سؤال بخصوص الفيران الصغار(بينكي ماوس) والحشرات
 

السلام عليكم

حبيت أسأل بخصوص فراخ الثعابين اللي ما تقدر تاكل غير الفيران حديثة الولادة وش الحل فيها يعني مرات تلف المحلات كلها ما تلقى فار صغيرون. فالحل وش ممكن تاكل بالضبط إذا ما في فيران؟؟ راعي المحل قاللي في زباين يشترونهم ويجمدونهم الصراحة الفكرة ما عجبتني بس في فتوى سمعتها بجواز قتل الفأر بس ما لقيت لها مصدر على النت

يا ريت أعرف وش بتسوون بالضبط مع العلم الثعبان المقصود من فصيلة East African Sand Boa

ويا ريت لو أحد عنده ثعابين من ذول النحاف والصغار اللي يسمونهم بسباس على ما أظن (طولها 30 سم و عرضها نص سم) وش تاكل غير الحشرات أو لو لازم حشرات وش الحل من كيف الواحد يصيدها؟؟

مشاركة: سؤال بخصوص الفيران الصغار(بينكي ماوس) والحشرات
 

اخي العزيز بامكانك وضع الفئران المجمده او قطعة لحم صغيره اذا لم تاكل سوف اعطيك طريقة افضل الطعام لل sand boa هو الفئران الوردية الصغيرة التي لم ينبت لها شعر والثعابين الصغيرة تاكل كل اسبوع والثعابين الكبيرة تاكل كل عشرة ايام ومعنى كلمة ( بينكي ماوس ) وهي الثعابين التي لم ينبت شعرها .

الثعابين لا تاكل الحشرات ولا تصاد بالافخاخ .....

تقبل اجمل تحياتي :)

رد: سؤال بخصوص الفيران الصغار(بينكي ماوس) والحشرات
 

يعطيك العافية أخي عاشق الحيوانات

بخصوص البوا هي ما شالله عليها ممتازة في الأكل (3 فيران خلال 4 أيام) أول مرة كلت 2 وأمس الظهر كلت واحد وحطيتلها فار صغير (توه طلع شعر عليه) وبرضه كلته.

مشكلتي هي مع ثعباني الثاني (على ما أعتقد قالولي اسمه بسباس) هو أكل مرتين قبل كذا مرة بيضة دجاج كسرتله راسها وهو أكل منها شوي والمرة الثانية بيضة سمان بنفس الطريقة بس الاسبوع هذا (موعد أكله الخميس) ما رضي ياكل البيضه وأنا حاولت معاه قبل كده إنه ياكل دودة أرض بس ما ياكلها مرات يتلفلف عليها وبعد ما تجف و تموت يتركها. الحين له أكثر من 10 أيام ما أكل قولكم أطعمه إجباريا ولا أتركه للأسبوع الجاي وأجرب البيض كمان مرة؟؟

http://www.saudign.com/2Zoo/upload/Image.JPG

تحياتي

رد: سؤال بخصوص الفيران الصغار(بينكي ماوس) والحشرات
 

هل جربت الضفادع الصغيرة تراها احسن وارخص اوفروخ عصافير.....

رد: سؤال بخصوص الفيران الصغار(بينكي ماوس) والحشرات
 

بكم ومن فين ؟؟

مشاركة: سؤال بخصوص الفيران الصغار(بينكي ماوس) والحشرات
 

اخوي ممكن تعطينا كم طول الساند بوا ؟

رد: سؤال بخصوص الفيران الصغار(بينكي ماوس) والحشرات
 

بالنسبة للاكل حق الثعابين سوى كانت (فروخ عصافير _ ضفادع صغار _ زواحف صغيرة _ انواع الحشرات _ فيران وجرذان صغيرة ) تلقاها في المزارع او المشاتل. سو مثلي وافتك تعامل مع العامل إلي يشتقل فيها يوفرلك إلي تبية كل اسبوع بسعر بسيط ورخيص .......

رد: سؤال بخصوص الفيران الصغار(بينكي ماوس) والحشرات
 

يعطيكم العافية أخواني على الردود وآسف ما انتبهت إن في ردود جديدة

بخصوص البوا طولها حوالي 40 سم

بخصوص أفضل طريقة لقتل الفار من غير عذاب وبسرعة هي وضعه في حوض مقلوب ومملوء بغاز ثاني أكسيد الكربون راح تموت في أقل من دقيقة ومو بسبب نقص الأكسجين لكن بسبب زيادة تركيز ثاني أكسيد الكربون (الفرق للي يهمه يعرف إن نقص الأكسجين شي مؤلم والحيوان راح يعافر ويحاول يخرج بس زيادة ثاني أكسيد الكربون بتجيبله شي مشابه للإغماء يعني بينام مكانه وبعدين يموت)
الصرااحة المشكلة مو بس في إنك تلقى فيران صغار حق ثعابينك بس لكن الخطر الأكبر إنك تسيب كائن خايف وجيعان مع ثعبان مو مهتم بإنه يصيد وياكل لأنكم لو شفتوا صور بعض الثعابين المسكينة ووش يصيرلها لمن تصير الفريسة هي الصياد. ومعظم إذا ما كان كل المربين المحترفين ما يأكلون ثعابينهم غير فيران أو جرذان ميتة (يا قتلوها وحطوها يا مشترينها مجمدة ) لأن الثعبان مرات يكون أكبر من إنه يقدر يصيد فريسة صغيرة ومرات العكس يكون الثعبان خايف إنه ما يقدر يقتلها إذا التف عليها وبالتالي راح يتأذى إذا عضته الفريسة فما راح يهاجمها.

أدري كلامي يمكن يزعج أو يضايق بعض هواة القوارض بس ثعباني أهم بكثير من فاري (وفي نفس الوقت هذا الفار كل من يدي ولعب قدامي من هو بينكي لين صار بالغ فما أحب أشوفه يموت موتة شينة) فرأيي إن الفريسة تكون ميتة أفضل للفريسة قبل ما يكون للثعبان

بخصوص الفرايس المصيودة أحذرك أخوي بعضها ممكن يكون عدواني جدا وممكن يفتك بالثعبان وبعضها الآخر مريض وفي بطنه دود وبلاوي راح تمرض ثعبانك إذا ما عندك حل ثاني حاول تجمدها (أحد أسباب تفضيل الفرايس المجمدة إن تجميدها أكثر من 30 يوم راح يقضي على الجراثيم والبكتيريا اللي فيها)

تحياتي

رد: سؤال بخصوص الفيران الصغار(بينكي ماوس) والحشرات
 

على فكرة الثعابين والحيات, مستحيل ياكلون شي ميت إلى اذا قصبتهم على هذا وبالقوة.
وعط كل ثعبان فريستة إلي تناسب حجمة وإلي يقدر يسيطر عليها.
واكبر خطا انك تجيبله فريسة اكبر منه تقاومة او تتقلب عليه او تسبب له جروح اواصابات مما يخليها تتعقد من الفرايس ويتعب نفسيا وبعدين مايسوى شي.. وشكــــــــــــــــــــــــــــــــرا.

رد: سؤال بخصوص الفيران الصغار(بينكي ماوس) والحشرات
 

اخوي بالنسبة للساند بوا من الافضل انك تعطيها كل اسبوع فارين او ثلاثة :)