|
ارجو دخول الخبراء سؤال مهم جداً جداً
السلام عليكم ورحمت الله وبركاته وبعد اول اشكر قل القائمين على المنتدى وبصراحه منتدى خيالي وانا قرات يمكن كل المواضيع للتدريب لابومحمد وسكر وكثيرررررر من المواضيع المميزه لجميع الاعضاء والشكر الاول والاخير لادارت المنتدى المميزه وانا ابا اشتريلي كاسيكو لان كان عندي واحد قبل 4 سنوات وانا الان مازلت ادور بسوق الحمام الي بلرياض عن واحد عمره 4 شهور بس الي يقول انا ما ابغا الفحص والي يقول انا واثق انه مهب مريض المهم السؤال هل فيه فرق بين المحجل والعادي والا لا لو فيه فرق وش الافضل وهل يفرق المناعه والا لا اخرسؤال واهم شي هل الكاسيكو الي عمره 4 شهور يكون قادر على اطعام نفسه والا لا واسف كثير الاسف على الاسئله الزايده بس وش اسوي اذا ما سالتكم من اسال |
رد: ارجو دخول الخبراء سؤال مهم جداً جداً
وعليكم السلام ورخمة اللة وبركاتة
انا ادري انك متحمس وتبي تشتري طير ويكون حيوي وممتاز,, شوف اذا تبي نصيحه لا تشتري فروخ كاسكو هذه الايام,, اذا حصلت امازون توكل ع الله بعد الفحص الدقيق للطائر,, لأن الامازون مناعته اقوى ويتحمل اكثر من فرخ الكاسكو,, انا ملاحظ فروخ الكاسكو بكثره في الاسواق واكثرها معرض وحامل للمرض,, ممكن تتوفق بواحد ويعيش معك ,, المحلي يكون عليه حجل وفيه رقم جوال الغالب واسم المفرخ فيه,, وهذا النوع اذا حصلته خذه بدون تردد لكن افضل لك عمر فوق 6 شهور ,, يكون اكتسب مناعة ويقدر يعتمد ويأكل من نفسه,, بالنسبه لسؤلك عمر 4 شهور لا يستطيع الاكل وغير مفطوم. |
رد: ارجو دخول الخبراء سؤال مهم جداً جداً
يعطيك الف عافيه على الرد السريع والمميز وانا كنت متوقع ردك
وانا اقصد فحص طبي ليس فحصي وبعدين هل 6 شهور بلضبط زين والا لا بعدين الامزوني كم سعره |
رد: ارجو دخول الخبراء سؤال مهم جداً جداً
الامزوني ب3200كذا بلوفرنت يطلع ينزل شوي على حسب السوق واتمنى اني افدتك
|
رد: ارجو دخول الخبراء سؤال مهم جداً جداً
اخوي انا ابغا مهب مدرب العمر 6 شهو او 4 شهو انا ابغا ادربه كم سعره
|
رد: ارجو دخول الخبراء سؤال مهم جداً جداً
سعر الامازوني يتفاوت من 2800 الى 3200 ريال.
حتى لو انه مو مدرب . |
رد: ارجو دخول الخبراء سؤال مهم جداً جداً
مشكور على الرد السريع ولا كن متى يفطم الكاسكو ؟
|
رد: ارجو دخول الخبراء سؤال مهم جداً جداً
ينفطم العاده في عمر 5 شهور وبعضها يستمر حتى 6 شهور,,
والشغله هذه تعتمد ع المربي. |
رد: ارجو دخول الخبراء سؤال مهم جداً جداً
مشكور يا ابومحمد على الرد السريع واسف على كثر الاسئله
الاكل معروف سرلاك الطيور لاكن كم مره بليوم ووش رايك بلفحص الطبي للطير لاني عازم على اشتراء فرخ باذن الله |
رد: ارجو دخول الخبراء سؤال مهم جداً جداً
ارجو الجواب يا اخوان
|
| جميع الأوقات بتوقيت GMT +3. الساعة الآن 05:58 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو