منتديات تو زوو - معالف مجانا

السلام عليكم

عندك حمام وايد ؟

وكل زوج يبيله بيت ؟

ويبيله مشرب بروحه ؟

ويبيله معلف بروحه ؟

ادري يبيلهم ميزانية البيت بربع والمشرب اقل شي ربع والمعالف على ربع وعلى نص

حبيت اعلمكم على فكرة حلوة لصناعة قصوص الاكل وتقدرون هم تستعملونها للماي

ليش تشترون كل قص بربع دينار والكبير بنص دينار وتقدرون انتو تسوون احسن منه لا وببلاش صدقوني ببلاش ماراح تدفعون ولا فلس

وكل اللي تحتاجون له اغراض انتو تقطونها بالزبالة لكني راح اعلمكم شلون تستفيدون منها

خلوني اعلمكم عالطريقة : بس ابيكم تركزون معاي

تحتاجون لهذي الاشياء

1 - سيم علاقة الملابس

http://www.gmrup.com/gmrup-live5/gmrup13028894556.jpg

2 - جلابتين

http://www.gmrup.com/gmrup-live5/gmrup13028894553.jpg

3 - دريل طبعا انا ماشريته مخصوص حقهم انا عندي دريل منزمان

http://www.gmrup.com/gmrup-live5/gmrup13028894554.jpg

4 - تحتاجون حق ريشة ضعيفة حق الدريل اعتقد رقمها 4 ملي

http://www.gmrup.com/gmrup-live5/gmrup13028894555.jpg

5 - علب بلاستك شرط تكون شوي قوية انا استعملت علب عصير المراعي وندى ونادك واستعملت علب زيت الذرة مال التموين بصراحة احسن القصوص كانت مالت الزيت طبعا انا شقيتهم بالسكين وسويتهم على شكل قصوص

http://www.gmrup.com/gmrup-live5/gmrup13028894557.jpg

الطريقة وايد سهلة وراح اعطيكم الخطوات :

1 - بالدريل ازرف فتحتين بكل علبة

2 - اقطع كل سيم واسوي نفس الشكل اللي بالصورة

http://www.gmrup.com/gmrup-live5/gmrup13028894552.jpg

3 - ادخل هالسيم اللي قصيته وعوجته بالجلابتين داخل كل فتحة ( يعني القص الواحد يحتاج سيمين

4 - اركب القص بالخانة ( تقدر تحطها برا الخانة وتقدر تحطها داخل الخانة وثابتة وقوية ) انا عن نفسي حطيتها داخل الخانة لاني مابي اخرب الخانات توها يديدة .

وهذي النتيجة النهائية :

http://www.gmrup.com/gmrup-live5/gmrup130288945610.jpg

http://www.gmrup.com/gmrup-live5/gmrup13028894551.jpg

طبعا مثل ماانتو شايفين كل العدة ماتشترونها وانما من زبالة البيت علبة عصير خلص عصيرها وقطيتوها بالزبالة ، علبة زيت خلصت وطبعا العلبة مصيرها الزبالة .

انا خلال اقل من اسبوع قدرت اسوي 10 قصوص وترى العملية ماتاخذ وقت ولا جهد

مزايا الفكرة :

1 - التوفير

2 - قصوص كبيرة

3 - تحكم في عمق القص على كيفك

هذي فكرتي اتمنى انها عجبتكم

في النهاية يمكن بعضكم يشوف فكرتي او موضوعي سخيف لكن بس ودي اوضح لكم اني بذلت مجهود عشان اوصل لكم هالموضوع بالصورة هذي فاتمنى ان الاقي كلمة اطراء او تفاعل مع الموضوع وان عجبتكم الفكرة راح اسوي مواضيع ثانية مفيدة للمبتدئين