منتديات تو زوو - سؤال عن الاسهال الله يكرمكم , وعدة استفسارات

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

سؤال عن الاسهال الله يكرمكم , وعدة استفسارات

السلام عليكم

اخواني الله يسعدكم جميعا

- عندي كم سؤال واهمها عن الاسهال
بالليل يكون برازه كثير الله يكرمكم ومختلط الاخضر والابيض يعني اظنه فيه اسهال

وبالنهار يكون طبيعي جدا وانا متأكده من شكله

مع العلم ان الطير نشيط يصفر ويلعب ويآكل الحمدلله

- الريش يحكه كثير ومااشوف رمادي يطيح بس الابيض مثل القطن
والريش الرمادي يسحبه بمنقاره وصاير نهايته متقطع وتالف

هذا شيكون كيف اعرف اذا طبيعي والا لا ؟؟؟

- الترويش هالوقت برد والتشميس كذلك شنسوي فيه والقشره كثرت :64:

- نروح للترويض :freind:

اللحين امسح على راسه وكامل جسمه اعطيه من ايدي
لكن الطلوع على اليد والكلام ماوصلنا لها

- كيف اعلمه على الكلام وهو اذا كان نشيط مايكون باله لي بس يصفر ويطير :cool:

-وهو داخل القفص لازم يتعلق ويحاول يطلع وريش راسه طايح متى الاخو يعقل :64:

اتمنى من اللي يدخل يجاوب عن جميع الاستفسارات واكون شاكره لكم :D

رد: سؤال عن الاسهال الله يكرمكم , وعدة استفسارات

بالليل يكون برازه كثير الله يكرمكم ومختلط الاخضر والابيض يعني اظنه فيه اسهال

وبالنهار يكون طبيعي جدا وانا متأكده من شكله

هذا طبيعي ياختي لانه باليل يكون في مكان ثابت مايتحرك فيتجمع البراز ويصير كثير والنهار يتحرك فينتشر فمايبان انه كثير ,

بالنسبه للطلوع على اليد خذ عصا اي عصا << لاتضربينه خخخخخخ

او عصا القفص الي يقف عليها وخليه يطلع عليها وسيريبه فالبيت وبعدين ميلي العصا للاسفل حتى هو يطلع لفوق الين يوصل ليدك ميليها لتحت

وهذي الطريقه استخدمتها مع كاسكوي بس يومين صار يرقى على يدي بدون عصا

بالنسبه للكلام نقي وزني عليه بكلمه وحده مثل ياواد او بابا بس بوجه مبتسم ومن بعيد ومن قريب وانتي رايحه وانتي جايه في كل وقت نقي عليه طفشيه بالكلمه بس اهم شي ماتكونين معصبه

اسف على الاطاله واتمنى اني افدتك

رد: سؤال عن الاسهال الله يكرمكم , وعدة استفسارات

مشكور اخوي على افادتك جزاك الله خير ^^

رد: سؤال عن الاسهال الله يكرمكم , وعدة استفسارات

اقتباس:

المشاركة الأصلية كتبت بواسطة ام ماجد (المشاركة 1843888)

السلام عليكم

اخواني الله يسعدكم جميعا

- عندي كم سؤال واهمها عن الاسهال
بالليل يكون برازه كثير الله يكرمكم ومختلط الاخضر والابيض يعني اظنه فيه اسهال

ما اتوقع انه اسهال اكرمج الله هذا الخروج مع البول ويتهئة لج انه اسهال

وبالنهار يكون طبيعي جدا وانا متأكده من شكله

مع العلم ان الطير نشيط يصفر ويلعب ويآكل الحمدلله

لا تخافين ان شالله ما فيه الا العافيه

- الريش يحكه كثير ومااشوف رمادي يطيح بس الابيض مثل القطن

والريش الرمادي يسحبه بمنقاره وصاير نهايته متقطع وتالف

هذا شيكون كيف اعرف اذا طبيعي والا لا ؟؟؟

هذا طبيعي دام ان الزغب الي يطيح ما فيه شي شويه فيتامينات وترويش وتشميس ويصير طيب

- الترويش هالوقت برد والتشميس كذلك شنسوي فيه والقشره كثرت :64:

الترويش يكون بماء دافي والظهر والتشميس الظهر

- نروح للترويض :freind:

اللحين امسح على راسه وكامل جسمه اعطيه من ايدي
لكن الطلوع على اليد والكلام ماوصلنا لها

الصبر وان شالله فيه طرق بالمنتدي عن الطلوع علي اليد

- كيف اعلمه على الكلام وهو اذا كان نشيط مايكون باله لي بس يصفر ويطير :cool:

ابدي معاه بالكلمات الصغير الي من حرفين او اكثر وافضل وقت للتدريب علي الكلام الصباح او المغرب

-وهو داخل القفص لازم يتعلق ويحاول يطلع وريش راسه طايح متى الاخو يعقل :64:

انطري علي ريش الراس وهو يطلع بس استمري علي الفيتامينات وعظمة الحبار

اتمنى من اللي يدخل يجاوب عن جميع الاستفسارات واكون شاكره لكم :D

بالتوفيق يارب وان شالله الاخوان يفيدونج اكثر عن الطلوع علي اليد

رد: سؤال عن الاسهال الله يكرمكم , وعدة استفسارات

الترويش يا خالتي ام ماجد في الشتاء يكون كل اسبوعين كل 9 ايام ، وبعدها تحطينه في غرفه مكتووومه ما يدخلها هواء خير شر يعني حطيه في غرفة وسكري النافذة و الباب وخليه 4 ساعات و خلاص ،
اما التشميس في الشتاء القوايل يعني الساعه 11 ، لين 3 العصر يكون حلوو التشميس فيها بس اذا حطيته في الشمس على تحطينه جنب جدار حطيه في وسط الحوش ولا تطولين عليه نص ساعة ،

اما عن البراز هذا طبيعي جدا ً الاسهال يكون ما راح تقولين طيري فيه سهال لين تقطعين عنه الفواكه يومين و تشوفين البراز اسهال عنده لان الطيور احيانا ً يجوع وياكل كثير و يصير عنده تلبك ويصير يسهل نص يوم وبعدين يرجع طبيعي و الناس يعطونه علاج على انه مريض وهو مو مريض ..،

بنصحك نصيحة حلوة علشان القشرة ، قبل لا تروشين طيرك خطي عليه زيت زيتون و زيت صبار و خليه نص ساعه وبعدين اغسليه تروح القشرة و تصير تطووووول علشان تطلع مرة ثانية

اما عن الطلوع على اليد ( طريقتي مجربها وحلوة كثير وسهله حطي على يدك منشفه و نزلي الطير على الارض و خليه في غرفه و احشريه في زاوية و دخلي المنشفه او الفوطه من بين رجوله بيصير في البداية خايف منها و الركوب بالقوة بس عقب 4 ايام بالكثير بيصير يركب و يحب المنشفه كثير و يحب يركب عليها ...، عقب ما يتعود على المنشفه تصيرين قطعتي شوط كبير تسوين نفس الطريقة بيدك تحشرينه و تدخليها تحت رجوله يومين و يصير يركب على يدك ويحب يدك ...،

اما الكلام اتوقع بدري ، ما كمل الطير عندك شهر الطير يحتاج فترة لين تشبع اذنه من سمااااع الكلمات ، بس رددي عليه كلمة الو أو بابا لين ينطق فيها ، بس قوليها الصبح و المغرب
وكل مرة قوليها 14 دقيقه ...، و ان شاء الله ينطق
.

وسلامتك تعبت من الكتابة

رد: سؤال عن الاسهال الله يكرمكم , وعدة استفسارات

اقتباس:

المشاركة الأصلية كتبت بواسطة يوفاوي الكويت (المشاركة 1844214)

بالتوفيق يارب وان شالله الاخوان يفيدونج اكثر عن الطلوع علي اليد

امين وياك يارب افدتني كثير وطمنتني جزاك الله خير
ششكرا لك اخوي يوفاوي ^^

رد: سؤال عن الاسهال الله يكرمكم , وعدة استفسارات

بالنسبه للريش هذا طبيعي بس عليك بالاهتمام بالتنويع بالتغذيه وبالكالسيوم عظم الحبار او عظم الدجاج بالنسبه للترويش نكتفي برش الطير بالبخاخ بالماء في الظهر وتشميسه بالظهر وعدم تعريض الطير الى الهواء البارد او الساخن بالتوفيق

رد: سؤال عن الاسهال الله يكرمكم , وعدة استفسارات

اقتباس:

المشاركة الأصلية كتبت بواسطة المألوف (المشاركة 1844237)

اول شي شكرا على كل هالكلام وجزاك الله خير وسلامة ايدك من التعب ^^
ثانيا الايام تركض يااخوي الطير بيكمل شهرين ;)

الزيت حلو بس اخاف ماينظف من جسمه لان المويه لوحدها ماتكفي لتنظيف الزيت ><

شكرا مره ثانيه الله يوفقك اخوي ^^

رد: سؤال عن الاسهال الله يكرمكم , وعدة استفسارات

اقتباس:

المشاركة الأصلية كتبت بواسطة وليد كاسكو (المشاركة 1844290)

انوع له بس مب كثير مادري اذا صح اللي اسويه والا لا
كل يوم اعطيه نوع من الفواكه والخضار والباقي بس حب دوار الشمس
وعضمة الحبار من اسبوع اطحن له مع الحب

جزاك الله خير اخوي على افادتك شكرا ^^

رد: سؤال عن الاسهال الله يكرمكم , وعدة استفسارات

http://www.2zoo.com/vb/showthread.php?t=167812

ما تخافين مجربه بس حطي نفس الكمية و كثري الموية خليها نصف الرشاش و رجيها كويس و كلو تمام

واذا ما تبغين الخروع و الحشيش بلاهم
حطي ملعقة زيت صبار و ملعقة زيت زيتون ..،