|
عندي دجاج لا يبيض !!!!
طبعا هذا اول موضوع لي بمنتداكم الجميل الي اعجبني بالفعل وانا من دولة الكويت اشتريت دجاج من سوق الجمعه للطيور وعددهم 5 دجاجات وديك وللاسف صار لهم عندي اسبوعين وما باض منهم الا وحجه بيضيتين ووقفت يا ترا شنو السبب وهل يوجد طعام خاص يخليهم يبيضون وشكرا لكم |
رد: عندي دجاج لا يبيض !!!!
اخوي الدجاج لازم اول مايغير المكان يتوقف عن البيض
((ليس كل الدجاج)) ومدة اسبوعين تكفي لي التعود على المكان لكن يمكن الدجاج الي شريتهم 1 كبيره والباقي غير باليغات ((يعني بعدهم مايقدر يبيضو )) لو يبيضو لكن بيضه بعده 3-4 -5 ايام تبيض ثاني شي انت فوين حاطهم يعني الارضيه ترابيه ؟؟لو على الارض؟؟لو على نشاره خشب ؟ ثالث شي ..من اول ماتجي اول بيضه بعدين يجي البيض والي يخالفي الراي يقول الرايه ؟ |
رد: عندي دجاج لا يبيض !!!!
جاوب على أسئلةالاخ مصيري وان شاء الله بنفيدك واذا بتنزل صورهم أفضل وافضل
|
رد: عندي دجاج لا يبيض !!!!
أولا أحب أرحب فيكـ معنا بهالمنتدى ..
ان شاء اللهـ نفيد وتستفيد .. :freind: كلام أخوي مصيري صحيح .. :) مافيهـ أي مخالفهـ على كلامهـ ,, :D فقط إضافة معلومهـ من عندي ان الدجاج يقل انتاجهـ في الشتاء .. فاصبر عليهم ,, :) ومادام انهم أنتوا لكـ بيضتين فالحمدللهـ معناهـ انهم مو كبيرات جدا بالعمر وتوقف انتاجهم .. وأيضا صحتهم ممتازهـ ماشاء اللهـ . فيهـ أطعمهـ تلاقيها بسوق الطيور تزيد من انتاجها ,, لكن ماعمري استخدمتها .. فما أقدر أفيدكـ كثير بها . :p ان شاء اللهـ أفدناكـ ,, وفي أمان اللهـ . |
رد: عندي دجاج لا يبيض !!!!
اقتباس:
اشكرك اخ مصيري للاهتمام والرد والحقيقه انا ما اعرف اعمارهم انا حاطهم في السطح في شبك عرض 4 امتار بطول 1.5 في ارتفاع 1.5 والارضيه مفروشه تراب وحاط بيوت خشبيه وحاط بداخلهم نشارة خشب والاكل ارز وشعير ذره وبعض الايام اجيب لهم خضار ورقيات من بقيا محلات الخضار بالنسبه للبيض هم عددهم 5 دجاجات باضوا ليوم متتالين بيضيتين فقط ولكن لا اعرف من منهن بالضبط ومن ثم تم التوقف التام الي الان وشكرا للاخ مصطفي والاخت بنت بلادي صمت الامل |
رد: عندي دجاج لا يبيض !!!!
اهلا وسهلا
ان شاء الله الاخوان ما قصرو والاخت صمت الامل كمان حاول ان يكون عندهم نور كافي وجبات الطعام منظمة بالتوفيق |
رد: عندي دجاج لا يبيض !!!!
اصبر لهم شوي ويبدون يشغلونك بالبيض !!
لا تنسى تهيئ لهم مكان للتبييض |
رد: عندي دجاج لا يبيض !!!!
يا الغالي الحين انت با فتره برد و انت حاطهم با السطح
سوال انت مقفل الشبك با شراع او اي شي يحميه من البرد الاناره كم ساعه با اليوم اذا تبيهم يبيضون لزم فيتامين هـــ ( اضنه هــ و انا منب متاكد المهم انه يساعد على انتاج البيض ) لكن يبي يطلع مكلف عليك |
رد: عندي دجاج لا يبيض !!!!
يمكن انهم مقد سارو يبيضون يعني باقي صغار مقد بلغو لازم يتعدون 7شهور او 6شهور وبعدهايسيرون يبيضون او مثل ماقالت الاخت صمت الامل انتاج الدجاج قليل في الشتاء والله يوفقك ومشكووووووووووووووور ع طرحك |
رد: عندي دجاج لا يبيض !!!!
راح يبيضون ان شاء الله
بس محتاج صبر اصبر عليهم |
| جميع الأوقات بتوقيت GMT +3. الساعة الآن 08:23 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو