منتديات تو زوو - || طُرَيَقِةُ تُربِيةٌ الْـ [ βάℓℓ ρутноп ] ₪ صْورَ حٌيايتِيـﮱ ●

السلام عليكم و رحمة الله و بركاته ,,

بالبدايه قبل لا تفكر بتربية حيه لازم هالأشياء تكون فيك
أول شي راس المال لازم يكون موجود خصوصاً أول الأيام بتدفع دفع لكن بعدها ما تكلفك الا كل اسبوعين ولا 3 مره ! ، لكن تذكر انت بتربي حيوان بري وحشي ما يتدرب مجرد يتعود على شي ممكن يختلف عليه شي أو اهو يختلف فتوقع بأي لحظه تنعض لا سمح الله أو تشد حتى لو مو قصدها يمكن بتثبت نفسها لكن المهم تشد يعني مو تصير بطل العالم و تلفها على رقبتك و تركض &&" ولله تبهذلك ههههههههه و هم تذكر انك انت الي بتنظف ماكو تقول ميييييرييييييي تعالي نظفي بتفلت منك ههههههههه + مو تقول أححح حرام كتكوت و لا هالسوالف لازم ما تكون فيك رحمه :D و الباقي بالموضوع ..

موضوعي ممكن يكون مكرر قبل لكن أنا بتكلم عن تجربتي لها و شلون إذا خذيتها شنو تختار تاخذ فكره بسيطه عن تربيتها و بس ~
عموماً انا بتكلم عن تجربتي أنا ممكن في ملاحظات مو مشكله شاركونا ~
عالعموم نبدي بالبدايه < يعني من النهايه ؟! :p
الـ Ball Python
امممممممممم
أكثر نوع معروف انه يربون و الكل ينصح انه النوع يكون بدايه بهالمجال و كل ما أحد سأل نصحوه بالنوع و صراحةً انا كنت منهم لكن حالياً ما أنصح من بعد ما جربت تربيتهم ! لكن مو القصد ان تربيتهم صعبه جداً ~

أحب أذكر أساسيات التربيه بصوره عامه و بعدها المشاكل و اقتراحات ~

أولا حجم الحيه ~
كأي من الزواحف في العاده حجم النثيه يكون أكبر من الذكر و هذا الشي ينطبق على الـ Ball Python و أكبر شي ممكن يوصلون له هو متر و 80 سانتي ~
و ممكن الذكر يوصل بحجم الثنيه بحالات نادره + التغذيه الجيده ~

ثانياً حجم الحوض ~
طبعاً مافي حجم بكون دقيق لكن أنا أشوف إن 60 × 30 كافي للعلم هذا ما ينطق على الكل الحوض على حجم الحيه ~

ثالثاً درجة الحراره ~
تعيش ما بين 25 – 32 درجه مئويه

رابعاً التغذيه ~
تاكل الفيران أو الهمسترات و الطيور الصغار بمراعاة حجم الوجبه ~

إذا كنت تقدر توفر كل هالشغلات فمبروك عليك انشالله تقدر تربيها
ذكرت لكن طريقة التربيه بصوره عامه لكن انتش لون بتسوي كل شي شنو بالحوض شلون بوفر أكلها و شلون و شلون
..
أهني بشرح لكم كل شي بشكل مفصل !!

أولاً شوفها كلها عدل قلبها يمين يسار شوف الختم أي شي :P ، لا يكون فيها أماكن ما عليها لون أو جروح أو حشرات و الشغلات هاذي كلها و مافيها تجاعيد وايد و مادري شلون ، ثانياً شكلها الحمدلله سلييييم بس أهم شي قبل ما تشتري شوفها تاكل و لو ما وكلها لا تاخذها بأي عذر كان ! ، صراحةً انا اشتريت لحد الحين 3 وحده منهم الي تاكل فقط !! ، يعني لا تقول الي يبيع واحد كبير و تتفشل تقوله وكلها أول أو أي شي ، لكن صدقني بتندم عالساعه الي شريتها فيها راح تدوخ و انت تجبرها عالأكل ، المهم شفتها تاكل و الحمدلله توكل على الله و أخذها :)

خذيتها عندك مافي أي مشكله و الحمدلله لكن كل شكثر توكلها و اذا ما كلت شسوي ؟؟ ، بالأول تأكد من صاحبها معودها تاكل كل شكثر ؟ عادةً كل 10 – 14 يوم ، و شي مهم بعد ما تاكل يومين لا تمسكها عشان لا ترجع الأكل ، < السالفه سهله ، لكن راعيها وكلها قدامي و كلت ليش ما تاكل عندي ؟! ، أولاً في 3 أمور : ممكن هي نفسها مو يوعانه متعوده على فترات أطول ، و ممكن قاعده تبدل اليلد [ طبعاً إذا بتبدل اليلد تلاحظ عينها تصير زرقه و البعض ياكل لكن يفضل لا ] ، و الإحتمال الأخير إن في شي مضايقها ، مثلاً معاملتك لها أو الحوض أو درجة الحراره أو مو حاسه بالأمان ، و في حالات أساساً ما تاكل يكونون صيد و هالنوع مشكله @@" ، إنزين الله بلاني بحيه ما تاكل شالحل ؟! ، الحل واحد || إجبرها عالأكل || ، طبعاً تستخدم قطعة لحم أو نقانق أحسن شي اغسلها بعدها تمسكون راسها طبعاً راح تشد عليكم شوي ^^" ، المهم تحط النقانق قدام حلجها و تدخل لي داخل [ بسهوله راح تفتح حلجها ] و تدخل لي الأخر أو حتى لي بلعومها بس شوي مو حيل ، إقعد سو جذي لين تاكل .

الحمدلله إنتهينا من الأكل و ننتقل للحوض شنو مكوناته و المتطلبات: مكان ينخش فيه ، صخر يحك فيه ، ماعون ماي و يفضل يكون كبير شوي ، و اذا المكان بارد أشتر دفايه ، الأرضيه نشارة خشب أو جرايد أو أوراق أو كلنكسات . هاذي أهم الأشياء لكن بناخذ شي شي بالتفصيل ، طبعاً الحجم ذكرته سابقاً ، و نبدأ بالمكان الي تنخش و تنام فيه سهل و ما يبليه شي مثلا بيت صغير أو كهف مثلا و ممكن سله تقصونها بجهه و تدخل و تنام فيها و طبعا يكون المكان هدوء مو ازعاج ! ، و الصخر أو قطع خشب و أشياء حلوه جذي بتحتاجهم لما بتدل يلدها + توهمها إنها فبيئتها بعد ، و الماي ضروري لأنهم يشربون ماي و مرات يدشون داخله يسبحون ، و الدفايه طبعاً لتضبيط الحراره و ان احتاجت تنام عليها فيفضل تكون الدفايه بمكان قريب من الي تنام فيه ، و الحراره بالنهار تكون ما بين الـ 27 : 32 ْ مئويه و الليل ما بين 23 : 26 ْ مئويه ، و الأرضيه إذا انت مخليها بغرفتك مثلاً ودك يكون الشغل حلو خل نشارة خشب لكن اهي مو بغرفتك و مو مهتم للشكل فالأحسن تحط أوراق أو كلينكسات ولا جرايد بس ما يكون حبرهم الي يطلع مادري شلون ~

ننتقل للنقطه الأخيره و اهي التعامل معاها و نصائح : التعامل معاها سهل نوعها هادي جدا جدا و يمكن يكون عيب فيها يعني ما تشوفها أغلب الوقت نايمه تشيلونها عااادي جداً ما تعض ولا تفح لكن يكون على حسب طبيعتها و ممكن تشد شوي فيكم لكن المطلوب هو انها تثبت نفسها و ما تطيح فعادي و من ناحية العض إهي ما تعور حيل :P لكن الي يخرع شكله و اهو يهجم يوقف القلب ههههههههههه ولا العظه عاديه أساساً أسنانها صح وايد بس صغار جنهم شوك فعادي ، طبعيتها ما تهاجم بدون سبب فلا تخافون . عموما يفضل ما توكلها بحوضها عشان ما تتعود ان بهالمكان ممكن ان يكون في شي و لا تمسح الله انت قاعد تعدل ولا اهي كامشه ايدك :P و هم نفس الشي مثلاً لا تمسك الفار بإيدك او الشي الي تاكلها لأنها تعتمد عالريحه و اهي تاكل بعد = الريحه بإيدك و اهي ما تعرف فتعظك انت .

و ما افضل انكم توكلونها فيران أولاً وصخين + ما كلت بتظطر انك تخليه عندك ! شتسوي فيه ؟! + لو انحاش منك سريع و مادري شلون و حتى ما تمسكه ! ، وكلوهم همسترات نظاف عالأقل و مافي أي مشكله لو مسكتهم بإيدك مثلا و يفضل تخليهم يتوالدون عندكم اخذ يوز و شوفهم ماشالله كل شهر والدين و بعدها من ناحية الأكل ما راح تكلفك شي لحد يقول حرام همستر و مادري شنو تراه بالاول و الأخير فااااار !
و لي ما تفهمونه شوفو الصور راح يكون في كم شرح ~
بالأول صورهم عاديين :)

http://img37.imageshack.us/img37/7915/20100529018.jpg

http://img156.imageshack.us/img156/6320/20100529027.jpg

http://img203.imageshack.us/img203/8293/20100529028.jpg

http://img408.imageshack.us/img408/3646/20100529033.jpg

http://img405.imageshack.us/img405/8114/20100602101.jpg

http://img210.imageshack.us/img210/4364/20100605139.jpg

http://img687.imageshack.us/img687/3800/20100608176.jpg

و الحين تبديل اليلد و الي أقصده من العين الزرقا كا مثل الصوره

http://img191.imageshack.us/img191/4761/20100605136.jpg

و هاذي المراحل المشكله ما مداني صدمتني مبدله بسرعه

http://img412.imageshack.us/img412/876/20100605140.jpg

http://img229.imageshack.us/img229/3251/20100609181.jpg

http://img716.imageshack.us/img716/8632/20100609182.jpg

و الحين الأكل طبعاً بوريكم الأكل الغصب ما خذيت راحتي بالتصوير كان شي صعب يعني أنا بروحي فالمهم الطريقه تاخذ نقانق تقشرها و تغسلها و يفضل تقصها نصين ، و تمسك الراس على جنب مو تفقصه من فوق ما تقدر تفتح حلجها المهم تحط النقانق و تضغط لي تفتح الحلج و تدخل لي داخل راح تطلعه و انت عيد لين تااااكل < عشان تعرفون ليش تأكدوا انها تاكل بالأول ، ممكن تعيدها 25 مره عآدي + السعابيل بتكون عالنقانق يعني أستحمل و نفس القطعه تعطيها مو تقط و لي شفتها بتاكل وخر خلها بروحها ~

http://img94.imageshack.us/img94/163/20100606142.jpg

< ما خذيت راحتي بالتصوير مابيها تتضايق و ما تاكل ,,

و هاذا الضحيه :D

http://img241.imageshack.us/img241/3407/20100609187.jpg

الي ما يحب مشاهد قويه شوي بنزل تحت بسرعه
و يرد و خلاص :D

http://img191.imageshack.us/img191/7576/20100609189.jpg

http://img541.imageshack.us/img541/3574/20100609190.jpg

http://img412.imageshack.us/img412/5343/20100609191.jpg

http://img408.imageshack.us/img408/235/20100609192.jpg

و بس :)
أتمنى عجبكم الموضوع

جميع الحقوق مطبوعه لي الموضوع والصور

|| PyTHoN || ©