منتديات تو زوو - سؤال عن البلوفرونتد

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

- - سؤال عن البلوفرونتد (http://www.2zoo.com/vb/showthread.php?t=143344)

سؤال عن البلوفرونتد

السلام عليكم

البلوفرنتد مالي بدا الكلام و سمعته يقول الو و كاسكو و كوكو بس صوته واطي مو عالي ... شنو السبب؟

و هل في قابليه انه اعلمه كلمات يكون صوته عالي واهو يقولها؟ لانه من بعيد ما تسمعه يتكلم بس لمن تقرب تسمع

شنو الحل؟ في اكل معين اعطيه او شي؟ فيدونا يا اهل الخبره

رد: سؤال عن البلوفرونتد

يحتاج لثقة، و لوقت حتى يتكلم بثقة و وضوح.

رد: سؤال عن البلوفرونتد

اخوي توه بادي بلكلام ومثل ما قال اخوي hazemk يبيله وقت

رد: سؤال عن البلوفرونتد

ما شاء الله تبارك الله

أولاً ألف ألف مبروووك على الكلام

بالنسبة للصوت يا قمر في الغالب يبدأ الأمازوني يتعلم الكلمات ويحفظ كمية منها

وبعد كذا يبدأ يقولها بصوت خافت,, خصوصاً في فترة الخمول لما يكون كسلان وشبعان وجالس يسترخي أو يبغى ينام,,

لكن مع الوقت والتكرار يبدأ يتفاعل معاك بصوت عالي بنفس الكلمات ,,

حاول الحين انك تبدأ تكرر عليه كلمات ثانية جديدة غير الاولى لمدة اسبوع كامل,,

خلال الأسبوع هذا لا تكرر أي كلمة من الكلمات القديمة اللي سمعته يقولها,,

بعد ما يخلص الأسبوع,, ابدأ قول له الكلمات القديمة بصوت عالي ومن مكان بعيد شوي (يفضل من غرفة أخرى)

ابدأ قول له ألو وكاسكو وكوكو

وان شاء الله تسمعه يتفاعل معاك بشكل واضح,,

تحياتي

رد: سؤال عن البلوفرونتد

مشكورين يعطيكم العافيه طمنتوني :)