع الأوقات بتوقيت GMT +3. الساعة الآن 05:01 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو