|
استشاره سريعه !
السلام عليكم
أبي استشاره من الخبراء !! قطوتي طلبت تزاوج قبل اسبوعين , و وديتها لوآحد من منتدى تو زوو لـ مده اسبوع , وأخذتها يوم الاربعاء اللي فات ,, قالي انها مارضت تتزاوج , وحتى مع الابره ,, كانت عصبيه مره ! ومو راضيه الذكر يقرب منها .. المهم , لما اخذتها شعرها كان يتساقط بكثره ! مع العلم انو ماكان لي كم اسبوع معالجتها بعدين وقف تساقط شعرها ولا صار يطيح مثل قبل .. بس لها امس واليوم وهي خااااامله مرررا !! اليوم بزياده , نايييمه طول الوقت , حاولت العبها مو راضيه , اشيلها وامسح عليها بعدين انزلها ما تمشي بس ثابته بمكانها , ولما اغير مكانها ماتتحرك ولاترجع مكانها الاول , تجلس بمكانها وتنام !! وقبل شوي راحت لـ الليتر بوكس وخلصت ولا نظفت نفسها !! رجعت تنام وش صار فيها !! مدري وش اسوي :( !! أنتظركم :( |
رد: استشاره سريعه !
وعليكم السلام ورحمه الله وبركاته
المس اذنها تاكد لاتكون حرارتها مرتفعه لان الخمول من الحراره لو حاره اعمل لها كمادات بمويه عاديه مو بارده انتبه وكمد بطنها واطرافها واول مايفتح الدكتور خذها له يشوف ايش فيها ولو ماانخفضت الحراره بيعطيها ابره ولو بتزاوج قطوتك جيب ذكر بالبيت قبل فتره الشبق عشان يمديها تاخذ عليه واول ماتجيها الفتره ترضى تتزاوج بس كانها زي اللي عندي ماترضى تتزاوج |
رد: استشاره سريعه !
لمست اذنها , حاره !!
احط كماده على بطنها ؟ شعرها كثيير عادي ؟ |
رد: استشاره سريعه !
توقعت انها حراره
شوف قدامك حلين يا منشفه تبللها وتعصرها وتكمد بطنها والاطراف او تجيب لك كيسين نايلون(عشان ماينشق الكيس الواحد)وتعبيه مويه وتربطه وتكمدها فيه كذا ماراح يتبل شعرها ولو اتبل شعرها الحين الجو حار بينشف |
رد: استشاره سريعه !
دلووعه قطوتي ..
حطيت لها كمادات على بطنها و اطرافها ,, خفت حرارتها شوي .. بس قبل شوي إستفرغت (رجعت - طرشت ) ولا ادرري وش اسوي :( !! مافي طبيب بيطري الحين !! ولا الصباح !! اقدر اعطيها فيفادول اطفال !! امي تقول عادي !! ينفع ؟ مرره خايفه عليها !! |
رد: استشاره سريعه !
لا انتبه تعطيها فيفادول ماينفع للقطط خليك عالكمادات وروح للدكتور
الترجيع اللي رجعته لونه ايش؟ حاول تاكلها زبادي مع شويه عسل لحد ماتاخذها للدكتور واهتم بترطيب جسمها اعطيها مويه كل شوي عشان مايجيها جفاف وطمني عنها ربي يحفظها لك |
رد: استشاره سريعه !
بما ان القطه مافيها اي عارض اخر كالاسهال او افراز دماء مع البراز او غيرها من الاعراض.
فاحتمال القطه عندها برد ضروري تعطيها خافض للحراره من الصيدليه البيطريه تولوفين tolfine والجرعه 1سم ..مره واحده في اليوم حتى تنخفض حرارتها. واعطيها مضاد بيتاموكس مرتين في اليوم والجرعه ملئ القطاره كامله لمده خمس ايام وان شاء الله تتحسن.. |
| جميع الأوقات بتوقيت GMT +3. الساعة الآن 10:05 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو