من يروض ببغائي
 

السلام عليكم ورحمة الله وبركاته
تحيه طيبه
انا سبق كتبت عن ببغائي الرمادي الافريقي
بانه صعب ترويضه وانا واحد ماعندي فكره بالمره
بس احبهم بأنواعهم
سؤالي هل يوجد مكان او شخص متخصص يروض لي ببغائي ويعلمه الكلام
بالدمام
وجزاكم الله خيرا

رد: من يروض ببغائي
 

والله أخوي لو عندي وقت ابشر

بس اللي اقدر افيدك فيه انك تجيبه عندي تخليه كم يوم وبعدها بعلمك كيف تتعامل معاه.

انا حالياً عندي أمازوني وعندي غيني تمنه

بس واضح انك انت تحتاج للتدريب مو ببغاءك

انا في الدمام خلينا نتقابل وننقل التجربة للأعضاء بعد ما تظهر النتائج.

وان شاء الله تلاقي نتيجة

تحياتي

رد: من يروض ببغائي
 

انا بالرياض مشكلة

لكن اقرا في المواضيع المثبته

انا كنت مثلك ما اعرف اي شيء قالي واحد من العيال سجل وشف والله سجلت وهذا انا ما شاء الله

رد: من يروض ببغائي
 

اخي العزيز سكر
تحيه طيبه
انا سبق عرضته على قريب لي من اصحاب الخبره في الترويض
جلس عنده شهر ورجعه وقال لي عنيد وراسه يابس ولاقدرت عليه
عندك استعداد تقابلني وتاخذه تدربه
واكون لك شاكر

رد: من يروض ببغائي
 

ايه ابشر من عيوني

اليوم ان شاء الله في أقرب وقت نتقابل ولا يهمك وآخذه عندي كم يوم وان شاء الله نلاقي نتيجة يا قمر

تحياتي

رد: من يروض ببغائي
 

عزيزي سكر شيك على الخاص ارسلت لك رقمي
انا بانتظارك
ولك كل الاحترام والتقدير

رد: من يروض ببغائي
 

بالتوفيق لكم جميعا

رد: من يروض ببغائي
 

قبل كم ساعة قابلت الأخ أحمد حمادة وأخذت منه الببغاء حقه.

وصراحة شكله مفجووووع مرة

لكن ربي يسهل

شوف الفيديو هذا يا غالي, هذا ببغائك المتوحش شوف صار أحسن شوي.

التحميل من هنا

حاول تحمله على جهازك اذا كان عندك برنامج ام بي 4

أما اذا ما كان عندك أجل انقله على جوالك عن طريق البلوتوث وبيشتغل ان شاء الله.

وبعد شوي بنزل لك صور عنه ان شاء الله


تحياتي

رد: من يروض ببغائي
 

هذا ببغائك الجميل اللي للحين ما تعرفت على اسمه



http://www.pusup.com/up/get-3-2009-3mdelmg8.JPG

وأبشرك أكل من يدي وخف جعيره عن أول بكثير, لكن ما زال يجعر اذا أحد لمسه.
لكنه ما يقول شي اذا بتقرب منه بس زي منت شايف في الصورة جالس أأكل التمنة وهو يطالع.


http://www.pusup.com/up/get-3-2009-z65kr5lq.JPG


هذي صورة جناحه قبل ما أقصه كان مبهذل وتالف بسبب عدم الاستحمام.
وكما هو واضح كان فيه محاولة قديمة لقص جناحه بطريقة خاطئة, ولكن لم تكتمل.
http://www.pusup.com/up/get-3-2009-c04uwhwq.JPG

أعتقد ان اللي كان بيقصها بطل من شدة توحش الببغاء. (وبيني وبينك معاه حق :D )

هذي صورة ريشه قصيته اليوم بعد ما اعطيتني اياه.

http://www.pusup.com/up/get-3-2009-uz9b85pz.JPG

وترى بخليه في علبة واعطيك اياه عشان ما تقول اني رجعت ببغائك ناقص :D

على فكرة .

انجرح جرح بسيط لما نزلناه من السيارة, الظاهر انه صدم في الشبك بقوة وجرح من عند خشمه.

ما يأثر ان شاء الله بس شكله خايف بشكل غير طبيعي ومستعد يأذي نفسه ولا يسمح لأحد يقرب منه.

أضن انه يحتاج فترة أطول عشان يتأقلم.

دعواتك لي بالتوفيق في ترويضه لأنه فعلاً تحدي.


تحياتي

رد: من يروض ببغائي
 

بسم الله الرحمن الرحيم

سكر يعطيك العافية على مساعدة الاخ احمد

ومتابعين الموضوع معاك للنهاية ان شاء الله

بالتوفيق لك في هذا التحدي الشييق.