توكلت على الله وخذت كاسكو عمرها 7 شهور لكن !!!!
السلام عليكم ورحمه الله وبركآته أخواني اليوم وبحمد الله بعد ماعزمت وتوكلت على الله أشتريت كاسكو جامبو واليوم جبتها البيت احس انها اليوم خايفه بس مع الوقت بتآخذ على البيت وأهل البيت.. المهم ... عندي استفسارات بسيطه اتمنى القى اجوبه شافيه من الخبرااء ... 1- هل الكاسكو بهذا العمر يحتاج مجاسلتي له لفتره طويله ؟ 2- انا خذته وجنآحه كامل هل يحتاج اني اقص جنآحه بطريقه خاصه ولا عادي اقصه بالطريقه الي تعجبني ؟ 3- بخصوص الأكل هل اعطيه حبوب ام خضروات وفواكه ولا اعطيه يوم فواكه ويوم حبوب 4- شو نوع الفواكه المحببه لدى الكاسكو 5- شو نوع الفواكه الي مايحبها الكاسكو او تأثر عليه 6- الكاسكو انا بحطه في االمجلس عندي فهل هذا مكان زين للكاسكو ام لا مع العلم انه دائما ضجه في المجلس؟ 7- هل توجد بروتينات اعطيها للكاسكو ولا مايحتاج بروتينات ؟ 8- فضلات الطير الي عندي لونها اخضر و الطير الثاني لونها ابيض فهل هذا يعني انه الطير مريض ام الفضلات تعتمد على الاكل الي كان ماكلها الطير ؟ السموحه على الإطاله والى بيجاوبني مابننسآآه من دعوات رمضاان |
رد: توكلت على الله وخذت كاسكو عمرها 7 شهور لكن !!!!
اقتباس:
ولو اني ابتعبك بالفهم اتمنى افدتك لو بالقليل |
رد: توكلت على الله وخذت كاسكو عمرها 7 شهور لكن !!!!
مبروووك
ويتربى بعزك سؤالك غريب انه هل يحتاج مجالستي ؟ اي اكيد يحتاج هو مثل الغريب بينكم وكل حاجة غريبه عنه فاكيد محتاج لرفيق يطمنه ويرتاح له وانت شاريه عشان تهجره؟ اكيد شاريه عشان تنبسط معه وتقضي معه اوقات حلووة طبعا مستحيل اتظل معه 24 ساعه لكن قدر استطاعتك خصص له وقت من يومك وهذا احسن يساعدك في تأليفه وتعويده عليك كثير قريت عن طيور كاسكو كانت أليفه والهجران جعلها شرسه فانتبه والله يحفظه لك ننتظر صوره |
رد: توكلت على الله وخذت كاسكو عمرها 7 شهور لكن !!!!
اولا مبروك على الطير وان شاء الله تشوف من خيره
بالنسبه للاجوبه ستكون على حسب ترتيبك على النحو التالي . 1- بالطبع اي طير يحتاج انك تجالسه ويشوف اهل البيت قدامه عشان يتعود عليهم . 2- بالنسبه للجناح هناك طرق معينه جميله في قصه و بامكانك مراجعه المواضيع الخاصه بذلك . 3-ياحبذا يكون الطعام مشكل والطريقه التي سوف اعطيك ياها من احد خبراء انتاج الكاسيكو اصحاب المعرفه الواسعه في هذا المجال حاول ان لا تكثر له الدوار الشمسي وابعد كل البعد من الفول السوداني نصيحه نصيحه وعليك بسلق الذره الصفراء و حبات الحمص مع الفول والدخن و الشعير بعد نقعها في الماء لمده 8 ساعات وكذلك عليك باتفاح بعد ازاله البذور لانها سامه للطير وكذلك البقدونس سامه للطير ومميته وعليك بالبرتقال و الملفوف و الخس و الجرجير هذه الامور تجعل صحة الطير و مناعته عال العال و ايضا البطاطس المسلوقه . 4-كل الفواكه محببه خصوصا التفاح و الكمثرى وغيره وتختلف الرغبه من طير الى طير . 5- لقد اجبت على سؤالك في الاعلى . 6- الطير بحاجه الى مكان هادئ بعيدا عن الضجه و حاول انك تريح الطير يعني عندما يؤذن المغرب تطفا عليه الانوار لينام وقتا طويلا مما يجعل نفسيته و شهيته للاكل ممتازه . 7-راح تجد الغنى في الفول والبيض المسلوق. 8-اهم شئ ان الفضلات تكون في حاله صلبه او شبه صلبه اما ان كانت سائله فهنا تكون الحذر اما بالنسبه لللون فقد تكون تنقل الطير من مكان لمكان و التغذيه السابقه لها دور ولاحظ الفضلات بعد اسبوع وسوف تجد تغيرا الى الحاله الطبيعيه ان شا الله . هذا والله اعلم واتمنى ان اكون افدتك وقد تكون اجابتي فيها خلل او نقص ولا مانع من الاضافه او التعديل من قبل الاعضاء . وفي الختام ركز على الاكل الاكل . بالتوفيق |
رد: توكلت على الله وخذت كاسكو عمرها 7 شهور لكن !!!!
اخوي انا ممكن افيدك بي مسألة القص
في طريقه قص للجناح تطلع شكل الطير ولا كأنو مقصوص جناحه و اذا تعرف احد ممكن يقص الجناح بنفس الطريقه يكون احسن |
رد: توكلت على الله وخذت كاسكو عمرها 7 شهور لكن !!!!
السلام عليكم ورحمه الله وبركآته
وعليكم السلام ورحمة الله وبركاته أخواني اليوم وبحمد الله بعد ماعزمت وتوكلت على الله أشتريت كاسكو جامبو واليوم جبتها البيت احس انها اليوم خايفه بس مع الوقت بتآخذ على البيت وأهل البيت.. المهم ... بالتوفيق وبإذن الله بتتعود على البيت لا تحاتي عندي استفسارات بسيطه اتمنى القى اجوبه شافيه من الخبرااء ... بإذن الله بباجاوبك على كل أسئلتك والله يوقك ويوفقني 1- هل الكاسكو بهذا العمر يحتاج مجاسلتي له لفتره طويله ؟ نعم يحتاج خصوصاً بهالعمر لأن هذا الي راح يتربى عليه طول عمره تبتدي من هذي الفتره من العمر 2- انا خذته وجنآحه كامل هل يحتاج اني اقص جنآحه بطريقه خاصه ولا عادي اقصه بالطريقه الي تعجبني ؟ قص جناحه عشان يسهل عليك تدريبه واذا ماتعرف تقص جناحه وده لمحل طيور يقصه لك بس أهم شي انك ماتقص أول تلاث ريشات بالجناح الي يجونك كبار شوي (عشان تحافض على شكله الخارجيومايكون بشع) 3- بخصوص الأكل هل اعطيه حبوب ام خضروات وفواكه ولا اعطيه يوم فواكه ويوم حبوب لا عطه حبوب وحب شمسي والفواكه لا تكثر منها لأنها تسويله اسهال عطه مرتين بالإسبوع شيء بسيط (تفاح عنب فراوله) 4- شو نوع الفواكه المحببه لدى الكاسكو التفاح الكرز العنب الفراوله 5- شو نوع الفواكه الي مايحبها الكاسكو او تأثر عليه كل الفواكه إذا زادت كمياتها راح تضره لاتكثر له من الفواكه 6- الكاسكو انا بحطه في االمجلس عندي فهل هذا مكان زين للكاسكو ام لا مع العلم انه دائما ضجه في المجلس؟ اي ممكن تحطه بالمجلس بس في البدايه لازم يكون زاويه بحيث انه ممكن يشوف الجميع ويكون في مكان يكثر المرور فيه عشان ياخذ على الوضع مرتفع عن الأرض مترين على الأقل أو في مستوى النظر 7- هل توجد بروتينات اعطيها للكاسكو ولا مايحتاج بروتينات ؟ لا مايحتاج أهم شي تغذيته زينه راح يكون بالسليم 8- فضلات الطير الي عندي لونها اخضر و الطير الثاني لونها ابيض فهل هذا يعني انه الطير مريض ام الفضلات تعتمد على الاكل الي كان ماكلها الطير ؟ الفضلات الخضراء الي يكون معاها ابيض هي الفضلات السليمه بشرط إن الأخضر منها يكون قطعه وحده متماسكه ماتكون سائله أو ممزوجه مع الأبيض..... وبعض الأحيان مثلاً لو أكلت الطائع كرز راح تشوف فضلاته حمراء هذا شي طبيعي بعد مايأكل الكرز مثلاُ وهكذا مع الفواكه الملونه السموحه على الإطاله والى بيجاوبني مابننسآآه من دعوات رمضاان __________________ ومع السلامه ولاتنسى توفي بالوعد انا جاوبت وعليك الدعاء بالثبات والهدايه والتوفيق وأي سؤال عندك الرسائل الخاصه تقدر تراسلني بأي وقت وعندك الشباب هنا بقسم الأسئله والأجوبه ماراح يقصرون معاك مع السلامه |
رد: توكلت على الله وخذت كاسكو عمرها 7 شهور لكن !!!!
ياجماعه ماعليكم زوود وتسلمون
اخواني انا شفت في الطير عندي برآز اسفل منطقه اخراج الفضلات لونه اخضر فهل اقدر اني أشتري له نوع معين من البروتينات تقوي الطير او احصل علاج لها او لا علما اني جبت الطير في كرتون للبيت واتوقع الطير اتبهدل شوي في الكرتون بس انا حاطنه في قفص كبير شوي عشان يآخذ راحته |
رد: توكلت على الله وخذت كاسكو عمرها 7 شهور لكن !!!!
ألف مبرووك على الكاسكوو والله يعطيك خيره ويكفيك شره بالنسبه للفضلات تتغير لونها على حسب أكل الطير فلا تحاتين أنشاء الله طبيعي أن كان الطير خامل أو أنك متخوفه منه وديه ألى الطبيب للتأكد من صحته وبالنسبه للأسأله خذي هالرابط أنشاء الله راح تستفيدين http://www.2zoo.com/vb/showthread.php?t=45945 |
رد: توكلت على الله وخذت كاسكو عمرها 7 شهور لكن !!!!
السلام عليكم
شكرا لمرورج اختي الغاليه وجآآري معاينه الموضوع |
رد: توكلت على الله وخذت كاسكو عمرها 7 شهور لكن !!!!
اخوي كما وعدتك
http://www.2zoo.com/vb/showthread.php?t=20272 رابك لتغذيه الببغاء اتمنا اكون افدتك هالرابط للدكتور احمد توفيق و فيه كل شيء الضاره والنافعه |
جميع الأوقات بتوقيت GMT +3. الساعة الآن 05:34 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو