|
سلوكيات الببغاء
السلام عليكم
عندي سؤال بسيط اتمنى اجد من يرد عليه هل الطيور تتعلم من بعضها السلوكيات السيئه لانه بصراحه عندي سنغالي ودره طبعا الاثنين يعتبرو غير اليفين لا يقبلو الصعود على اليد ولا المسح والسنغالي يرفض الاكل من اليد حتى لو مات من الجوع:64: ويرفض اي طعام الا الحب الشمسي وقطعه صغيره من التمر الدره تقبل الاكل من اليد لكن بمزاجها احيان تاكل واحيان تنقر يدي او تعض لاحظت مؤخرا ان السنغالي بداء ينقر او يحاول يعض لو جربت اوكله والشي الثاني اجلس معهم بالساعات وطبعا طول فترة وجودي لا اسمع صوتهم الدره تتحرك داخل القفص وخارج القفص تجمد بمكانها اما السنغالي يتجمد داخل وخارج القفص ولو قربت يهرب لابعد نقطه:mad: وبمجرد خروجي من الغرفه تبداء الاصوات والصفير حتى الدره اسمع منها وغوغه والسنغالي يقفز ويرفرف هل لديكم حل لمشكلتي ام ابيعهم واقتنع اني لا استطيع التعامل مع الببغاوات |
رد: سلوكيات الببغاء
عليكم السلام
صحيح الطيور بشكل عام تعلم بعض وتخرب بعض وتحب تقلد بعضها زي الببغاوات الناطقة تلقن الفروخ الكلام . |
رد: سلوكيات الببغاء
[QUOTE=تركي111;3171062]عليكم السلام
صحيح الطيور بشكل عام تعلم بعض وتخرب بعض وتحب تقلد بعضها زي الببغاوات الناطقة تلقن الفروخ الكلام . شكرا اخي على الرد بس لو كده لازم لو طير اكل من يدي الثاني يقبل ياكل من يدي او لو لمست طير لازم الطير الثاني يقبل المسه او انها زي الاطفال تكتسب من بعضها العادات والسلوكيات السلبيه فقط ارجو ان تفيدني ويعطيك العافيه |
رد: سلوكيات الببغاء
مثل ما تفضل اخوي بو تركي
الطيور بشكل عام حساسه جداً وفيها غيره عجيبه اذا حس احد الطيور انك اهملته وما التفتت له و اهتميت بالاخر تصيبه غيره وحقد عليك سبحان الله انا الاحظ هذا في طيوري بعضها كان اليف جداً معي والان صار متوحش و يسوى حركات تبين انه حاقد علي سبحان الله ومع اني اهتم فيهم كثير جداً من ناحية الغذاء والنظافه ..الخ بعض طيوري متوحش معي والييف جداً مع غيري يلعب ويطلع على يد والدي ويقبل المسح لكن معي لا ومع انه انا اللي اهتم بهم ! وبعضها اليف معي ومتوحش مع غيري |
رد: سلوكيات الببغاء
اقتباس:
شكرا اخي على الاهتمام والرد هدا كلام يريح انه طيور الجميع مزاجيه وعندها سلوكيات متعبه لانه انا ظنيت انو المشكله فيني وكنت ناويه ابيعهم وخلاص بس كدا الموضع اختلف يعطيك العافيه |
رد: سلوكيات الببغاء
.. واضح أن مسافة الثقه بينك وبين طيورك جدا بعيده ، وهذا محتاج شغل وصبر .. انصحك بالتأني ، والهدوء ، وفرض سيطرتك على طيورك ، وبناء الثقه معهم . بعض النقاط المفيدة لك ، 1- تصفح المواضيع المتخصصه بطرق كسب ثقة الببغاوات .. 2- انصحك بمشاهدة مقاطع عن ترويض وتدريب الببغاوات سواء العربية او الاجنبية .. 3- حاول في مرحلة الترويض تعزل كل طير عن الأخر .. 4- فكر بطيورك كهواية ومتعه ، وليس كعمل مطلوب انجازه .. تحياتي لك |
رد: سلوكيات الببغاء
اقتباس:
انا اقراء مواضيع التدريب واشوف اليوتيوب لكن للاسف طيوري جدا عنيده ممكن يكون خطئي انهن في نفس المكان واضحك انه السنغالي والدره يوقفو بنفس الستاند وياكلو من نفس الاكل ويشربو من نفس المشربيه طبعا بالبدايه كنت زي شرطي المرور عشان امنعهم يعضو بعض الحين لو قربت من الدره عشان اوكلها السنغالي يجعر عشان ابتعد وينامو الظهر واحد على ظهر القفص وواحد داخل القفص:cool: يعني توالفو مع بعض ولا توالفو علي اما بالنسبه اني افكر بها كهوايه....صدق اني مره اهتم وادلل وبالعكس احسهم اصدقائي واكثر من مره اقترح ابني يبيعهم وانا يلي ارفض عشان يسلوني بس الصراحه احيان اطفش من عنادهم وانا نزلت الموضوع على شان اعرف وين المشكله واحلها ان شاء الله ويعطيك العافيه ولو عندك اي نصائح ثانيه انا على استعداد اسمع واطبق واكون شاكره لك ولكل الاخوه في المنتدى |
| جميع الأوقات بتوقيت GMT +3. الساعة الآن 01:27 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو